Կորյուն Գրիգորյան

Կորյուն Գրիգորյան

Օգոստոս 22, 2014 15:19 Համալիրը ՊՆ-ին հանձնելով՝ փորձում են ուշադրությունը շեղել 25 միլիոն դոլարի անհետացման փաստից։
Արեգնազ Մանուկյան

Արեգնազ Մանուկյան

Օգոստոս 22, 2014 13:29 «Քառյակին» մնում է չտրվել սադրանքներին ու բամբասանքներին և հանգիստ նախապատրատվել Ազատության հրապարակի ձևավորմանը։

Խմբագրական

Օգոստոս 04, 2011 19:47

«Երկխոսության» շահառուները

«Երկխոսության» շահառուները

Վերջին շրջանում Լևոն Տեր–Պետրոսյանը սկսել է հաճախ շեղվել նախապես գրած տեքստից ու «էքսպրոմտ» մի քանի մտքեր արտահայտել հանրահավաքային ելույթի ժամանակ։ Հետաքրքիր զուգադիպությամբ՝ տերպետրոսյանական բոլոր շեղումները հօգուտ Սերժ Սարգսյանի են, հօգուտ «երկխոսությունը» գյալաջիի վերածելու իշխանական ծրագրերի։ Այդ շեղումներն են, որ հնարավորություն են տալիս «ազատ, բայց սերժատու» հեռուստաընկերություններին ուղիղ խոսք ներկայացնել Տեր–Պետրոսյանի «կոշտ» գնահատականներից։

ՀԱԿ առաջնորդը, հավանաբար, հնացած պատկերացումներ ունի և իրեն թվում է, թե հանրահավաքի ժամանակ «տաքացած» մի քանի բան ասելը կանցնի կգնա ու կմնա միայն իր «ստերիլ» գրավոր խոսքը, բայց մենք հիմա ուրիշ դարաշրջանում ենք ապրում և հնարավոր չէ տարբեր լսարանների համար տարբեր բաներ ասել ու «պլստալ»։ Ամեն ինչ ֆիքսվում է ինչպես տեքստային, այնպես էլ տեսաշարային տարբերակով։

Գյալաջիի մեխանիկան

Երբ պատվիրակների մասնակցությամբ «երկխոսությունը» Հանրային խորհրդի փոքր դահլիճում դեռ չէր մեկնարկել, Տեր–Պետրոսյանը համոզում էր Սարգսյանին նստել իրենց հետ սեղանի շուրջ՝ «երկխոսությունը» համեմատելով ավելի քան մեկ ու կես տասնամյակ ձգվող հայ–ադրբեջանական բանակցությունների հետ։

«Երկխոսության ժամանակ մենք մեր օրակարգը կներկայացնենք, իշխանություններն՝ իրենցը,– մոտ ժամուկեսանոց ելույթի վերջում միտինգավորներին դիմելով ասում էր ՀԱԿ առաջնորդը և ավելացնում,– Ղարաբաղի հարցում հայկական կողմը շեշտը դնում է ինքնորոշման սկզբունքի վրա, իսկ Ադրբեջանը՝ տարածքային ամբողջականության։ Արդյոք դա խանգարու՞մ է, որպեսզի կողմերը նստեն դեմ դիմաց ու բանակցեն»։

ՀԱԿ–իշխանություն «երկխոսությունը» համեմատելով հայ–ադրբեջանական բանակցությունների հետ՝ Տեր–Պետրոսյանը, փաստացի, խոստովանեց, որ գնում է Սարգսյանի հետ գյալաջի անելու և շատ լավ հասկանում է, որ արտահերթ ընտրություններ անցկացնելու իրենց պահանջը չի կատարվելու։

Ըստ Տեր–Պետրոսյանի՝ չի շահում ժողովուրդը, բայց շահում է Սերժ Սարգսյանը

Վերջին հանրահավաքի ժամանակ Տեր–Պետրոսյանը հերթական «էքսպրոմտն» արեց՝ նշելով, թե եկեք մի բան արձանագրենք. այս երկխոսությունից դեռեւս ո՛չ իշխանությունը, ո՛չ էլ Հայ Ազգային Կոնգրեսը, ո՛չ էլ մեր ժողովուրդը դեռևս ոչինչ չի շահել, բայց շահել է մեր երկիրը, մեր պետությունը, և միջազգային ասպարեզում անսահմանորեն բարձրացել է Հայաստանի հեղինակությունը որպես քաղաքակիրթ երկիր, քաղաքակիրթ պետություն:

Ապրի, ապրի Սերժ Սարգսյանը, որ կարողացել է այս աստիճանի հաճախորդացնել «արմատականների» առաջնորդին։ Իր «թունդ ընդդիմադիր» եղած ժամանակ նույնիսկ Արտաշես Գեղամյանն այսպիսի բաներ չէր ասում, իսկ ահա Տեր–Պետրոսյանը «լվանում» է «Ազգային Միաբանության» առաջնորդի գլուխը և «մաստեր կլաս» ցույց տալիս։ Զարմանալի է, թե այսքանից հետո ինչու՞ Լ. Տեր–Պետրոսյանին ու իր անխոնջ պատվիրակներին Սարգսյանն ուղիղ եթեր չի տրամադրում և բավարարվում է երկարաշունչ ռեպորտաժների օգնությամբ կոնգրեսականներին որպես դրական կերպարներ ներկայացնելով։ Սրանք պարզապես գտածո են ՀՀԿ «ճկուն» ղեկավարի համար և անհասկանալի է մնում «ընդդիմադիրների» «պահանջների» մերժումը։

Ինչ վերաբերում է Տեր–Պետրոսյանի այն հայտնագործությանը, թե իշխանությունը չի շահում, Կոնգրեսը չի շահում, ժողովուրդը չի շահում, բայց պետությունը շահում է, ապա 40 աստիճան շոգին Սերժ Սարգսյանի դրական PR–ով զբաղվելն ու «երկխոսության» շրջանակներում «միաբանություն» անելն ընկալելի չէ միայն «վկաներին» կամ նրանց հավասարեցված անձանց։

Գաղտնիք չէ, որ Սերժ Սարգսյանն առաջնորդվում է «պետությունը ես եմ» սկզբունքով, ինչն ապացուցվել է գիշերային ու ցերեկային միանձնյա որոշումներ կայացնելու նրա աշխատաոճով։ Հետևաբար՝ «երկխոսությունից շահել է պետությունը» տերպետրոսյանական ձևակերպման մեջ շահառուն Սերժ Սարգսյանն է դուրս գալիս։ Եթե Տեր–Պետրոսյանն անկեղծ լիներ, ապա պետք է հենց այդպես էլ ասեր, որ «երկխոսությունից» շահել է Սերժ Սարգսյանը, ինչպես նաև անձամբ շահել է ինքը, քանի որ լինելով կղերապահպանողական մտածողության տեր մարդ՝ ձերբազատվել է մի շարք գլխացավանքներից ու շանս է ստացել հեռուստաընկերություններով անվճար գովազդվել։

Ուշագրավն այն է, որ նման գնահատականների հնչեցումից հետո հանրահավաքի մասնակիցներից լսվում է «այո՜» բացականչությունը։ Այսինքն՝ կա պահ, երբ հանրահավաքի մասնակիցները «Սերժիկ մարդասպան» են գոռում, իսկ դրանից առաջ նույն մարդիկ «այո՜» են ասում Տեր–Պետրոսյանի այն մտքից հետո, թե ժողովուրդը չի շահել երկխոսությունից, բայց շահել է պետությունը, իմա՝ Սերժ Սարգսյանը։ Զոմբիագիտության առումով, փաստորեն, ահագին դիտակտիկ «մատերիալ» կա սոցիոլոգների ու սոցիալ–հոգեբանության մասնագետների համար։ Ինչևէ։

Հայաստանը «կամ–կամ»–ի առաջ

Դատելով զարգացումներից՝ «երկխոսությունից» Տեր–Պետրոսյանի իրական ակնկալիքը քաղաքական դաշտն արհեստականորեն երկբևեռ (ՀԱԿ–իշխանություն) դարձնելն է, ինչը հնարավորություն կտա նրան ԱԺ–ում հաստիքային ընդդիմություն դառնալ։ Դա էլ իր հերթին կարող է բերել այն բանին, որ ՀԱԿ–ն իշխանությունների ու դրսի որոշ ուժերի հետ քաղաքական առևտրի գնալու մի շարք տարբերակներ կունենա, իսկ հարկ եղած դեպքում Ղարաբաղի ու Թուրքիայի մասով կկատարի 5–րդ շարասյան դերը՝ հույս ունենալով ա՛յդ ճանապարհով գալ իշխանության։ Այսինքն, մեծ հաշվով, Տեր–Պետրոսյանը սեփական նախաձեռնությամբ մի կողմից վերածվել է Սարգսյանի իշխանության կայունության ու վերարտադրման երաշխիքի (նվազագույն ծրագիր), իսկ մյուս կողմից՝ դրսի ուժերի ձեռքում գործիքի ու Ղարաբաղի հարցում զիջումներին աջակցողի (առավելագույն ծրագիր)։

Ի վերջո չպետք է մոռանալ, որ «հիմնադիրի» ցանկությունը «Եղիազար Այնթապցու» հլու հնազանդ «էջմիածնական միաբան» դառնալն ու «Եղիազարին» տասը տարի կառավարելու հնարավորություն տալն է, ինչի մասին Տեր–Պետրոսյանը բազմիցս հրապարակավ արտահայտվել է։

Չպետք է մոռանալ նաև, որ Հայաստանի զարգացման հնարավորությունն առաջին նախագահը տեսնում է հետևյալ բանաձևի կիրառմամբ. «Առանց Ղարաբաղյան հակամարտության եւ հայ-թուրքական հարաբերությունների կարգավորման Հայաստանն անվտանգության, տնտեսական զարգացման եւ ժողովրդագրական վիճակի բարելավման հեռանկար չունի, անկախ այն հանգամանքից, թե ում ձեռքում կլինի իշխանության ղեկը»։

Այսպիսով, եթե զուտ քաղաքական գնահատական տանք սերժալևոնական տիրույթում տեղի ունեցող գործընթացներին ու հաշվի առնենք Տեր–Պետրոսյանի մոտեցումները, ապա  կարելի է ասել, որ ՀԱԿ առաջնորդը «երկխոսության» օգնությամբ ձգտում է հասնել արտահերթ ընտրությունների, որպեսզի դրանց միջոցով գա իշխանության և մինչև վերջ տանի տխրահռչակ «ֆուտբոլային» դիվանագիտությունը՝ ընդառաջ գնալով թուրք–ադրբեջանական նախապայմաններին, կամ էլ փորձում է թիկունք կանգնել Սարգսյանին ու հերթական ընտրություններում նպաստել նրա վերարտադրմանը, որպեսզի հայկական դիվանագիտությունը հետ չկանգնի քիրվայական գծից։

Բնականաբար այս ծրագրերի իրագործումը լրջագույն մարտահրավեր է ՀՀ անվտանգությանը։ Ուստի՝ հայաստանակենտրոն բոլոր ուժերը, մի կողմ  դնելով ինչ ինչ ներքին խնդիրներն ու վեր կանգնելով անձնակենտրոն մտածողությունից, պետք է առնվազն մարտավարական առումով համագործակցեն, նպաստեն հասարակական լայն կոնսոլիդացիային  ու քաղաքական լուսանցք մղեն «երկխոսողներին»՝ առաջնորդվելով համակարգային փոփոխություններ անելու գաղափարով։

Անդրանիկ Թևանյան

Print Friendly and PDF

Այս խորագրի վերջին նյութերը

Կարծրատիպերի ջարդ, մոնստրների կոտորած և հեղինակությունների «մորթ»

Կարծրատիպերի ջարդ, մոնստրների կոտորած և հեղինակությունների «մորթ»

Հուլիս 14, 2014 12:25 Գերմանիայի հաղթանակով համաշխարհային ֆուտբոլը անցումային փուլ մտավ։ Խավի–Ինեստա վիրտուոզ զույգի «դարաշրջանն» ավարտվեց։ Այժմ եկել է Շվայնշտայգեր–Կրոս–Խեդիրա կարգապահ ու մարտական եռյակի ժամանակը։
Առաջին հանրապետության ստեղծման և վերացման դասերը. Սերժ Սարգսյանը պետք է հեռանա

Առաջին հանրապետության ստեղծման և վերացման դասերը. Սերժ Սարգսյանը պետք է հեռանա

Մայիս 28, 2014 14:53 Սերժ Սարգսյանը որևէ դաս չի քաղել։ Նա սկսեց «և, և» խաղալ Արևմուտքի ու Ռուսաստանի հետ։ Արդյունքում՝ մենք հայտնվեցին «կամ, կամ»–ի արանքում։
Հայաստանն ու Ղարաբաղը պատերազմի և խաղաղության արանքում

Հայաստանն ու Ղարաբաղը պատերազմի և խաղաղության արանքում

Մայիս 13, 2014 18:27 Բոլշևիկյան ԽՍՀՄ–ի դեմ տասնամյակներով կռիվ տված ու Պուտինի այսօրվա քաղաքականությունը ստալինիզմի հետ համեմատող Արևմուտքը Ղարաբաղի հարցում պաշտպանում է Ստալինի արածները։
ԽՄԿԿ–ից մինչև ՀՀԿ, Կրեմլից մինչև Մելիք-Ադամյան, «դհոլից» մինչև ջութակ

ԽՄԿԿ–ից մինչև ՀՀԿ, Կրեմլից մինչև Մելիք-Ադամյան, «դհոլից» մինչև ջութակ

Մայիս 02, 2014 18:10 Անդրանիկ Թևանյան. «Հսկայական ԽՍՀՄ–ն ընդամենը 70 տարի դիմացավ միակուսակցական դիկտատուրային ու «բեսպրեդելին»։ Փոքրիկ Հայաստանը չի կարող ՀՀԿ–ի անվան տակ միանձնյա իշխանության ձգտող Սարգսյանին պահել»։
Ինչո՞ւ տեղի ունեցավ «Մարտի 1»–ը, և ո՞ւմ էր այն ձեռնտու

Ինչո՞ւ տեղի ունեցավ «Մարտի 1»–ը, և ո՞ւմ էր այն ձեռնտու

Մարտ 01, 2014 11:35 Անդրանիկ Թևանյան. «Նախքան «Մարտի 1»–ը Հայաստանում տեղի էր ունեցել ներիշխանական կրիմինալ հեղաշրջում, որն էլ պատճառ դարձավ հետագա արյունալի իրադարձությունների»։
«Ուժեղ» դրամի փուչիկը

«Ուժեղ» դրամի փուչիկը

Հունվար 16, 2014 13:40 Անդրանիկ Թևանյան. «Փուչիկի» հարցում Տիգրան Սարգսյանը ճիշտ է։ Նա պարզապես պետք է նայի հայելու մեջ և տեսնի Հայաստանի տնտեսության գլխին պայթած փուչիկի հեղինակին»։
Տիգրան Սարգսյանը 2008–ից առաջ և հետո

Տիգրան Սարգսյանը 2008–ից առաջ և հետո

Հունվար 13, 2014 04:00 Անդրանիկ Թևանյան. «Տիգրան Սարգսյանին պետք է արժանացնել Նոբելյան մրցանակի, բայց ոչ թե տնտեսագիտության, այլ մեկ ուրիշ նոմինացիայում»։
«Ֆասադային դեմոկրատիան» և «Մեկ օլիգարխի տնտեսությունը»

«Ֆասադային դեմոկրատիան» և «Մեկ օլիգարխի տնտեսությունը»

Դեկտեմբեր 26, 2013 16:57 Անդրանիկ Թևանյան. «Սերժ Սարգսյանը պետք է հեռացվի, իսկ Տիգրան Սարգսյանը՝ դատական կարգով պատասխանատվության ենթարկվի»։
Սերժ Սարգսյանը փակում է ցիկլը

Սերժ Սարգսյանը փակում է ցիկլը

Դեկտեմբեր 12, 2013 10:35 Անդրանիկ Թևանյան. «Այժմ եկել է ճիշտ գծի վրա կանգնելու ժամանակը՝ Հայաստանի Հանրապետության ժամանակը։ Ով չի ուզում ապրել Հայաստանի Հանրապետության ժամանակով, թող գնա Գյուլիստան»։
Քաղաքականության քաղաքականացում. Սերժ Սարգսյանի հեռացման բանաձևը

Քաղաքականության քաղաքականացում. Սերժ Սարգսյանի հեռացման բանաձևը

Նոյեմբեր 25, 2013 01:40 Անդրանիկ Թևանյան. «Աղավնյակնե՛րս, Գյուլիստանից այն կողմ այլևս «ռուսամետ» ուժ չկա Հայաստանում։ «Արևմտամետ» Սերժ Սարգսյանը ոչ թե ռուսամետ է դարձել, այլ ռուսահպատակ. դրանք տարբեր բաներ են»։
Անկախության գինը

Անկախության գինը

Սեպտեմբեր 21, 2013 01:20 Իրավունք չունենք դավաճանել և անկախությունը տանուլ տալ խաղատանը, Մոնտե Կառլոյում, ԵՄ–ում, Մաքսային միությունում կամ Կիպրոսի օֆշորային գոտիներում։
Հայաստանի և Սերժ Սարգսյանի  օրակարգերը

Հայաստանի և Սերժ Սարգսյանի օրակարգերը

Օգոստոս 26, 2013 00:06 ԵՄ–ի հետ ասոցացման համաձայնագիրը Հայաստանի համար մահաբեր Սևրի դաշնագրի ռեինկարնացիան է և տխրահռչակ «ֆուտբոլային» դիվանագիտության շարունակությունը։ Պետք է տարբերել Սերժ Սարգսյանի ու Հայաստանի օրակարգերը։ Դրանք «գենետիկորեն» անհամատեղելի են։
Ադամ Սմիթ VS Կարլ Մարքս

Ադամ Սմիթ VS Կարլ Մարքս

Մայիս 02, 2013 11:35 Անդրանիկ Թևանյան. ««Հայկական աշխարհ» կառուցող Տիգրան Սարգսյանը թեև ազատական գաղափարախոսության կրողի իմիջ ունի, սակայն իրականում վուլգար մարքսիստ է»։
88–ի շարժման հաշվեկշիռը

88–ի շարժման հաշվեկշիռը

Հունվար 09, 2013 12:01 Անդրանի Թևանյան. «2013–ը կարելի է համարել հակահեղափոխության հաղթանակի տարի։ Հանուն ճշմարտության պետք է նշել, որ այդ հակահեղափոխությունը նոր գլուխ չբարձրացրեց։ Հակահեղափոխությունը քայլում էր 88–ի հեղափոխությանը զուգընթաց և անընդհատ փորձում էր իր տեղը վերանվաճել, սակայն հանրային օրգանիզմն այս կամ այն ձևով դիմադրում էր։ Այժմ դիմադրություն չկա»։
Հայաստանը տոտալիտարացման և դեմոկրատացման արանքում

Հայաստանը տոտալիտարացման և դեմոկրատացման արանքում

Դեկտեմբեր 19, 2012 15:48 Անդրանիկ Թևանյան. «ՀՀ իշխանությանը հաջողվել է, կամ ավելի ճիշտ՝ կարող է հաջողվել Բաղրամյան 26–ում ամբողջությամբ կենտրոնացնել երկրի քաղաքական ու տնտեսական ոլորտները։ Քաղաքատնտեսական մենաշնորհը և գեբելսյան քարոզչամեքենան, սակայն, բավարար չեն տոտալիտարիզմի հասնելու համար։ Հայտնի է, որ տոտալիտար պետություն կառուցելու համար անհրաժեշտ են նաև բնական ռեսուրսներ, բնակչության քանակ և հանրությանը «կուտ տվող» ուտոպիստական գաղափարախոսություն։ Այս առումով ՀՀԿ–ն խնդիրներ ունի։»
Սերժ Սարգսյանի դեկտեմբերյան թեզիսները (տեսանյութ)

Սերժ Սարգսյանի դեկտեմբերյան թեզիսները (տեսանյութ)

Դեկտեմբեր 17, 2012 17:25 Անդրանիկ Թևանյան. «Սերժ Սարգսյանի նոր՝ «Դեպի ապահով Հայաստան» կարգախոսը շատ որոշակի սպառնալիքներ է պարունակում։ Նման եզրակացություն անելու հիմքն այն է, որ իշխող ուժի կողմից վերջին հինգ տարիների ընթացքում հանրությանը հրամցված «Քեզ համար, Հայաստա՛ն», «Առա՛ջ, Հայաստա՛ն» և «Հավատա՛նք, որ փոխե՛նք» կարգախոսների ներքո ապահովվել է Հայաստանի հետընթացն ինչպես արտաքին, այնպես էլ ներքին քաղաքական ոլորտներում»։
ՀՅԴ-ի «ֆուտբոլային» քաղաքականությունը

ՀՅԴ-ի «ֆուտբոլային» քաղաքականությունը

Դեկտեմբեր 11, 2012 11:53 Անդրանիկ Թևանյան. «Ներքաղաքական զարգացումների ու ընդդիմադիր դաշտի հնարավոր համախմբման ֆոնին ՀՀԿ ղեկավարին, ինչպես որ «ֆուտբոլային» դիվանագիտության ժամանակ Թուրքիային, խիստ անհրաժեշտ էր ՀՅԴ–ի հետ հանդիպումը և դրա հրապարակայնացումը։ Այսինքն՝ Սերժ Սարգսյանին պետք էր բուն գործընթացը, այլ ոչ թե արդյունքը և ՀՅԴ–ն, ելնելով ինչ ինչ հաշվարկներից, ընդառաջ գնաց ՀՀԿ ղեկավարի ցանկությանը»։
Կոնսենսուս - (Սերժ Սարգսյան + դաշնակցությո՞ւն)

Կոնսենսուս - (Սերժ Սարգսյան + դաշնակցությո՞ւն)

Դեկտեմբեր 09, 2012 12:53 Անդրանիկ Թևանյան. «Չէի ուզենա մտածել, որ քաղաքական դաշտում նոր բանաձև է նշմարվում, այն է՝ «Կոնսենսուս -(Սերժ Սարգսյան + ՀՅԴ)։ Անկեղծորեն չէի ուզենա այդպես մտածել։ Դա ինձ համար ցանկալի չէ ո՛չ քաղաքական, ո՛չ պարզ մարդկային առումներով։ ՀՅԴ–ի վերնախավում և շարքերում բազում ընկերներ ունեմ, բայց ասեմ, որ ճշմարտությունը վեր է ամեն ինչից»։
Ինչո՞վ է տարբերվում Սերժ Սարգսյանը Սաակաշվիլուց և Ալիևից

Ինչո՞վ է տարբերվում Սերժ Սարգսյանը Սաակաշվիլուց և Ալիևից

Հոկտեմբեր 04, 2012 09:40 Անդրանիկ Թևանյան. «Սերժ Սարգսյանը ձգտում է քաղաքական դաշտի անապատացման և քաղաքական կոչված գործիչների հաճախորդացման միջոցով ադրբեջանական տիպի սուլթանատ կառուցել, բայց առանց նավթի ու գազի։ Արդյունքում՝ մարդիկ ու կապիտալը փախչում են երկրից, աղքատությունն ու երկրի արտաքին պարտք աճում են։ Տնտեսությունը կամաց–կամաց փորձ է արվում վերածել նախագահի ու նրա փեսա Միքայել Մինասյանի տնամերձ բոստանի»։
Արդարադատություն ըստ Նիկոլ Փաշինյանի

Արդարադատություն ըստ Նիկոլ Փաշինյանի

Հունիս 18, 2012 00:49 Անդրանիկ Թևանյան. «Սերժ Սարգսյանը Նիկոլ Փաշինյանի միջոցով լեգիտիմացվեց, որովհետև վերջինիս օգտագործած բանաձևերը հնարավորություն են տալիս նախագահին ասելու, որ ինքը տասը զոհերի գնով Բաղրամյան 26–ում հայտնվելով՝ փրկել է Հայաստանը անարխիայի և «սամասուդի» ձգտող ուժերից»։