ՀՀ ԱԺ ՀԱԿ խմբակցության քարտուղար Արամ Մանուկյանը Կառավարության հետ հարցուպատասխանի ժամանակ բարձրացրել է մասնավոր բուհերի, ընդհանրապես, բարձրագույն կրթական քաղաքականության հարցը։

–Մեր երկրի պատմության մեջ առաջին անգամ է, որ դիմորդների թիվն ավելի քիչ է, քան հատկացված տեղերը։ Այսինքն, տեղի է ունենում, ժողովրդի լեզվով ասած, «նեդաբոր»։ Ո՞վ է այս անմխիթար, ձևախեղված քաղաքականության պատասխանատուն,–նշել է նա։

ՀՀ կրթության ու գիտության նախարար Արմեն Աշոտյանը պատասխանել է, թե դա հատուկ քաղաքականություն է, և ունի հոգեբանական գործոն։

–Սա լրջագույն հոգեբանական ազդեցություն է թողնում, քանի որ ծնողը վստահ է լինում, որ իր երեխան կընդունվի, քանի որ տեղերը շատ են,–ասել է Ա. Աշոտյանը:

Ա. Մանուկյանն էլ հակադարձել է, որ նման քաղաքականությամբ ոչնչացվել է «մասնավոր բուհ» հասկացությունը։

7or.am