«Իրաքում ահաբեկչական խմբավորումների կողմից գողացված ուրանից գրոհայինները կարող են կեղտոտ ռումբ պտրաստել։ Դա է՛լ ավելի կխորացնի Իրաքում ստեղծված քաոսային իրավիճակը»,–«ՌԻԱ Նովոստի»-ի փոխանցմամբ՝ այս մասին ասել է Զենքի համաշխարհային առևտրի ուսումնասիրման կենտրոնի տնօրեն Իգոր Կորոտչենկոն։

Հիշեցնենք, որ այսօր Իրաքը տեղեկացրել է ՄԱԿ-ին, որ ահաբեկչական խմբավորումները երկրի հյուսիսում գտնվող համալսարանի լաբորատորիայից ուրան են գողացել։

«Միջուկային այդ նյութերը, չնայած սահմանափակ քանակին, ահաբեկիչները, անհրաժեշտ հմտությունների դեպքում, կարող են օգտագործել իրենց գրոհների ժամանակ»,–«Բի-Բի-Սի»-ի փոխանցմամբ՝ ասված է ՄԱԿ–ին ուղղված նամակում։