Նոյեմբերի լույս 18-ի գիշերը Գեղարքունիքի մարզի Ճամբարակի զորամասում հրազենային վիրավորումից մահացել է ժամկետային զինծառայող Ռոբերտ Ավետիսյանը:Պաշտպանության նախարարության քննչական ծառայության փոխանցմամբ՝ դեպքի առիթով հարուցվել է քրեական գործ: Առայժմ չի հաղորդվում, թե Քրեական օրենսգրքի ո՞ր հոդվածի հատկանիշներով է գործը հարուցված, և կա՞ն արդյոք կասկածյալներ ու ձերբակալվածներ: Ռոբերտ Ավետիսյանը 23 տարեկան էր։

Շտեֆան Ֆյուլեն կարևորել է սոցիալական շփումները ԵՄ և այն երկրների քաղաքացիների միջև, որոնց վրա տարածվում է «Արևելյան գործընկերության» քաղաքականությունը՝ Հայաստանի, Ադրբեջանի, Բելառուսի, Վրաստանի, Մոլդովայի և Ուկրաինայի։ «Հավատացած եմ՝ մենք կկարողանանք վերացնել Եվրոպայում մարդկանց ազատ տեղաշարժման արգելքները, սակայն դրա համար մեր գործընկերները պետք է իրենց երկրներում անվտանգության համապատասխան մակարդակ ապահովեն»-նշել է նա։

ԱՄՆ Պետքարտուղարության պաշտոնական ներկայացուցիչ Մարկ Թոները լրագրողների հետ հանդիպման ժամանակ պատասխանելով վերջին ժամանակաշրջանում ղարաբաղյան հակամարտության հռետորաբանության աշխուժացմանն առնչվող հարցին, մասնավորապես՝ Հայաստանի և հատկապես Ադրբեջանի նախագահների հայտարարություններին, կողմերին զսպվածության կոչ է արել։