Տնտեսական

10.10.2014 14:37


Ռուբեն Եգանյան. «Աշխատանքային միգրանտների հետ գալու հավանականությունը հիմնականում փոքր է»

Ռուբեն Եգանյան. «Աշխատանքային միգրանտների հետ գալու հավանականությունը հիմնականում փոքր է»

Այսօրվա ասուլիսին ժողովրդագիր Ռուբեն Եգանյանը նշել է, որ երկրում ժողովրդագրական իրավիճակը շարունակում է մնալ ճգնաժամային. «Պատճառն այն է, որ վերարտադրողական տարիք է մուտք գործում 1990-ականների սերունդը, որի թվաքանակը քիչ է, քան նախորդներինը: Ինչ վերաբերում է մահերին, այն ևս, ոչ շատ բարձր տեմպերով, բայց շարունակաբար աճելու միտում ունի, որը շարունակվելու է առաջիկա տարիներին: Սա էլ պայմանավորված է նրանով, որ մեր բնակչության շրջանում ծերերի թիվը գնալով աճում է», – պարզաբանել է բանախոսը։

Ամուսնությունների և ամուսնալուծությունների թվին ժողովրդագիրը վերապահումով է մոտենում՝ մեկնաբանելով դա որոշակի շեղմամբ իրականության և պաշտոնական թվերի միջև. «Ամուսնությունները երբեմն ավելի ուշ են պաշտոնապես գրանցվում, երբեմն էլ տեղի են ունենում ոչ իրական ամուսնալուծություններ: Շատ հաճախ ամուսնալուծությունն այդպես էլ չի գրանցվում՝ տղամարդու բացակայության կամ տնտեսական հարցերից ելնելով»։
Անդրադառնալով միգրացիայի խնդրին՝ Եգանյանն ընդգծել է, որ վերջին տարիներին մեկնողների ու վերադարձողների բացասական հաշվեկշիռը կազմում է 30 հազար մարդ, միգրանտներն էլ բաժանվում են երկու խմբի՝ ովքեր հեռանում են անվերադարձ, և ժամանակավոր աշխատանքի գնացողներ.

«Բայց նրանց հետ գալու հավանականությունը հիմնականում փոքր է», – եզրահանգել է բանախոսը։

Այս խորագրի վերջին նյութերը