ԱԺ–ում ՄԻՊ 2013թ. գործունեության զեկույցի քննարկման ժամանակ «Հայ ազգային կոնգրես» խմբակցության ղեկավար Լևոն Զուրաբյանը հայտարարել է, որ Հայաստանում մարդու իրավունքները խախտված են, և խախտված էլ կմնան, քանի դեռ ժողովուրդն իր ձեռքը չի վերցրել իր իրավունքների պաշտպանությունը:

–Հոկտեմբերի 10-ին ժողովուրդը կատարեց առաջին քայլը՝ սկզբնավորվեց մի նոր համաժողովրդական շարժում, որն այլևս ոչ ոքի թույլ չի տալու խախտել մարդու իրավունքները։ Իմացե՛ք՝ եթե ժողովուրդը ոտքի կանգնի, այդ ժամանակ մարդու իրավունքները դառնալու են պաշտպանված, իսկ ժողովուրդը ոտքի՛ է կանգնել, և հոկտեմբերի 24-ին իր իրավունքներն այնպես կպաշտպանի, որ դրանից հետո բոլորը կհասկանան՝ ինչ է նշանակում ազատություն և հարգանք մարդու իրավունքների նկատմամբ,–ասել է Լ. Զուրաբյանը:

7or.am