«Իսլամական պետություն» սուննի ծայրահեղական խմբավորման զինյալները մահապատժի են ենթարկում քրդական գյուղերի գերիներին Սիրիայի հյուսիսում։ Ինչպես հաղորդել է կիրակի քրդական ինքնապաշտպանական ուժերի հրամանատար Իսմաթ աշ–Շեյխը, վարձկանները «տասնյակ կանանց, երեխաների և ծերերի» դատաստան են տեսել։

«Մենք չգիտենք, թե որքան մարդ է գտնվում նրանց ձեռքերում։ Դեռևս մենք չունենք այդ հարցով հստակ տեղեկություններ», – ասել է նա։ Արաբական ԶԼՄ–ի տեղեկատվությամբ՝ ավելի քան 800 խաղաղ բնակիչ անհայտ կորած է համարվում։ Ահաբեկիչները գերիներին որպես «կենդանի վահան» են օգտագործում, որը բարդացնում է նրանց դիրքերի ուղղությամբ ավիահարվածներ իրականացնելը։

Տեղեկացնում է «ԻՏԱՌ–ՏԱՍՍ»–ը։