Հուլիսի 22-ին, ժամը 22.02-ին ԱԻՆ–ում ահազանգ է ստացվել, որ Կաթնաղբյուր-Թալին ավտոճանապարհին տեղի է ունեցել ՃՏՊ, առկա է վառելիքի արտահոսք. անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Պարզվել է, որ Մ-1 միջպետական ավտոճանապարհի Երևան-Գյումրի 68-րդ կմ-ին դեռևս չբացահայտված հանգամանքներում բախվել են «Մերսեդես» մակնիշի 34ՏT030 (վարորդ` Գ. Վ., ծնվ. 1966թ.) և «Վոլկսվագեն» մակնիշի 29ԼՕ548 պետհամարանիշով ավտոմեքենաները, ինչից «Վոլկսվագեն» մակնիշի ավտոմեքենայի ուղևորներ` Ն. Փ.-ը (ծնվ. 1979թ.), Ա. և Մ. Կ.-երը ( ծնվ. 2000թ. և 2003թ.) տարբեր աստիճանի մարմնական վնասվածքներով հոսպտալացվել են Թալինի ԲԿ:
Հրշեջ-փրկարարները գազազրկել և հոսանքազրկել են ավտոմեքենաները: