Այսօրվա ասուլիսին «Փոքր ձեռներեցությամբ զբաղվողների հայկական միության նախագահ» Ստեփան Ասլանյանն անդրադառնալով «Շրջանառության հարկի մասին» օրենքին՝ ասել է. «Եթե այդքան լավ բան է շրջանառության հարկը, որ ասում են՝ 3.5 տոկոսից նվազեցվում է 1.5 տոկոսի, ապա ի՞նչն է պատճառը, որ հազարավոր ձեռներեցներ դեմ են: Խնդիրը փաստաթղթավորման հետ է կապված, որովհետև մեծ հարկատուները փոքրերին հաստատ չեն տրամադրելու փաստաթուղթ», – հավելելով, որ ՓՄՁ–ն չի խուսափում հարկ վճարելուց, բայց օրենքն այս ձևով վնաս է հասցնում նրա շահերին։

«Մեր տնտեսությունը փոքր է, և այստեղ մրցակցություն գրեթե չկա»,–մտահոգություն է հայտնել բանախոսը՝ նշելով, որ սեպտեմբերի 29-ին տոնավաճառների աշխատողները ԱԺ շենքի մոտ պահանջելու են «Շրջանառության հարկի մասին օրենքում» փոփոխություններ կատարել։

7or.am