Թուրքական ոստիկանության տասնյակ ոստիկաններ այսօր ձերբակալվել են երկրի 16 նահանգներում հատուկ գործողություններ իրականացնելուց հետո։ Ինչպես տեղեկացնում է տեղական «Էն Թի Վի» հեռուստաալիքը, նրանց կասկածում են «կառավարության դեմ դավադրության» մեջ։ Նրա տվյալներով՝ 33 ոստիկանի ձերբակալության թույլտվություն է տրված, որոնց մի մասը ձերբակալվել է հուլիսին, և որոնք մեղադրվում են քաղաքացիների հեռախոսների անօրինական գաղտնալսման մեջ, այդ թվում՝ թուրքական կառավարության անդամների։

Հիշեցնենք՝ Թուրքիայի իշխանությունը ոստիկանական շարքերի մաքրման գործընթաց է սկսել իրավապահների ձերբակալման ալիքից հետո՝ սկսված նախորդ տարվա ձմռանը։ Ոստիկանների ձերբակալության առավել զանգվածային գործողությունն իրականացվել է հուլիսի 25-ին երկրի 25 նահանգներում։ Այն ժամանակ 55 ոստիկան է ձերբակալվել, այդ թվում՝ շրջանային անվտանգության վարչությունների ղեկավարները։ Վերջին նույնատիպ գործողությունն իրականացվել է օգոստոսի 19–ին Թուրքիայի 13 նահանգներում։

Տեղեկացնում է «ԻՏԱՌ–ՏԱՍՍ»–ը։