Ոստիկանապետի փոփոխությունը ՀՀ նախագահի իրավասությունների շրջանակում է, քանի որ այդ պաշտոնը քաղաքական պաշտոն չէ: Ինչ վերաբերում է ԱԺ նախագահի հրաժարականին, ապա ՀՀԿ-ի պաշտոնական մեկնաբանությունից պարզ է, որ դա ներկուսակցական վերադասավորումների արդյունք է 2012թ. խորհրդարանական ընտրություններին ընդառաջ։

«Պետք չէ ֆետիշացնենք այս հարցը, քանի ԱԺ ընտրություններին մնացել է 5 ամիս. մայիսի 6–ին լինելու են խորհրդարանական ընտրություններ»,–ընդգծել է Հ. Աբրահամյանը։

Դիտորդների խումբը դատապարտում է նման գործելաոճը, որը հանգեցնում է մարդու իրավունքների կոպիտ խախտման:

«Today’s Zaman»-ի հետ հարցազրույցում ԵԱՀԿ գլխավոր քարտուղար Լամբերտո Զեննիյերը հայտարարել է, թե Թուրքիան իրական մասնակցություն (ոչ թե բանակցություններին ֆորմալ դերակատարություն) պետք է ցուցաբերի ղարաբաղյան հակամարտության կարգավորման գործընթացում` նշելով նաև, որ հարցի լուծման գործում «ինչ-որ բան պակասում է» և կարգավորումը ԵԱՀԿ-ի «մենաշնորհը չէ»:

ՀՀ պաշտպանության նախարար Սեյրան Օհանյանը նոյեմբերի 2-ին Բյուրեղավան քաղաքի` Սամվել Վարդանյանի անվան ավագ դպրոցում մասնակցել է զոհված ազատամարտիկ, «Արցախ» գնդի հրամանատար Սամվել Վարդանյանի ծննդյան 60-ամյա հոբելյանի և կիսանդրու բացման հանդիսավոր արարողությունը:

Նոյեմբերի 2-ին, ժամը 07.40-ին, ոստիկանության Գուգարքի բաժնում հաղորդում է ստացվել, որ մահացած վիճակում` շնչափողի կտրած վերքով և ճակատի վերքերով, Դարբաս գյուղից Վանաձորի հիվանդանոց է տեղափոխվել 60-ամյա Վահան Աբրահամյանը:

Նախագահ Սերժ Սարգսյանի հրամանագրով Նելլի Բաղդասարյանը նշանակվել է Երևան քաղաքի Շենգավիթ վարչա­կան շրջա­նի ընդհանուր իրավասության դատարանի դա­տա­­վոր, Ռոբերտ Պապոյանը՝ Արարատի և Վայոց ձորի մարզերի ընդ­հա­նուր իրավասության դատարանի դա­տա­­վոր, Արշակ Վարդանյանը՝ Երևան քաղաքի Կենտ­րոն և Նորք-Մա­րաշ վարչական շրջանների ընդհանուր իրավասության դատա­րանի դատավոր:

Ինչպես հայտնում է գործակալությունը, սա ՄԱԿ–ի գլխավոր քարտուղարի առաջին այցն է Լիբիա երկրում տեղի ունեցած արյունալի բախումներից ի վեր։ Այցի նպատակների և տևողության մասին չի հաղորդվում։

Հունաստանի խորհրդարանական ընդդիմության առաջնորդ Անտոնիս Սամարասը իշխանությունների հասցեին խիստ քննադատական հայտարարությամբ է հանդես եկել ու պահանջել կառավարության անվերապահ հրաժարականը։

Հարցին, թե հիամ ի՞նչ՝ Ալիկ Սարգսյանի էնտուզիազմն ու ջիղերը նվազե՞լ են՝ Հովհաննես Սահակյանը պատասխանել է, թե ինքը չի ցանկանում որևիցե մեիկին, առավել ևս Ալիկ Սարգսյանին վիրավորել։

Հովիկ Աբրահամյանն ընդգծել է, որ հիմա իրենց գերխնդիրը ապագա ընտրություններն ազատ և թափանցիկ անցկացնելն է, իսկ այդ ընտրություններից հետո, ինչպես նա է վստահեցրել, հաստատ նորմալ, լավ և ԱԺ նախագահից ոչ պակաս պաշտոն կունենա։ Հարցին, թե հնարավո՞ր է վարչապետի պաշտոնի մասին է խոսքը, Հ. Աբրահամյանը պատասխանել է, որ ոչ մի բան չի ուզում բացառել։

Վաղը Հունաստանում մեկնարկում է շախմատի Եվրոպայի թիմային առաջնությունը։ Տղամարդկանց առաջնությանը մասնակցելու է 38 հավաքական, որոնց մեջ Հայաստանն իր վարկանիշով 4–րդն է (2716)։ Առաջնության ամենաբարձր վարկանիշն ունի Ռուսաստանը (2758), որին հաջորդում են Ուկրաինան (2729) և Ադրբեջանը (2727)։ Լավագույն տասնյակում են նաև Հունգարիան, Ֆրանսիան, Բուլղարիան, Անգլիան, Հոլանդիան և Գերմանիան։

Իրանի Իսլամական Հանրապետության զինված ուժերի գլխավոր շտաբի պետ Հասան Ֆիրուզաբադին սպառնացել է Իսրայելին, ինչպես նաև ԱՄՆ–ին՝ զգուշացնելով, որ վերջիններս «շատ թանկ գին կվճարեն» Իրանի վրա հարձակվելու դեպքում։

Կոտայքի մարզպետ Կովալենկո Շահգելդյանը լրագրողների հետ զրույցում անդրադառնալով օրերս մամուլում շրջանառվող այն տեղեկություններին՝ ըստ որի ԲՀԿ նախագահ Գագիկ Ծառուկյանի փեսան՝ Աբովյանի քաղաքապետ Կարապետ Գուլոյանը, շուտով Կովալենկո Շահգելդյանին այդ պաշտոնում կփոխարինի՝ ասել է, թե այդպիսի խնդիր չկա դրված։ Հարցին, թե առաջիկայում է՞լ վտանգ չեք տեսնում՝ նա պատասխանել, թե համայանքի ղեկավարին ընտրում են ավագանու միջոցով։

Նախագահ Սերժ Սարգսյանն այսօր ընդունել է Եվրոպական խորհրդարանի պատվիրակության անդամներին` պատվիրակության ղեկավար, ՀՀ-ԵՄ խորհրդարանական համագործակցության հանձնաժողովի համանախագահ Միլան Ցաբրնոխի գլխավորությամբ:

Օրերս ՊԵԿ մաքսանենգության դեմ պայքարի և կրկնակի մաքսային հսկողության վարչության աշխատակիցները մաքսային կանոնների խախտման մի շարք դեպքեր են բացահայտել:

Իսրայելի խորհրդարանի նախագահ Ռեուվեն Ռիվլինը հայտարարել է, որ ցանկանում է Կնեսետում Հայոց ցեղասպանությանը նվիրված լիագումար նիստ հրավիրել։Նա հավելել է, որ որքան էլ դիվանագիտական նկատառումները կարևոր լինեն, դրանք չպետք է խանգարեն Հայոց ցեղասպանության ճանաչման գործին։

Լոնդոնի բարձրագույն դատարանը վճիռ է կայացրել «Վիկիլիքսի» հիմնադիր Ջուլիան Ասանջին հանձնել Շվեդիային, որտեղ նրան մեղադրում են սեռական հանցագործությունների համար։ Այս մասին, ինչպես տեղեկացնում է «Gazeta.ru»–ն, հաղորդում է «Ռոյթերս» գործակալությունը։