Ինչպես արդեն տեղեկացրել էինք, մայրաքաղաքի զգալի թվով տոնավաճառների հազարավոր առևտրականներ բողոքի ցույց են անում ՀՀ կառավարության շենքի մոտ։ Ցուցարարների պատվիրակությանը Հովիկ Աբրահամյանն առաջարկել է բոլոր պահանջները գրավոր ներկայացնել։ Վարչապետը դա հիմնավորել է օրենսդրական փոփոխություններով, որոնք անհրաժեշտ կլինեն ցուցարարների պահանջները բավարարելու համար։ Առևտրականները հրաժարվել են առաջարկից և փակել Տիգրան Մեծ պողոտան։

Հիշեցնենք, որ հոկտեմբերի 1-ից ուժի մեջ է մտնելու «Շրջանառության հարկի մասին» օրենքը, որը պարտավորեցնում է պարբերաբար տեղեկություններ հայտնել վաճառված ապրանքների մասին: Հենց այս օրենքն էլ դարձել է առևտրականների բողոքի աղբյուրը։

Լուսանկարը՝ ilur.am-ի։