Այս պահին ՀՀ կառավարության շենքի դիմաց ՓՄՁ ներկայացուցիչները բողոքի գործողություն են իրականացնում՝ պահանջելով չեղարկել հոկտեմբերի 1-ից ուժի մեջ մտած «Շրջանառության հարկի մասին» օրենքը։ «7օր»-ի թղթակցի փոխանցմամբ՝ ակցիան բավականին մարդաշատ է։ Հավաքվածները վանկարկում են՝ «Կա–սե–ցո՛ւմ»։

Ի դեպ, բողոքի գործողությանը մասնակցող Մալաթիայի տոնավաճառի տնտեսվարողներից մեկը հայտնել է, որ իրեն է զանգահարել տոնավաճառի տնօրենը՝ պահանջելով բոլորին վերադառնալ աշխատանքի վայր։ Պահանջն այդ մերժվել է։

Այս պահին բողոքի գործողության մասնակիցները պահանջում են, որպեսզի իրենց մոտ իջնի վարչապետ Հովիկ Աբրահամյանը։

7or.am