Ինքնահռչակված ԴԺՀ աշխարհազորայինները ռազմական ինքնաթիռ են խփել մալազիական «Բոինգի» կործանման վայրում։ Այս մասին տեղեկացնում է lenta.ru–ն՝ հղում անելով «ՌԻԱ Նովոստի»–ին։

«Սաուրից ուղղաթիռ է խփվել։ Նա ուղղվել է Լուգանսկի կողմը, և հնարավոր է՝ ընկել այնտեղ»,–ասել է աշխարհազորայինը։

Թռչող սարքի տեսակն աշխարհազորայինները չեն հստակեցրել։ Այդ շրջանում՝ Սնեժնոյե քաղաքի մոտ, շարունակվում են ինտենսիվ բախումներն ուժայինների և աշխարհազորայինների միջև։ «Բոինգի» կործանման նախօրեին այստեղ երկու ուկրաինական ռազմական ինքնաթիռ է խփվել։ Ինքնաթիռները նկատվել են այդ շրջանում նաև ավիակործանումից հետո. մասնավորապես, նրանք հրթիռներ էին բաց թողնում Դոնեցկ–Սնեժնոյե մայրուղով, որով պետք է անցնեին մալազիական փորձագետները։