ՀՀ էկոնոմիկայի նախարար Կարեն Ճշմարիտյանը լրագրողներին ասել է, որ Ռուսաստանի նկատմամբ ԱՄՆ պատժամիջոցները կարող են բացասաբար անդրադառնալ Հայաստանի տնտեսության վրա:

Այդ պատժամիջոցները որոշակիորեն անդրադառնում են նաև «Նովատեք», «Ռոսնեֆտ», «Վնեշէկոնոմբանկ», «Գազպրոմբանկ» ընկերությունների վրա։

Նախարարը նշել է, որ «Առէկսիմբանկ»–ի միջոցով Հայաստանում գործունեություն է ծավալում «Գազպրոմբանկը»։ «Ռոսնեֆտն» էլ հետաքրքրված է «Նաիրիտ»–ով։

–Կարծում եմ՝ այդ պատժամիջոցները մեր երկրի վրա ինչ-որ բացասական ազդեցություն կարող են ունենալ,-ասել է Կ.Ճշմարիտյանը։

Թե դրանք ի՞նչ ազդեցություն կունենան Եվրասիական տնտեսական միությանը Հայաստանի անդամակցության վրա, նախարարը դժվարացել է նշել։

7or.am