Ուկրաինայի վարչապետը հաստատել է կառավարության մտադրությունը՝ ապակենտրոնացնել իշխանությունը։ Այս մասին այսօր Արսենի Յացենյուկը հայտնել է Գերագույն ռադայի նիստում։

«Ուկրաինական ժողովրդի պահանջն է փոխանցել լիազորությունները շրջաններին, փոփոխել հարկային, բյուջետային օրենսգրքերը։ Կառավարությունը պաշտպանել և պաշտպանում է ազգային փոքրամասնություններին, ռուսալեզու բնակիչներին, քանզի բոլորը Ուկրաինայի քաղաքացիներ են»,– մեջբերում է «Սեգոդնյա»-ն։ Բացի այդ, Յացենյուկի խոսքերով, Ուկրաինայի կառավարությունը համաներման օրինագիծ է պատրաստել, որը թույլ կտա երկրի արևելքում անկարգությունների մասնակիցներին խուսափել պատասխանատվությունից, որոնք ծանր հանցանքներ չեն գործել։

Տեղեկացնում է rosbalt.ru–ն։