Նորվեգիան մտադիր է միանալ Ռուսաստանի դեմ ԵՄ պատժամիջոցներին։ Մոտ ժամանակներս թագավորության Կառավարությունը նախատեսում է պայմանավորվել խորհրդարանի հետ այդ հարցի շուրջ։ Այս մասին ասվում է Նորվեգիայի ԱԳՆ ղեկավար Բյորգե Բրենդի հայտարարության մեջ։

«ԵՄ նոր պատժամիջոցները Ռուսաստանի դեմ վկայում են իրավիճակի վատթարացման մասին Ուկրաինայում, – նշել է Բրենդը։ – Նորվեգիան պատրաստվում է մանրամասն դիտարկել ԵՄ երկրների համաձայնեցված միջոցները»։

Նրա խոսքերով՝ «մտադրությունը՝ միանալու պատժամիջոցներին, պայմանավորված է լուրջ արտաքին քաղաքական նկատառումներով»։

Տեղեկացնում է «ԻՏԱՌ–ՏԱՍՍ»–ը։