Գրիգոր Աթանեսյան

Գրիգոր Աթանեսյան

Հուլիս 29, 2014 11:24 «Մեր երկրում կա ընդամենը մեկ մարդ, ով, լինելով մեր երկրի թիվ մեկ օլիգարխն, ընդհանրապես չի մտնում հարկատուների մեջ»։
Արմեն Հարությունյան

Արմեն Հարությունյան

Հուլիս 28, 2014 20:28 Ուզում են լիսկաների օգնությամբ շակալական համակարգ ներդնել

Լրահոս

Հուլիս 27, 2012 13:12

Պարոն Սարգսյան, այս երիտասարդները Ձեր երեխաների տարիքի են, գուցե՝ ավելի փոքր

Պարոն Սարգսյան, այս երիտասարդները Ձեր երեխաների տարիքի են, գուցե՝ ավելի փոքր

«Պարոն Սերժ Սարգսյան

Ես իմ կյանքի լավագույն տարիները, ժամանակին անցկացրեցի խորհրդային բանտերում ու աքսորավայրերում այն բանի համար, որ Հայաստանը անկախ երկիր դառնա եւ, որ ես, հարկ եղած դեպքում, Հայաստանի Հանրապետության Նախագահի անունով նամակ կամ դիմում գրելու հնարավորություն ունենամ: Հետեւում են մնացել իմ ազատազրկման տարիները: Քսան տարուց ավել է, ինչ ապրում եմ Անկախ հռչակված Հայաստանում, բայց Ձեզ այսօր դիմելիս չեմ կարողանում գրել՝ ՀՀ Մեծարգո Նախագահ, եւ սա ինձ ցավ է պատճառում:

Ցավում եմ, բայց 2008թ. խնդրահարույց նախագահական   ընտրությունները, 2008թ մարտի մեկը, եւ դրան հաջորդող Ձեր կողմից իրականացվող քաղաքական հետապնդումներն ու բռնություններն ինձ թույլ չեն տալիս այդկերպ դիմել Ձեզ:

Բայց, պարոն Սարգսյան, անկախ Ձեր մկատմամբ ունեցած իմ վերաբերմունքից Դուք եք այսօր զբաղեցնում ՀՀ Նախագահի աթոռը: Ձեզանից չափազանց շատ բան է կախված: Մեր այս փոքրիկ երկրում Դուք իշխան էք: Դուք օրենքներից դուրս եւ օրենքներից վեր եք: Եթե միահեծան իշխանության մասին Ձեր պատկերացումներն այսպիսին են եղել կամ այսպիսին են, ապա դուք Ձեր պատկերացումների սահմանին եք: Այս երկրում Դուք կարող եք ամեն ինչ: Այս երկրում ամեն ինչ կախված է Ձեզանից ու պայմանավորված է Ձեզանով:

Ես, որպես այս երկրում ապրող երկարամյա իրավապաշտպան եւ Դուք, որպես այս երկրի երկարամյա իշխանավոր հավասարաչափ գիտենք, որ մեզանում չկա եւ քանի դեռ Դուք չեք ցանկացել, չի կարող լինել արդարադատություն ու անկախ դատարան: Սա այբբենական ճշմարտություն է: Այս իրողությունը հաշվի առնելով է, որ ես՝  ի պաշտպանություն ՀԱԿ-ի երիտասարդների, Ձեզ եմ գրում:

Պարոն Սարգսյան, բոլորս, այդ թվում եւ Դուք, գիտենք, որ դատարանի առջեւ  կանգնած այս երտասարդներն իրենց էությամբ հանցագործներ չեն: Սա երեւի ամենակարեւոր հանգամանքն է: Բոլորս գիտենք, որ դատարանը նրանց մեղավորությունն ապացուցող որեւէ փաստ չհայտնաբերեց: Բոլորս գիտենք, որ նրանք, երկրի վիճակով ու ճակատագրով մտահոգ խոստումնալից երիտասարդներ են՝ երիտասարդական ավյունով ու երիտասարդներին յուրահատուկ մաքսիմալիզմով լցված: Բոլորս գիտենք, որ լավ է, երբ երիտասարդն ունի հասարակական ու քաղաքական հետաքրքրություններ: Ավելորդ վերամբարձ խոսքեր ասելն իմաստ չունի: Դիմում եմ Ձեզ, որպես մարդու:

Պարոն Սարգսյան, այս երիտասարդները Ձեր երեխաների տարիքի են, գուցե՝ ավելի փոքր: Նրանց եւ դատարանը, եւ դատավորը անձամբ Դուք եք: Հակառակն ապացուցել Դուք չեք կարող: Իմաստ էլ չունի: Ձեզ չեն հավատա: Ինչպե՞ս եք կարողանում Դուք Ձեր երեխաների տարիքի այս անմեղ երտասարդներին, միայն այն պատճառով, որ ընդդիմադիր հայացքների տեր են, նման թեթեւությամբ բանտ ուղարկել: Քրեական աշխարհ ուղարկել:

Ի տարբերություն բազմապիսի դատարկաբան- դուրսպրծուկների, Դուք այս պետության կերտման ու կայացման ամենագործուն մասնակիցներից մեկն եք: Ինչպե՞ս եք կարողանում այդքան թեթեւությամբ՝ ընտրություններ կեղծելով, արդարադատությունը աղավաղելով, քրեական տարրերին քաղաքականություն ներքաշելով, օլիգարխներին հովանավորելով կործանել այն գործը, որին տարիներ եք նվիրաբերել: Եթե, պարոն Սարգսյան, տարիների Ձեր աշխատանքը չեք ափսոսում, ափսոսացեք գոնե Ձեր երեխաների ու թոռների ապագան: Անկասկած է, որ ոչինչ հավերժ չէ: Հավերժ չի կարող լինել նաեւ Ձեր իշխանությունը: Ուրեմն, գոնե մի պահ առաջնորդվեք ոչ թե այսրոպեական քաղաքական սուտ նպատակահարմարությամբ ու վրեժխնդրությամբ, այլ ողջախոհությամբ: Նրանք, պարոն Սարգսյան, ձեր իշխանության ավարտից հետո պետք է անկաշկանդ ապրելու եւ արարելու իրավունք ունենան:

Նրանք չպետք է աչքերը խոնարհեն Ձեր իշխանության տարիներին տեղի ունեցած ու ունեցող անարդարությունների, հալածանքների, բռնությունների, նաեւ այս երիտասարդների անհիմն ու կամայական դատապարտման համար: Պատմությունը նույնպես գիտություն է, պարոն Սարգսյան: Այդ գիտությունն անընդհատ ապացուցում է, որ հաճախ քաղաքական հետապնդումներ կազմակերպողների սերունդներն իրենց նախորդի դատապարտելի քայլերի պատճառով խեղվում են, չեն կարողանում անկաշկանդ ապրել ու արարել, մեղքի զգացումը ճնշում է նրանց: Մի հրաժարվեք դասեր քաղել պատմությունից: Ես կուզենայի, որ ապագա մեր երկիրն այնպիսին լիներ, որ եւ Ձեր, եւ մեր զավակները հաշտ ու խաղաղ ապրեին ու արարեին: Դրա համար այսօր Դուք կարող եք անել Ձեր բաժին բազմաթիվ քայլերից մեկը: Դուք պետք է Ձեզ կամքին հնազանդ դատարանին հանձնարարեք ազատ արձակել այս անմեղ երիտասարդերին:

Առջեւում նախագահական ընտրություններն են: Մարդիկ Ձեզ շատ բան ներել չեն կարող: Եւ կեղծված ընտրությունները, եւ մարտի մեկի արյունը, եւ քաղբանտարկյալների բանտերում անցկացրած տարիները, եւ ոստիկանական բռնություններն ու հալածանքները, եւ օլիգարխների սանձարձակությունները, եւ նվաստացուցիչ ընտրակաշառքները, բայց մեկ, թեկուզ չնչին մարդկային քայլը շատ բան կարող է փոխել:

Այսօր Դուք մեկ ավելորդ մեղք չգործելու հնարավորություն ունեք եւ ես Ձեզ կոչ եմ անում օգտվել այդ հնարավորությունից: Ազատ արձակեք այս երիտասարդներին: Վերջ տվեք քաղաքական բռնություններին ու ոստիկանական հալածանքներին: Մի քիչ թեթեւացած գնացեք դեպի նոր նախագահական ընտրություններ: Ո՞վ գիտի, այս անգամ գուցե բախտը Ձեզ ժպտա եւ ստիպված չլինեք հանուն իշխանության մարտի մեկ իրականացնել»:

Խորհրդային տարիների քաղբանտարկյալ իրավապաշտպան Վարդան Հարությունյան»

Print Friendly and PDF

Այս խորագրի վերջին նյութերը

Հյուրընկալվել և խեղդամահ էր արել

Հյուրընկալվել և խեղդամահ էր արել

Հուլիս 29, 2014 12:21 Պարզվել է, որ նա հուլիսի 25-ին, ժամը 15.00-ի սահմաններում, հյուրընկալվել է Մ. Հունանյանի տանը, որտեղ շահադիտական նկատառումներով սկզբից ձեռքերով, այնուհետև` սավանով խեղդել և սպանել է կնոջը, որից հետո բնակարանից հափշտակել է «DVD» տիպի 3 ձայնագրիչ, 1 բջջային հեռախոս, սպորտային տաբատ և 500 դրամ:
Աֆղանստանի նախագահի եղբայրը՝ մահապարտի հարձակման զոհ

Աֆղանստանի նախագահի եղբայրը՝ մահապարտի հարձակման զոհ

Հուլիս 29, 2014 11:54 Բացի Խաշմաթ Կարզայից՝ ոչ ոք չի զոհվել։
Ներքին Կարմիրաղբյուրի գյուղապետ. «Աստված ոչ անի՝ որևէ մեկն իր վրա զգա՝ ինչ բան է կրակոցը»

Ներքին Կարմիրաղբյուրի գյուղապետ. «Աստված ոչ անի՝ որևէ մեկն իր վրա զգա՝ ինչ բան է կրակոցը»

Հուլիս 29, 2014 11:40 Պետք է մոտիկից գաք, անզեն աչքով տեսնեք և պատկերացում կազմեք իրավիճակի մասին։ 15–20 տարի սահմանին մանկապարտեզ, դպրոց, երեխա պահելը դժվար բան է։
Տաքսու վարորդը, գիտակցության չգալով, մահացել է

Տաքսու վարորդը, գիտակցության չգալով, մահացել է

Հուլիս 29, 2014 11:32 Մեկնած օպերատիվ խումբը պարզել է, որ նույն օրը, ժամը 15.30-ի սահմաններում, Մ. Սահակյանին ամրակցված «Մերսեդես» մակնիշի տաքսի ավտոմեքենան Բերդ-Ճամբարակ ճանապարհի 25-րդ կ/մ-ին դուրս է եկել երթևեկելի մասից և գլորվել ձորը:
Հակառակորդը կրկին գնդակոծել է Մովսես, Չինարի, Այգեպար, Ներքին Կարմիրաղբյուր գյուղերը

Հակառակորդը կրկին գնդակոծել է Մովսես, Չինարի, Այգեպար, Ներքին Կարմիրաղբյուր գյուղերը

Հուլիս 29, 2014 11:06 «Հայկական կողմը պատասխան կրակ է բացել, բայց դե հակառակորդն իր արածն անում է էլի: Կրակում է անմիջապես գյուղի տների վրա, հենց գյուղի կենտրոնական մասի ուղղությամբ»։
Արգելվել է «Կումայրի կաթ» ՍՊԸ-ի «Լոռի» պանրի արտադրությունը

Արգելվել է «Կումայրի կաթ» ՍՊԸ-ի «Լոռի» պանրի արտադրությունը

Հուլիս 29, 2014 10:58 Խախտումների վերացման ժամկետ է սահմանվել մինչև 2014 թվականի օգոստոսի 10-ը:
Իսրայելական օդուժը հրթիռակոծել է «ՀԱՄԱՍ»–ի առաջնորդ Իսմայիլ Խանիի տունը

Իսրայելական օդուժը հրթիռակոծել է «ՀԱՄԱՍ»–ի առաջնորդ Իսմայիլ Խանիի տունը

Հուլիս 29, 2014 10:57 Իսլամիստների ղեկավարի առանձնատան ուղղությամբ երեք հրթիռ է բաց թողնվել
Հարություն Գրիգորյանին սպանած ՌՈ բաժանմունքի պետի աներն իր դստերը և երկու ծոռնիկներին հեռացրել է երկրից

Հարություն Գրիգորյանին սպանած ՌՈ բաժանմունքի պետի աներն իր դստերը և երկու ծոռնիկներին հեռացրել է երկրից

Հուլիս 29, 2014 10:55 «Ըստ տարածված տեղեկությունների՝ Արման Կատունյանը զայրացել է Հարություն Գրիգորյանի վրա այն բանից հետո, երբ վերջինս իմացել է, որ Հարությունը սիրահետում է իր կնոջը»։
Իրանի հոգևոր առաջնորդն իսլամական աշխարհին հորդորել է զինել պաղեստինցիներին

Իրանի հոգևոր առաջնորդն իսլամական աշխարհին հորդորել է զինել պաղեստինցիներին

Հուլիս 29, 2014 10:54 «Ամբողջ աշխարհին, հատկապես իսլամական, անհրաժեշտ է անել ամեն հնարավորը՝ զինելու պաղեստինցի ժողովրդին», – նշել է Համենեին։
ԱՄՆ–ը կդիտարկի Ուկրաինայի անվտանգության ոլորտում համագործակցության խնդրանքը

ԱՄՆ–ը կդիտարկի Ուկրաինայի անվտանգության ոլորտում համագործակցության խնդրանքը

Հուլիս 29, 2014 10:42 Պաշտպանական գերատեսչության ղեկավարը պնդել է, որ իրավիճակի ապակայունացմանը մասնակից է Ռուսաստանը։
Որոշ տարածքներ կհոսանքազրկվեն

Որոշ տարածքներ կհոսանքազրկվեն

Հուլիս 29, 2014 10:28 Հուլիսի 29-ին պլանային և վերանորոգման աշխատանքներ կիրականացվեն։
ՄԱԿ–ի գլխավոր քարտուղարն անհանգստացած է Գազայի բնակչությանը տարհանելու Իսրայելի կոչերից

ՄԱԿ–ի գլխավոր քարտուղարն անհանգստացած է Գազայի բնակչությանը տարհանելու Իսրայելի կոչերից

Հուլիս 29, 2014 10:25 Ավելի վաղ հաղորդվում էր, որ իսրայելական բանակը հորդորում է Գազայի հատվածի հյուսիսային քաղաքների և մայրաքաղաքի արևելյան մասերի բնակիչներին անհապաղ լքել տները և գնալ անկլավի խորքը։
Հրդեհներ խոտածածկ տարածքներում

Հրդեհներ խոտածածկ տարածքներում

Հուլիս 29, 2014 10:20 Հուլիսի 28-29-ը ՀՀ ԱԻՆ Ճգնաժամային կառավարման կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:
Բրազիլիայի նախագահը Գազայի հատվածում տեղի ունեցողը սպանդ է անվանել

Բրազիլիայի նախագահը Գազայի հատվածում տեղի ունեցողը սպանդ է անվանել

Հուլիս 29, 2014 10:11 «Գազայի հատվածում տեղի ունեցողն անընդունելի է։ Չեմ կարծում, թե դա կարելի է ցեղասպանություն անվանել, բայց այն, ինչ տեսնում ենք, սպանդ է։ Ականատես ենք լինում ոչ համաչափ ուժի կիրառման»,–ասել է Բրազիլիայի ղեկավարը։
«Նաիրիտ»-ի աշխատակիցների աշխատավարձի պարտքերը իշխանությունները փակում էին «Որոտանի ՀԷԿ»-ի եկամուտների միջոցով

«Նաիրիտ»-ի աշխատակիցների աշխատավարձի պարտքերը իշխանությունները փակում էին «Որոտանի ՀԷԿ»-ի եկամուտների միջոցով

Հուլիս 29, 2014 10:02 Թե ինչ գումարի մասին է խոսքը, առայժմ գաղտնի է պահվում: Սակայն ենթադրվում է, որ դրանք մեծ գումարներ են:
Յացենյուկը որոշել է մնալ Ուկրաինայի վարչապետի պաշտոնում

Յացենյուկը որոշել է մնալ Ուկրաինայի վարչապետի պաշտոնում

Հուլիս 29, 2014 09:44 Նա կոչ է արել Գերագույն ռադային հուլիսի 31–ին ընդունել ավելի վաղ տապալված օրինագծերը:
ՀՀ Դատական դեպարտամենտը որոշել է անցնել խնայողությունների

ՀՀ Դատական դեպարտամենտը որոշել է անցնել խնայողությունների

Հուլիս 29, 2014 09:44 «Ժողովուրդին հայտնի դարձավ, որ դատական դեպարտամենտը ՀՀ պետական բյուջեից 700 հազար դրամ է ծախսել՝ սեղմված բնական գազի կտրոններ ձեռք բերելու նպատակով:
Պատահար Երևան-Արտաշատ ավտոճանապարհին

Պատահար Երևան-Արտաշատ ավտոճանապարհին

Հուլիս 29, 2014 09:41 Բժիշկները Է.Մ.-ի, Հ.Ջ.-ի առողջական վիճակները գնահատել են ծանր, իսկ Ա.Ջ.-ինը՝ միջին ծանրության:
ԵՀՄՖ Նախագահությունը ողջունում է Արցախի վարչապետի հայտարարությունը

ԵՀՄՖ Նախագահությունը ողջունում է Արցախի վարչապետի հայտարարությունը

Հուլիս 29, 2014 09:20 ԵՀՄՖ Նախագահությունը, ծանոթանալով Լեռնային Ղարաբաղի վարչապետ Արա Հարությունյանի կողմից սոցիալական ցանցի օգտատերերի հետ հարցուպատասխանի ընթացքում առաջին անգամ կատարած հայտարարությանը, որով վարչապետը հմտորեն սրբագրում է ՀՀ ԱԳՆ-ի վերջին տարիների ընթացքում վարած վախվորած և խայտառակ գործունեությունը...
«ՀԱՄԱՍ»-ը շնորհակալություն է հայտնել ՄԱԷ-ին Գազայի հատվածում մարդասիրական օգնության համար

«ՀԱՄԱՍ»-ը շնորհակալություն է հայտնել ՄԱԷ-ին Գազայի հատվածում մարդասիրական օգնության համար

Հուլիս 28, 2014 19:07 Խանիան շնորհակալություն է հայտնել ՄԱԷ ղեկավարության ջանքերի համար՝ «մեղմելու պաղեստինյան ժողովրդի տառապանքը՝ արգելափակված Գազայի հատվածում»: