Լրահոս

06.11.2013 13:41


Նոյեմբերի 6-ը Պատասխանատու տուրիզմի համաշխարհային օր

Նոյեմբերի 6-ը Պատասխանատու տուրիզմի համաշխարհային օր

2002թ.-ին Քեյփթաունում կայացած շրջակա միջավայրի հանդեպ պատասխանատու տուրիզմի վերաբերյալ գիտաժողովի ընթացքում 20 երկրներից ժամանած տուրիզմի բնագավառի ավելի քան 280 ներկայացուցչի մասնակցությամբ ընդունվեց պատասխանատու տուրիզմի վերաբերյալ դեկլարացիան:

2013թ. նոյեմբերի 6-ին ՄԱԿ-ի համաշխարհային տուրիզմի կազմակերպության աջակցությամբ (UNWTO) տուրիստական կազմակերպությունների, տեղական համայնքների կողմից արդեն 7-րդ տարին է նշվում է Պատասխանատու տուրիզմի համաշխարհային օրը (WTM World Responsible Tourism Day): Աշխարհի տարբեր երկրներում իրականացվում են բազմաբնույթ միջոցառումներ, որոնք նպատակ ունեն իրազեկել հասարակությանը պատասխանատու տուրիզմի նպատակների և ձեռքբերումների մասին:

Պատասխանատու տուրիզմի համաշխարհային օրը նպատակ ունի.

  • Աջակցել զբոսաշրջության ընթացքում շրջակա միջավայրի հանդեպ ավելի պատասխանատու վարքի դրսևորմանը՝ կրթության միջոցով,
  • բացահայտել զբոսաշրջային վայրերի և երկրների կայունության ապահովման խնդիրները,
  • նպաստել տուրիստական շուկայի կրթական մակարդակի բարձրացմանը բնապահպանական խնդիրների մասին իրազեկվածության համատեքստում,
  • օգտագործել Համաշխարհային զբոսաշրջության շուկան (World Travel Market) որպես գործիք՝ պատասխանատու տուրիզմի գաղափարների առաջխաղացման համար:

«Էկոտուր» զբոսաշրջային գործակալություն

Այս խորագրի վերջին նյութերը