–Ինձ համար ընդունելի չէ, որ հանցագործներին Կառավարությունում գործի ընդունենք,–ԱԺ–Կառավարություն հարցուպատասխանի ժամանակ հայտարարել է ՀՀ վարչապետ Հովիկ Աբրահամյանը։

Անդրադառնալով Սյունիքի մարզպետի պաշտոնում Սուրիկ Խաչատրյանի վերանշանակմանը՝ Հ. Աբրահամյանը շփոթվել է.

–Խաչատրյան Սուրիկին ես ինքս եմ առաջարկել վարչապետի պաշտոնում։

Այս շփոթմունքը բավականին զվարճացրել է պատգամավորներին, ինչից հետո Հ. Աբրահամյանն ուղղել է խոսքը։

–Ես եմ առաջարկել մարզպետի պաշտոնում՝ հաշվի առնելով տարածքային կառավարման մարմիններում իր աշխատած փորձը, իր կազմակերպչական աշխատանքը և սյունեցիների առաջարկը, որովհետև բազմաթիվ գրավոր, նաև զանգեր, առաջարկներ եմ ստացել համայնքների ղեկավարներից, ՀԿ–ներից։ Այո՛, կան հակասական պատկերացումներ, մոտեցումներ, կարծիքներ Սուրեն Խաչատրյանի մասին, բայց մեր ուսումնասիրությունների արդյունքում սյունեցիների մեծ մասը ցանկություն է հայտնել, որպեսզի նաև հաշվի առնենք իրենց կարծիքը՝ Սուրեն Խաչատրյանին տեսնել Սյունիքի մարզպետի պաշտոնում,–հավելել է Հ. Աբրահամյանը։

7or.am