Հոկտեմբերի 22-ին՝ ժամը 20.15-ին, տեղեկատվություն է ստացվել, որ ժամը 20.10-ի սահմաններում Արարատի մարզի Ավշար գյուղի մոտակա գազալցակայանում տեղի է ունեցել պայթյուն:

Ինչպես հայտնում են ՀՀ արտակարգ իրավիճակների նախարարությունից, Ավշար գյուղի մոտակա «Գազ Բաս» գազալցակայանում լիցքավորման ժամանակ պայթել է «ՈւԱԶ» մակնիշի 27ՏԼ703 պ/հ ավտոմեքենայի գազի բալոնը:

Դեպքի վայր է մեկնել ՄՓՎ ՃԿԿ օպերատիվ խումբը:

Լիցքավորող Ա. Ա.-ն (ծնվ. 1986թ.) տեղափոխվել է Երևանի թիվ 1 համալսարանական հիվանդանոց, որտեղ բժիշկները տուժածի առողջական վիճակը գնահատել են կայուն ծանր:

Դեպքի վերաբերյալ ՀՀ ԿԱ ոստիկանությունից, այլ ծառայություններից և քաղաքացիներից ՀՀ ԱԻՆ ահազանգ չի ստացվել: