Գյումրեցի շատ մասնագետների համար օտարալեզու դպրոցներին վերաբերող օրինագիծը շարունակում է մնալ մերժելի: «Մտավախությունն այն է , որ կարող է մեկ դպրոցի բացումն անգամ վատ նախադեպ դառնալ, հետո առաջ կգա շերտավորում։ Բնական է, որ այստեղ կսովորեն ավելի ապահովվածները, հայոց լեզուն ու հայոց դպրոցը կդառնա ստորին խավի պահանջմունքները բավարարող հաղորդակցության միջոց ու կունենանք օտարալեզու էլիտա, ովքեր կմտածեն ու կխոսեն օտար լեզվով, ինչպես մի ժամանակ ռուսերենն էր »,- ասել է հայոց լեզվի մասնագետ Ն. Սիմոնյանը:

ՍԴՀԿ ատենապետ. «Լևոն Տեր-Պետրոսյանն ուղիղ ասաց, որ մենք գնալու ենք արտահերթ նախագահական ընտրությունների։ Կարծում եմ՝ դա շատ իրատեսական մոտեցում է։ Արտահերթ ընտրություններն անխուսափելի են»։ Նույն ակումբում բանավեճի հրավիրված Սահմանադրական իրավունք միություն կուսակցության նախագահ Հայկ Բաբուխանյանը նույնպես գնահատական է տվել ՀԱԿ առաջնորդի ելույթին ...

ՍԴՀԿ ատենապետ Լյուդմիլա Սարգսյանն ասել է, թե արտահերթ ընտրություններն իրենց կարևորագույն խնդիրներից մեկն են. «Որովհետև պրակտիկան և մեր անկախ Հայաստանի 20-ամյա պատմությունը ցույց են տալիս, որ ընտրությունների միջոցով իշխանություն չի ձևավորվում»։ Հարցին, թե 20-ամյա պատմություն ասելով՝ ինքը նկատի ունի նաև Լևոն Տեր-Պետրոսյանի իշխանություն եղած տարինե՞րը, տիկին Սարգսյանը պատասխանել է. «Անկախությունից ի վեր ասելով՝ ես նկատի չունեի ամբողջ ժամանակաշրջանը։ Խոսենք 96թ.-ից հետո։ 96-ի ընտրություններին ես չեմ մասնակցել...»։