Հայաստանում աշխատավորների իրավունքների պաշտպանությունը գտնվում է խայտառակ վիճակում:

Արցախյան պատերազմի մասնակից, ՀՀ ազգային հերոս Թաթուլը հաճախ էր կրկնում, թե Գետաշենը կդատարկվի միայն իր դիակի վրայով: Վերջին անգամ Երևանում գտնված ժամանակ Թաթուլն ասել է. –Գիտեմ, որ Երևան այլևս չեմ գա, ինձ կբերեն...

Քադաֆին հայտարարել է, թե լիբիական իշխանությունները պատրաստ են բանակցությունների, բայց դա չի կարող միակողմանի լինել։ Նա ընդգծել է, որ ՆԱՏՕ–ի գործողությունները դուրս են եկել ՄԱԿ–ի մանդատի շրջանակներից և Ռուսաստանին, Չինաստանինին, աֆրիկյան և լատինամերիկյան բարեկամ երկրներին կոչ է արել ճնշում գործադրել ՄԱԿ–ի Անվտանգության խորհրդի վրա, որպեսզի նա վերանայի Լիբիայի մասին բանաձևը։

Ռուսաստանից բացի՝ բանաձևին դեմ են քվեարկել մասնավորապես Չինաստանը, Կուբան, Էկվադորը։ Նրանք հայտարարել են, թե այդ բանաձևի ընդունումը վկայում է այն մասին, որ ՄԱԿ–ի մարդու իրավունքների խորհրդում երկակի չափորոշիչներ են գործում։

Տնտեսվարողները որպես կանոն բողոքարկում են ՀՀ ՏՄՊՊՀ կայացրած որոշումները, այդ իսկ պատճառով այսօր դատական ատյաններում Հանձնաժողովի որոշումներն անվավեր ճանաչելու պահանջով տասյնակ հայցեր կան: Այսպես, 2010-ից մինչ այսօր դատարաններում քննարկվել են Հանձնաժողովի 38 որոշումների իրավաչափության հարցը: Տեղեկացնենք, որ նշված դեպքերից և ոչ մեկի մասով Հանձնաժողովը որևէ դատական գործ չի պարտվել: Թվով 14 գործի մասով կայացվել է վճիռ՝ հօգուտ Հանձնաժողովի, մնացած 24 դեպքերում դատական գործընթացը դեռևս շարունակվում է: Այսպիսով, նշված ժամանակահատվածում դատական կարգով քննված բոլոր գործերի դեպքում Հանձնաժողովի կայացրած որոշումները մնացել են անփոփոխ, այսինքն, որևէ անգամ Հանձնաժողովի կայացված որոշումները դատական կարգով անվավեր չեն ճանաչվել: Հարկ ենք համարում անդրադառնալ նաև մամուլում շրջանառվող այն տեղեկություններին, իբրև «Լուսակերտի թռչնաբուծական ֆաբրիկան» նախորդ տարի բողոքարկել է Հանձնաժողովի որոշումը, և դատարանը վճիռ է կայացրել ընկերության օգտին: Նշենք, որ խոսքը վերաբերում է Հանձնաժողովի այն որոշմանը, ըստ որի ընկերության հանդեպ անբարեխիղճ մրցակցության գործողության (ընկերությունը շուկա էր հանել առանց մակնշման հավկիթներ), և Հանձնաժողովի որոշումը չկատարելու համար կիրառվել էր 5 միլիոն դրամ տուգանք: Տեղեկացնենք, որ ընկերությունն իսկապես բողոքարկել է Հանձնաժողովի որոշումը, սակայն այդ գործով դատարանը քննարկման առարկա է դարձրել տեխնիկական և ընթացակարգային բնույթի հարցեր, որոնցով ոչ մի կերպ չի հերքվում տնտեսվարող սուբյեկտի կողմից օրենսդրության խախտումների փաստը: Հանձնաժողովը սահմանված կարգով բողոքարկել է դատարանի վճիռը, ուստի տնտեսվարողի այն հայտարարությունները, որ Հանձնաժողովը դատարանում պարտվել է, անհիմն են, քանի որ դատական գործընթացը դեռևս շարունակվում է:

Սիրիայում երեկ տեղի ունեցած բողոքի գործողության հետևանքով ամենաքիչը 42 մարդ է զոհվել։ Նրանց մեծ մասը զոհվել է կառավարական զորքերի կողմից շրջափակված Դերաա քաղաքում, որը գտնվում է երկրի հարավ–արևմուտքում։

Բաքվում ԱՄՆ դեսպան, ԵԱՀԿ Մինսկի խմբի նախկին համանախագահ Մեթյու Բրայզան հայատարարել է, թե ղարաբաղյան հակամարտության կարգավորման բանակցային գործընթացում առաջընթաց է զգացվում։

Անկարայի «Արենա» մարզապալատում ավարտվեց «World Children’s Games» փառատոնի ծրագրով ձյուդոյի մրցումների երկրորդ օրը: Մեր դեռահասների հավաքական թիմը բավարարվեց երկուական արծաթե և մեկ բրոնզե մեդալներով:

Արցախի ՊԲ. «Վերջին շրջանում Ադրբեջանի զինված ուժերի կողմից շփման գծի ողջ երկարությամբ ծավալած նախահարձակ գործողությունները, որոնք հիմնականում իրականացվում են դիպուկահար զինատեսակներից, մեկ անգամ ևս փաստում են այն իրողությունը, որ պաշտոնական Բաքուն ոչ միայն չի կատարում միջազգային տարբեր մակարդակներում տեղի ունեցած բանակցություններում ձեռք բերված հրադադարի ռեժիմի պահպանման պահանջները, այլև առավել լկտի ու սանձարձակ բնույթ է հաղորդել իր ագրեսիվ ձեռնարկումներին»:

Հայաստանի Հանրապետությունում ս.թ. ապրիլի 29-ի դրությամբ ՀՀ ֆինանսների նախարարության կողմից տրված որակավորման վկայական ունի թվով 182 աուդիտոր:

Ռուսաստանում հունիսի 1–ից կբարձրանան ավիատոմսերի գները, քանի որ ռուսական մի շարք փոխադրող ընկերություններ կսկսեն վառելիք կուտակել:

Հովիկ Աբրահամյանը Սասուն Միքայելյանին ազատելու համար դիմել է Սերժ Սարգսյանին:

Ինչպես հաղորդում է «ՌԻԱ նովոստի»–ն՝ Մուամար Քադաֆիի ուժերը մեծամածավալ հարձակում են սկսել «Դեհիբատ» հսկիչ անցագրային կետի վրա։ Հինգշաբթի օրվա երկրորդ կեսին լիբիացի ապստամբների ջոկատները հակառավարական զորքերից հետ են վերցրել այդ անցակետը, որն ավելի վաղ իրենց վերահսկողության տակ էին առել։

Հռչակագրով վերահաստատվում է Հայաստանի Հանրապետության հստակ հանձնառությունը շարունակելու բարեփոխումների գործընթացը և ընդգծվում Եվրոպական Հանձնաժողովի պատրաստակամությունը՝ տրամադրելու ավելի մեծ աջակցություն բարեփոխումների իրականացման համար, ներառյալ բյուջետային աջակցության և Հայաստանի Հանրապետության կառավարության և Եվրոպական Հանձնաժողովի միջև համաձայնեցված` Պետական կառավարման մարմինների զարգացման համապարփակ ծրագրի միջոցով:

Ըստ ՀՀ ոստիկանության օպերատիվ հաղորդագրությունների ամփոփագրերի` ապրիլի 28-ից 29-ը հանրապետությունում արձանագրվել է ավազակային հարձակման 3 դեպք, որից բացահայտվել է 1-ը:

«Ֆեյսբուք» սոցիալական ցանցում նախաձեռնություն է սկսվել, որի միջոցով կոչ է արվում օգնել սոցիալապես անապահով վիճակում գտնվող Կոտայքի մարզի Արտավազ գյուղի բնակչուհի Ալինա Վարդանյանին և նրա երեխաներին։ Ալինա Վարդանյանն ամուսնու մահից հետո արդեն 14 տարի միայնակ է հոգում 3 անչափահաս երեխաների հոգսերը:

Ըստ որոշ տեղեկությունների՝ Գյումրիի հիվանդանոցներից մեծ թվով բժիշկներ դիմում են Ռուսաստանի Դաշնության «Հայրենակիցներ» ծրագրին՝ Հայաստանից մեկնելու և Ռուսաստանում մշտական բնակություն հաստատելու համար: Հիմնական պատճառը բժիշկներին վճարվող չնչին աշխատավարձներն են, որոնք նրանց հնարավորություն չեն տալիս արժանավայել կյանքով ապրել: Այս տեղեկությունները չեն հերքել նաև Գյումրիի հիվանդանոցներից, սակայն նշվում է, որ բժիշկների արտագաղթը դեռևս աղետալի չափերի չի հասել:

Ներմուծված մարդատար տրանսպորտային միջոցների մաքսային ձևակերպում­ներին աջակցելու նպատակով 1516 ՀՀ քաղաքացիներին տրամադրված շուրջ 935 մլն դրամ ընդհա­նուր գումարով արտոնյալ վարկերից 21 մլն 841 հազար դրամ արդեն իսկ վերադարձվել է պետական բյուջե: