Ինչպես արդեն տեղեկացրել էինք, այսօր խորհրդարանում կայացել է ոչիշխանական խմբակցություններ ՀԱԿ–ի, ԲՀԿ–ի, ՀՅԴ–ի և «Ժառանգության» դռնփակ հանդիպումը։

–«Քառյակը» գործում է՝ ի հեճուկս բոլոր չար գուշակողների,–հանդիպման ավարտից հետո լրագրողներին ասել է ՀՅԴ խմբակցության ղեկավար Արմեն Ռուստամյանը։

Նա նաև հայտնել է, որ որոշել են պարտադիր կուտակային օրենքում փոփոխություններ կատարելու նախաձեռնությամբ հանդես գալ, և այդ նպատակով ԱԺ այս քառօրյայի ժամանակ արտահերթ նիստ հրավիրել։

–Քննարկել ենք նոր ստեղծված իրավիճակը, նոր կառավարության ձևավորման գործընթացը, թե կառավարության կազմը որոշվելուց և կառավարության ծրագիրը հրապարակելուց հետո ինչ գործողություններ ենք մենք իրականացնելու։ Նիստը շատ օգտակար էր, հնարավորինս բաց, անկղեծ, բոլոր հնարավոր զարգացումների մասին մենք խոսել ենք՝ նպատակ ունենալով փոփոխությունների արդյունքում ունենալ միասնական դիրքորոշում,–ասել է Ա. Ռուստամյանը:

«Քառյակի» առաջարկները, գնահատականները, հեռանկարները տարբեր են, բայց, ՀՅԴ խմբակցության ղեկավարի խոսքերով, լիահույս են, որ միասնական քննարկումները կշարունակվեն, և այդ հարցում հստակություն կմտցվի։

Մանրամասները՝ «7օր»–ի տեսանյութում։

7or.am