Երևանում մեկնարկում է «Գիտական հաշվարկների մարտահրավերները» գիտաժողովը

● Լրահոս

18.09.2014 ● 12:24

Երևանում մեկնարկում է «Գիտական հաշվարկների մարտահրավերները» գիտաժողովը

2014թ. սեպտեմբերի 19-ին` ժամը 10:00-ին, ՀՀ Գիտությունների ազգային ակադեմիայում կմեկնարկի «Գիտական հաշվարկների մարտահրավերները» գիտաժողովը, որի կազմակերպիչներն են ՀՀ ԳԱԱ-ն և ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտը:

Գիտաժողովին մասնակցում են գիտնականներ ԱՄՆ-ից, Ֆրանսիայից, Ֆինլանդիայից, Հունգարիայից:

Գիտաժողովի հիմնական նպատակն է՝ ներկայացնել հաշվողական և տեղեկատվական ծառայությունների զարգացման ժամանակակից միտումները՝ ուղղված գիտական և հասարակական մարտահրավերների դիմակայմանը: Գիտաժողովը կնպաստի համաեվրոպական և համաշխարհային հետազոտական ենթակառուցվածքների և հանրությունների հետ Հայաստանի գիտական ներուժի համագործակցության ամրապնդմանը:

Գիտաժողովի ընթացքում «Գիտական հաշվարկների ժամանակակից միտումները և ապագա մարտահրավերները» զեկուցումով հանդես կգա գերհամակարգչային ոլորտի լեգենդ, զուգահեռ ծրագրավորման բնագավառի հայտնի մասնագետ, Linpack թեստի հեղինակ, Top500 վարկանիշային աղյուսակի հիմնադիր, Թենեսիի համալսարանի (ԱՄՆ) պրոֆեսոր, տեղեկատվական տեխնոլոգիաների հետազոտությունների կենտրոնի տնօրեն Ջեկ Դոնգարան:

«EUDAT- Տվյալների ծառայություններ և բաց գիտություն» զեկույցը կներկայացնի Գիտության տեղեկատվական տեխնոլոգիաների կենտրոնի (Ֆինլանդիա) տնօրեն, Եվրոպական գրիդ նախաձեռնության (EGI) ղեկավար դոկտոր Պեր Օստերը:

Զեկուցումով հանդես կգա Թուլուզի Ինֆորմատիկայի հետազոտությունների ինստիտուտի (Ֆրանսիա) տնօրեն պրոֆեսոր Միշել Դայդեն, ով կներկայացնի իրենց ինստիտուտի փորձառությունը գիտական հաշվարկների բնագավառում:

ՀՀ ԳԱԱ փոխնախագահ պրոֆեսոր Յուրի Շուքուրյանը կներկայացնի INARMERA-ICT նախագիծը, նրա դերը գիտական հաշվարկների բնագավառում Հայաստանի ներուժի ամրապնդման հարցում:

Ձեռնարկությունների ինկուբատոր հիմնադրամի տնօրեն դոկտոր Բագրատ Ենգիբարյանը կներկայացնի տեղեկատվության և հաղորդակցման տեխնոլոգիաների արդյունաբերությունը Հայաստանում:

«Գիտական հաշվարկների մարտահրավերները» գիտաժողովն անցկացվում է EU FP7 INARMERA-ICT ծրագրի աջակցությամբ:

ՀՀ ԳԱԱ տեղեկատվական-վերլուծական ծառայություն

● Այս խորագրի վերջին նյութերը

Երևանում բախվել են «Hyundai»-ին ու «Mercedes»-ը․ վերջինը դուրս է եկել երթևեկելի գոտուց և բախվել պատին

25.04.2024 ● 20:35

Վթարի հետևանքով, ըստ նախնական տեղեկությունների, բարեբախտաբար տուժածներ չկան:

Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով

25.04.2024 ● 19:54

Ավստրիացի վերջին սեփականատերերի ինքնությունը չի բացահայտվում:

Կիրանցում բնակիչները շրջափակել են Ռազմական ոստիկանության պահակակետը (տեսանյութ)

25.04.2024 ● 19:53

Քաղաքացիները փակեցին Կիրանցի կամուրջը։

Կորոնավիրուսի ընթացքում բուժառուների հիվանդության 829 կեղծ պատմագրի հիման վրա՝ Առողջապահության նախարարությունից խարդախությամբ հափշտակվել է 263 մլն 480 հազար դրամ

25.04.2024 ● 19:43

Ընկերության 20-ից ավելի բուժաշխատակից կեղծել է 829 հիվանդության պատմագիր՝ դրանցում ներառելով հիվանդության ընթացքի վերաբերյալ ակնհայտ կեղծ տեղեկություններ:

Կիրանցում նոր կառուցվող դպրոցի հեռավորությունը թշնամուց լինելու է 170 մետր

25.04.2024 ● 19:39

Ընդամենը մոտ 25-30 քայլ, և թշնամին կարող է հայտնվել այստեղով անցնող ցանկացած մեքենայի դռան մոտ։

Կիրանցում ականի պայթյունից զինծառայող է վիրավորվել

25.04.2024 ● 19:35

Կյանքին վտանգ չի սպառնում, վիճակը գնահատվում է բավարար

Կիրանցում նոր կառուցվող դպրոցի հեռավորությունը թշնամուց լինելու է 170 մետր

Կիրանցում ականի պայթյունից զինծառայող է վիրավորվել

ՀՀ և Ադրբեջանի սահմանին տեղադրվել է 20 սյուն

● Լրահոս