Փետրվարի 27-ին, ժամը 14.05-ին, ոստիկանության Մալաթիայի բաժնի ծառայողները, գողություն կատարելու կասկածանքով, բերման են ենթարկել Երևանի հարսանյաց սրահներից մեկի 29-ամյա մատուցողին, որը փետրվարի 12-ին երիտասարդ մի զույգի հարսանյաց հանդիսության ընթացքում նորապսակների սեղանից գողացել է հարսանյաց նվերներից մեկը՝ ծրար, որի մեջ եղել է 320.000 դրամ:

«Մազդա» և «Սուզուկի» մեքենաներ Հայաստան ներկրող «Ռոյալ մոթորս» և «Թոփ մոթորս» ՍՊԸ-ների սեփականատեր, 37-ամյա գործարար Միսակ Սարգսյանը, ով «Օրինաց երկրի» Դավիթաշենի տարածքային կառույցի ղեկավարն էր, լքել է ՕԵԿ-ը:<br>Այս տեղեկությունը «Հայկական ժամանակ» թերթի թղթակցի հետ զրույցում հաստատել է ինքը` գործարարը:

–Ես, ընդհանրապես, մշտական տաղավարների տեղադարմանը դեմ եմ, և ամեն ինչ պետք է անեմ, որպեսզի այդ տաղավարները տեղափոխվեն,–ասել է ՀՀ վարչապետը: Հանդիպմանը ներկա է եղել նաև Երևանի քաղաքապետ Տարոն Մարգարյանը, ով պնդում է, որ Մաշտոցի այգում այդ տաղավարների տեղադրման մասին իր որոշումն օրինական է։

«Ըստ իս՝ Նժդեհը կգնար ոչ թե նրանց հետ, ովքեր իրեն կուռք են դարձրել, այլ այն երիտասարդների հետ, ովքեր չեն կորցրել մարդկային արժանապատվությունը՝ անկախ նշաններից։ Այո, այդ երիտասարդները դժգոհ են իշխանությունից։ Ես էլ եմ դժգոհ։ Եվ դա մեր իրավունքն է։ Իր Հայրենիքը սիրող մարդը պարտավոր չէ սիրել նրա ամեն տեսակ կառավարություն։ Եվ այդ պատճառով մենք իրավունք ունենք փոխելու այն։ Եվ կփոխենք»,–գրել է Վ. Հովհաննիսյանը։

Այսօր, ժամը 11.30-ին, Արտակարգ իրավիճակների նախարար Արմեն Երիցյանը կպարգևատրի փետրվարի 21-ին Արագածոտնի մարզում հղի կնոջն օգնության հասած և ձյան միջով նրան պատգարակով մինչև շտապօգնության մեքենա հասցրած 8 հրշեջ-փրկարարներին։

«Վրաստանը երբեք չի փակվի Ռուսաստանի ներդրողների և զբոսաշրջիկների համար։ Ռուսաստանցի յուրաքանչյուր գործարար պետք է վստահ լինի, որ կարող է գալ Վրաստան, ներդրումներ անել, բիզնես և արտադրություն հիմնելԵս հավատում եմ, որ այնտեղ ուր բիզնեսն է ակտիվ զարգանում, տանկերի որոտների համար տեղ չի մնա,»- շեշտել է Վրաստանի նախագահը:

ՀՀ ԱԻ նախարարությունը տեղեկացնում է, որ փետրվարի 29-ի ժամը 08.00-ի դրությամբ ՀՀ տարածքում միջպետական, հանրապետական նշանակության ավտոճանապարհներն ու լեռնանցքները հիմնականում անցանելի են: Որոշ ճանապարհահատվածներում տեղ-տեղ առկա է մերկասառույց:

Փետրվարի 28-ին ՀՀ ֆինանսների նախարարության, ՀՀ ԿԱ Պետական եկամուտների կոմիտեի և ՀՀ Մշակույթի նախարարության ղեկավարները հանդիպեցին հրատարակիչների և գիրք տարածողների ազգային ասոցիացիաների անդամների հետ: Հանդիպման ընթացքում ՀՀ ֆինանսների նախարար Վաչե Գաբրիելյանը հրավիրվածներին հանգամանորեն ներկայացրեց գրքի ոլորտում իրականացվող պետական քաղաքականությանն առնչվող հարցերը:

2012 թվականի հունվարի 1-ից աղբահանության վճարը կիրառվում է որպես համայնքային բյուջե գանձվող տեղական վճար: Երևանի քաղաքում աղբահանության վճարը բնակչության մասով սահմանվել է փաստացի բնակվող յուրաքանչյուր բնակչի համար ամսական 200 ՀՀ դրամ:

Այսօր Կիպրոսում Հայաստանի ֆուտբոլի ազգային հավաքականն ուսումնամարզական հավաքի շրջանակներում այս տարվա առաջին հանդիպումն անցկացրեց։ Մեր ընտրանու մրցակիցն էր Սերբիայի հավաքականը:

Փետրվարի 28-ին տեղի է ունեցել Հայ Ազգային Կոնգրեսի քաղխորհրդի, կենտրոնական գրասենյակի և տարածքային կառույցների համատեղ խորհրդակցություն, որը վարել է ՀՀ Առաջին նախագահ Լևոն Տեր-Պետրոսյանը:

Ֆրանսիայի Սահմանադրական խորհուրդը հակասահմանադրական է ճանաչել ցեղասպանությունների ժխտումը քրեականացնող օրինագիծը։ Ըստ բերված պատճառաբանության՝ օրինագիծը հակասում է խոսքի ազատության իրավունքին: Հիշեցնենք, որ Ֆրանսիայի Սենատը հունվարի 23–ին ընդունել էր ցեղասպա նությունների ժխտումը քրեականացնելու մասին օրինագիծն, ըստ որի՝ Ֆրանսիայում Հայոց ցեղասպանությունը ժխտողներին 1 տարվա ազատազրկում և 45.000 եվրո տուգանք էր սպառնում։

«Իմ քայլը պայմանավորված է նույն մոտեցմամբ, որ միշտ ունեցել եմ թե՛ որպես կառավարության անդամ, թե՛ երբ հեռանում էի կառավարությունից»։

Այսօր ճանապարհային ոստիկանության աշխատակիցներն, առանց որևէ հիմնավորման, արգելել են «Գագիկ Ծառուկյան» բարեգործական հիմնադրամին պատկանող ավտոբուսներին, որոնք անվճար Աբովյանից Երևան են տեղափոխում ուսանողներին և սոցիալապես անապահով մարդկանց, դուրս գալ երթուղի։

Փետրվարի վերջին Ֆրանսահայկական կազմակերպությունների համակարգող խորհուրդը /ՖԿՀԽ/ ծրագրել և անցկացնում է միջոցառումների շարք` նվիրված սումգայիթյան ջարդերին զոհ գնացած հայերի հիշատակի 24-րդ տարեդարձին:

Այսօր տեղի ունեցավ Երեխաների իրավունքներին և մասնակցությանը նվիրված ազգային պատանեկան համաժողովը, որը նպատակ ուներ մշակել և խմբավորել երեխաների առաջարկություններն իրենց մասնակցության և իրավունքների պաշտպանության վերաբերյալ` դրանք հետագայում ազգային օրենսդիր և գործադիր մարմիններին ներկայացնելու նպատակով:

–Ես ողջունում եմ «Բարգավաճ Հայաստան» խմբակցության այն պատգամավորների տեսակետը և այն պատգամավորներին, ովքեր վաղը կո՛ղմ են քվեարկելու։ Կոչ եմ անում անկախ պատգամավորներին միանալ այս նախաձեռնությանը։ Դիմում եմ Հանրապետական խմբակցությանը՝ ձեր մեջ կամք, ուժ գտե՛ք և կո՛ղմ քվեարկեք այս նախաձեռնությանը։ Դիմում եմ ՕԵկ–ին, չնայած այդ խմբակցությունից մարդ չկա հիմա դահլիճում։

Այնուամենայնիվ, բոլորս պիտի կողմնորոշվենք՝ ուզո°ւմ ենք ունենալ ժողովրդավարական երկիր, թե° դա զուտ սահմանադրական ամրագրում է, և դրա թիկունքում արևելյան տիպի կլանային երկիր ենք կառուցում: