Սիրիայի օդուժը ոչնչացրել է «Իսլամական պետության» զավթած երեք ինքնաթիռից երկուսը, որոնցով նրանք իրենց առաջին թռիչքներն էին իրականացնում։ Այս մասին հաղորդել է արաբական հանրապետության տեղեկատվության նախարար Օմրան ազ–Զոուբին։
Ազ–Զոուբին տեղեկացրել է, որ երրորդ ինքնաթիռի որոնումներն են ընթանում։

«Այն վտանգավոր չէ. նրանք չգիտեն դրանից օգտվել», – մեջբերում է սիրիական հեռուստաընկերությունը նախարարի խոսքերը։
Վարչության ղեկավարի խոսքերով՝ երկու զավթված ինքնաթիռները խփվել են Հալեպից արևելք՝ Ջիրահ օդանավակայանում վայրէջք կատարելիս։ Այդ ռազմական օբյեկտը համարվում է ԻՊ խոշոր բազաներից մեկը։

Տեղեկացնում է «ՏԱՍՍ»–ը։