Էդվարդ Անտինյան

Էդվարդ Անտինյան

Հոկտեմբեր 23, 2014 11:10 Իշխանափոխությունը հետևողական աշխատանք է, որին պետք է մասնակից լինենք բոլորս։
Հարցերի պատասխանը՝ հոկտեմբերի 24-ին

Հարցերի պատասխանը՝ հոկտեմբերի 24-ին

Հոկտեմբեր 23, 2014 10:34 Միայն քաղաքական լայն կոնսոլիդացիայի և ժողովրդի աջակցությամբ է հնարավոր երկիրը դուրս բերել քաոսից։

Մեկնաբանություն

Հուլիս 05, 2012 09:55

Սերժ Սարգսյանի երկդիմի քաղաքականությունը

Սերժ Սարգսյանի երկդիմի քաղաքականությունը

2008թ. մարտի 1–ի 10 զոհերի գնով նախագահ դարձած Սերժ Սարգսյանը, Բաղրամյան 26–ում հայտնվելուց ի վեր, երկդիմի քաղաքականություն է վարում։

Նա մի կողմից ստորագրեց հայ–թուրքական տխրահռչակ արձանագրությունները, որով, փաստացի, առևտրի առարկա դարձրեց Հայոց ցեղասպանությունը, բայց մյուս կողմից՝ Դեյր Զորում խոսեց հայկական Նյուրնբերգի անհրաժեշտության մասին, ինչպես նաև ծաղիկներ դրեց ԱՄՆ նախագահ Վուդրո Վիլսոնի գերեզմանին` ցույց տալու համար, թե իբր մեծ Հայաստան է պահանջում։

Սարգսյանը քիրվայության բուռն շրջանում մի կողմից «Ալ Վաթան» թերթին հարցազրույց տվեց ու հայտարարեց, թե ինքը պատրաստ է զիջել տարածքները, եթե Ադրբեջանն ընդունի Լեռնային Ղարաբաղի ինքնորոշման իրավունքի իրացման հնարավորությունը, բայց մյուս կողմից էլ երկրի ներսում հայրենասիրական հռետորաբանություն կիրառեց։

ՀՀԿ ղեկավարը մի կողմից Հայաստանում ռազմաբազաների տեղակայումը 49 տարով երկարաձգելու պայմանագիր կնքեց Ռուսաստանի հետ, բայց մյուս կողմից էլ վարձկան լրատվամիջոցներով տարածեց, թե իբր ինքն արևմտամետ է և պայքարում է ռուսամետ ուժերի դեմ։

Տիգրան Սարգսյանի վարած չարաբաստիկ տնտեսական քաղաքականությամբ հիացած մարդը մի կողմից անձամբ քարոզեց ռուբենհայրապետյանների օգտին ու ԱԺ վերջին ընտրությունների ժամանակ խնդրեց «Հավատանք, որ փոխենք» կարգախոսի շրջանակներում մեծամասնական ընտրատարածքներում ձայնը տալ իր տեսակին մոտ մարդկանց, բայց մյուս կողմից՝ գեղամյանություն անող լրատվամիջոցներով տարածեց ու տարածում է, թե իբր ինքն ուզում է ազատվել այդ մարդկանցից, պարզապես հասարակությունը պետք է կանգնի իր կողքին։ Ի դեպ, Սերժ Սարգսյանին հակաօլիգարխիկ կերպարի մեջ ներկայացնելն իշխանական քարոզչամեքենայի ամենամառազմատիկ և ցինիկ քայլն է, քանզի Հայաստանի պետական կառավարման համակարգում առկա բացասական երևույթներն իր մեջ խտացրած ՀՀԿ առաջնորդին այդ կերպարի մեջ պատկերացնելու համար նույնիսկ կես լիտր «յաթրջին» չի հերիքի։ 

Ս. Սարգսյանի թիմակիցները մի կողմից տարածեցին, թե նախագահն այնքան ծանր է տարել Վահե Ավետյանի մահը, որ անգամ ծննդյան տարեդարձը չի նշում ու այդ թեմայով խոսելն էլ չի գալիս, բայց մյուս կողմից պարզվեց, որ նա, իր տիպի նախագահների ընկերակցությամբ, բավական ուրախ դեմքով ֆուտբոլ էր դիտում ՀՀԿ–ականին պատկանող  «Հարսնաքարում» ծեծի հետևանքով սպանված Հայոց բանակի սպայի հոգեհանգստյան արարողության օրը՝ երևի փորձելով ա՛յդ ձևով «ցրվել»։ 

Այսպիսի շատ այլ բաների մասին կարելի է խոսել, սակայն այսքանն էլ բավարար է՝ հասկանալու համար, թե ում հետ գործ ունենք։

Իրականությունն այն է, որ Սերժ Սարգսյանի հիմնական նպատակը Հայաստանում ադրբեջանական տիպի հետադիմական պետություն կառուցելն է՝ «Պայքարում ենք օլիգարխների դեմ» դեմագոգիկ կարգախոսի ներքո «Մեկ օլիգարխի տնտեսություն» ստեղծելու նպատակով։ Այսինքն՝ նախագահականում խնդիր են դրել ոչ թե կլանաօլիգարխիկ համակարգը վերացնել՝ բիզնեսի մրցակցային պայմաններ ապահովելով, այլ է՛լ ավելի կենտրոնացնել այս կեղտոտ համակարգն ու սեփականության խոշորամասշտաբ վերաբաշխում իրականացնելով՝ հավերժ իշխել։

Իշխանությունն ուզում է վարվող ներքին ու արտաքին քաղաքականությունից  առաջացած համընդհանուր դժգոհությունը ևս սեփականաշնորհել և ուղղորդել այնպես, ինչպես բոլշևիկներն էին փորձում սեփական ձախողումներն ու ժողովրդին սովի մատնելը ներքին և արտաքին կեղծ թշնամիներով պայմանավորել։ Քանի կյանքը վատանում էր ՍՍՀՄ–ում, այնքան Ստալինն ավելի շատ էր «ժողովրդի թշնամի» ման գալիս և գնդակահարում իբր թե ծպտյալ տրոցկիստներին, մենշևիկներին, ցարականներին և «օտարերկրյա գործակալ» պիտակավորվածներին։

Ստալինը, սեփական շահերից ելնելով, սիրում էր նաև «ժերտվա» տալ իր անմիջական թիմակիցներին՝ այդ ամենը ներկայացնելով որպես պայքար իշխանության ներսում չափն անցածների ու բոլշևիզմին վատ ծառայողների դեմ։ «Ժողովուրդների հայրն», օրինակ, Լենինգրադում իր դիրքերն ամրապնդելու համար այնտեղ ուղարկեց Կիրովին, բայց երբ արդեն ամեն ինչ կարգավորվել էր, Կիրովը «ժերտվա» գնաց՝ նրան սպանեցին։ Մեր տնաբույծ նեոբոլշևիկները հիմա նույն մեթոդով են աշխատում և քարոզչամեքենան էլ նույն կերպ են աշխատեցնում, պարզապես ձևերն են տարբեր. գաղափարական կիրովներին փոխարինելու են եկել իրենց շեֆի պես անգաղափար ռուբենհայրապետյանները, իսկ մարտնչող զոմբի–կոմսոմոլները մեզանում այժմ ներկայացված են նախագահականի կրնկի տակ գործող «քաղաքացիական ակտիվիստի» տեսքով։ Բայց հիմա 21–րդ դարն է։ Մենք այս ամենի մասին գիտենք, մենք այդ դասն անցել ենք և պետք է թույլ չտանք, որպեսզի բոլշևիկյան ռեվանշը Հայաստանում հաղթանակի հասնի։

Ինչ վերաբերում է Սերժ Սարգսյանի «մետությանը», ապա նա ո՛չ արևմտամետ է, ո՛չ ռուսամետ, ո՛չ թուրքամետ, ո՛չ էլ, առավելևս, հայամետ։ Նա և՛ արևմտամետ է, և՛ ռուսամետ, և՛ թուրքամետ. նայած թե տվյալ պահին ինչը կնպաստի աթոռին մնալուն։ Ասել է թե՝ Սերժ Սարգսյանը թուրքմենբաշիական հակումներով աթոռամետ գործիչ է, ում գործունեության պատճառով Հայաստանի տնտեսությունը անկում ապրեց, արտագաղթը սարսափելի չափերի հասավ, աղքատությունը խորացավ, իսկ արտաքին դաշտում մենք սուբյեկտից վերածվեցինք քլինթոնների, մեդվեդևների ու գյուլերի սակարկությունների առարկայի։ Հետևաբար՝ ամեն ինչ պետք է անել այս «նախաձեռնողական» քաղաքականությանը վերջ տալու և ժամանակակից պետություն ունենալու համար։ Գալիք նախագահական ընտրությունները հարմար առիթ են, հանրային ու քաղաքական լայն կոնսոլիդացիա ապահովելով, կյանքի կոչելու «Կոնսենսուս մինուս Սերժ Սարգսյան» ծրագիրը։

Կարեն Հակոբջանյան

Print Friendly and PDF

Այս խորագրի վերջին նյութերը

Իշխանական գործիչներն է՞լ են իշխանափոխություն ուզում

Իշխանական գործիչներն է՞լ են իշխանափոխություն ուզում

Հոկտեմբեր 23, 2014 10:03 Երբ «թարգմանում» ես իշխանավորների այդ մտավախությունը, ստացվում է, որ առաջինն իրենք են շահագրգռված իշխանափոխության հասնելու հարցում:
«Հաճախորդը» միշտ «ճիշտ» է

«Հաճախորդը» միշտ «ճիշտ» է

Հոկտեմբեր 22, 2014 11:50 Երբ ԱԺ–ում մեղադրանք է ներկայացվում Սերժ Սարգսյանին, և հնչեցվում նրա դատավճիռը, ապա դահլիճում գտնվող ՀՀԿ–ականները չպետք է նյարդայնանան։ «Հաճախորդը» (տվյալ դեպքում՝ «հաճախորդուհին») միշտ «ճիշտ» է։
Ապոկալիպսիսի ձիավորները

Ապոկալիպսիսի ձիավորները

Հոկտեմբեր 22, 2014 11:45 Հայաստանի գործող իշխանությունը հասավ այն բանին, որ նրա ցանկացած հայտարարություն դիտվում է որպես բոթի նախազգուշացում։
«Կանգնած մեռնող» իշխանությունը

«Կանգնած մեռնող» իշխանությունը

Հոկտեմբեր 22, 2014 01:01 Ո՞վ գիտե. երեւի ուզում է «կանգնած մեռնել»: Հերոսաբար: Դե, որպես իսկական բոլշեւիկ, որը պարզապես անմտորեն համառում է՝ այդ կերպ ավելի ուժգնացնելով ժողովրդի ցասումը։
Քաղաքական դաշտի «գույքագրումը»

Քաղաքական դաշտի «գույքագրումը»

Հոկտեմբեր 21, 2014 17:15 Քաղաքական դաշտը, մեծ հաշվով, այժմ բաժանված է երկու մասի։ Երրորդ կողմ տվյալ դեպքում չկա և չի կարող լինել։
Բիլլի Միլիգան (յան)

Բիլլի Միլիգան (յան)

Հոկտեմբեր 21, 2014 01:00 Եթե այսպես շարունակվի չի բացառվում, որ նախագահականի դիմաց Գալուստ Սահակյանը նստացույց անի՝ պահանջելով իջեցնել երթուղային տրանսպորտի սակագինը:
«Նորին գերազանցության» ձախողումները միլիոններ արժեն

«Նորին գերազանցության» ձախողումները միլիոններ արժեն

Հոկտեմբեր 20, 2014 13:30 Սերժ Սարգսյանի անհիմն ամբիցիաների և անձնական նպատակների բավարարման համար, որքան հասկանում ենք, հսկայական գումարներ են վատնվել, ինչին առայժմ լրջորեն անդրադարձ չի կատարվել:
Բ26–ը հայտարարում է սեզոնի բացումը

Բ26–ը հայտարարում է սեզոնի բացումը

Հոկտեմբեր 20, 2014 13:10 ՀՀԿ ղեկավարի հույսն այն է, որ Ազատության հրապարակում սկիզբ դրված համաժողովրդական շարժումը կմարի, բայց դե, «եռյակն» այնպիսի նշաձող է սահմանել, որ հետդարձի ճանապարհ չկա։
Հայաստանի և Սփյուռքի միջև համագործակցության զարգացման գլխավոր խոչընդոտը մեր երկրի քաղաքական համակարգն է

Հայաստանի և Սփյուռքի միջև համագործակցության զարգացման գլխավոր խոչընդոտը մեր երկրի քաղաքական համակարգն է

Հոկտեմբեր 20, 2014 12:35 Հայաստանի և Սփյուռքի միջև համագործակցության զարգացման գլխավոր խոչընդոտը մեր երկրի քաղաքական համակարգն է։
Ինչ պետք է անի և ինչ չի անի Գագիկ Ծառուկյանը

Ինչ պետք է անի և ինչ չի անի Գագիկ Ծառուկյանը

Հոկտեմբեր 20, 2014 11:05 ԲՀԿ առաջնորդը չի անի այն, ինչ արել է Սերժ Սարգսյանն ու իր թիմը։ Նա այդպիսի կարողությամբ օժտված չէ։
Ապահովե՛լ իշխանության անգլիական հրաժեշտը

Ապահովե՛լ իշխանության անգլիական հրաժեշտը

Հոկտեմբեր 20, 2014 11:00 Սերժ Սարգսյանը, երկարացնելով սահմանադրական փոփոխությունների հայեցակարգի հաստատման ժամկետը, առաջին հերթին ինքն իրեն ժամանակ տվեց։
Շանթահարված իրականություն

Շանթահարված իրականություն

Հոկտեմբեր 19, 2014 19:57 Եթե Սերժ Սարգսյանը մարտի 1–ի միջոցով է եկել իշխանության ու դրանից հետո էլ աթոռին մնացել է տոկոս «խփելով», ապա Շանթն էլ իրավունք ունի սրած փայտիկով հեռացնել բռնությամբ իշխանությունը զավթած մարդուն։
Սերժ Սարգսյանի նահանջը

Սերժ Սարգսյանի նահանջը

Հոկտեմբեր 19, 2014 16:00 Վերակազմավորված «քառյակն» այսօր հանդիսանում է Հայաստանի սահմանադրության երաշխավորը:
Մելիք-Ադամյան փողոցը շրջանցվում է

Մելիք-Ադամյան փողոցը շրջանցվում է

Հոկտեմբեր 18, 2014 17:51 Աշոտյանական «պատկերալեզվով» ասած՝ Սերժ Սարգսյանն ինքը հասկացավ եւ ընդունեց, որ հիմա քաղաքական դաշտում բնակլիմայական փոփոխությունների հեղինակը «եռյակն» է, այլ ոչ թե ՀՀԿ–ն իր ղեկավարի հետ միասին:
Ընթացիկ քաղաքական իրավիճակի գնահատականը. Սերժ Սարգսյանը հետքայլ արեց

Ընթացիկ քաղաքական իրավիճակի գնահատականը. Սերժ Սարգսյանը հետքայլ արեց

Հոկտեմբեր 18, 2014 00:05 ՀՀԿ ղեկավարը փորձելու է ժամանակի վրա խաղալ և սեփական դիրքերն ամրացնելու տարբերակներ մտածել։
Եղանակի տեսության մասին ոչ մի խոսք սահմանադրական փոփոխությունների հայեցակարգում

Եղանակի տեսության մասին ոչ մի խոսք սահմանադրական փոփոխությունների հայեցակարգում

Հոկտեմբեր 17, 2014 16:14 «Սահմանադրագետների» աշխատանքը հիշեցնում է հայտնի մուլտֆիլմը, ըստ որի՝ արևը պետք է դուրս գա արևելքից և մայր մտնի արևմուտքում։
Մնում է՝ խարակիրի անեն

Մնում է՝ խարակիրի անեն

Հոկտեմբեր 17, 2014 13:35 Երբ Սերժ Սարգսյանի հրաժարականի ու անհապաղ հեռացման (բռնության գործադրմամբ) օգտին միջնորդավորված ձևով հանդես է գալիս Սերժ Սարգսյանը, ապա մնում է սպասել, թե երբ է նա խարակիրի անելու։
Ինկիտատուսն ու սահմանադրական փոփոխությունները

Ինկիտատուսն ու սահմանադրական փոփոխությունները

Հոկտեմբեր 17, 2014 11:58 Հանկարծ պարզվում է, որ իշխանության բոլոր ձախողումների պատճառը կառավարման վատ համակարգն է։ «Մարդակենտրոնության» մասին դարերից եկող հերթական հեքիաթը։
Բաղրամյան 26–ի համար պաշտոնյայի նախընտրելի տեսակը Լիսկան է, ոչ թե…

Բաղրամյան 26–ի համար պաշտոնյայի նախընտրելի տեսակը Լիսկան է, ոչ թե…

Հոկտեմբեր 17, 2014 00:05 Քրեական պատմություններում ում անունն ավելի շատ է շրջանառվում՝ հենց այդ մարդիկ են գնահատելի վերեւների համար: Պարզ է, չէ՞, որ դա ոչ թե Արմեն Գեւորգյանի, այլ Լիսկայի տեսակն է:
ԵՏՄ–ն և լուսնից իջած մարդը

ԵՏՄ–ն և լուսնից իջած մարդը

Հոկտեմբեր 16, 2014 22:30 Հայաստանում «արևմտամետ ուժեր» կոչվածները շարքային ժուլիկներ են, որոնք բովանդակային առումով չեն տարբերվում ռուսամետ ժուլիկներից, ու երկուսն էլ ծառայում են «Վերջի բոլշևիկին»։

Վաղը տեղումներ չեն սպասվում

Հոկտեմբեր 23, 2014 19:10