Ցուցարարները շարունակում են վերահսկել վարչական շենքերը Դոնեցկի շրջանի ութ քաղաքներում։ Այս մասին հայտնում է ուկրաինական ԶԼՄ–ն։ Ժդանովկայի քաղխորհրդի շենքին ծածանվում է ինքնահռչակված Դոնեցկի ժողովրդական հանրապետության դրոշը։ Ցուցարարները հայտարարել են, որ քաղաքային իշխանությունն իրենց կողմն է։ Նրանց վերահսկողության տակ են մնում նաև Մակեևկայի քաղխորհուրդը, Մարիուպոլի քաղաքապետարանը, Խարցիզսկի գործկոմը, Գորլովկայի ոստիկանության բաժինը, քաղխորհուրդը և ոստիկանությունը։ Սլավյանսկում զբաղեցրած են ոստիկանության բաժանմունքը և Ուկրաինայի Անվտանգության ծառայությունը։

Տեղեկացնում է «ԻՏԱՌ-ՏԱՍՍ»–ը։