Քաղաքական

15.04.2014 18:06


Իվետա Տոնոյան. «ԲՀԿ օրակարգում քաղաքական կոալիցիա մտնելու հարց դրված չէ. չկա նման ցանկություն»

Իվետա Տոնոյան. «ԲՀԿ օրակարգում քաղաքական կոալիցիա մտնելու հարց դրված չէ. չկա նման ցանկություն»

Թեև ԲՀԿ-ական տարբեր գործիչներ հայտարարում են, որ իրենք կոալիցիայի մեջ չեն մտնելու, սակայն որոշ ԶԼՄ-ներում դեռևս շարունակվում են հրապարակումները, որ ԲՀԿ-ն մտնելու է կոալիցիա:

Այս հարցի առնչությամբ «Zham.am»-ը «Բարգավաճ Հայաստան» կուսակցության նախագահ Գագիկ Ծառուկյանի մամուլի խոսնակ Իվետա Տոնոյանից փորձեց ճշտել, թե ինչպիսին է այս հարցի առնչությամբ ԲՀԿ-ի պաշտոնական դիրքորոշումը: Ի պատասխան Իվետա Տոնոյանն ասաց, որ իսկապես այս հարցի արհեստական շահարկումն արդեն դադարում է հետաքրքիր լինել:

«Եվս մեկ անգամ վերահաստատում եմ, որ ԲՀԿ-ի օրակարգում քաղաքական կոալիցիա մտնելու հարց դրված չէ. չկա նման ցանկություն: Իսկ նոր վարչապետին մաղթում ենք իրապես ժողովրդի խնդիրներին և սպասումներին համահունչ ծրագրերի մշակում և իրականացում»,- ասաց Իվետա Տոնոյանը:

Zham. am

Այս խորագրի վերջին նյութերը