Ս.թ. հոկտեմբերի 3-ին, ժամը 19:00-ի սահմաններում, N զորամասի զորանոցի նկուղում հայտնաբերվել է նույն զորամասի ժամկետային զինծառայող, շարքային Սամվել Գևորգի Խաչատրյանի (ծնվ. 1992թ., Արտաշատի զինկոմիսարիատ) դին՝ կախված վիճակում: Սեպտեմբերի 13-ից շարքային Սամվել Խաչատրյանը ստորաբաժանման կազմում մասնակցում էր ճամբարային հավաքների: Կատարվում է հետաքննություն: Դեպքի մանրամասների մասին կհաղորդվի առաջիկայում:

Սերժ Սարգսյանն այսօր հրամանագիր է ստորագրել Դավիթ Տոնոյանին Հայաստանի Հանրապետության պաշտպանության նախարարի առաջին տեղակալ նշանակելու մասին: Մեկ այլ հրամանագրով, Սերժ Սարգսյանը գեներալ-մայոր Վլադիմիր Գասպարյանին նշանակել է Հայաստանի Հանրապետության պաշտպանության նախարարի տեղակալ' ազատելով նրան Հայաստանի Հանրապետության պաշտպանության նախարարության ռազմական ոստիկանության պետի պաշտոնից:

Դեկտեմբերի 13-ին ՄԱԿ-ի Գլխավոր վեհաժողովում քննարկվելու է ԼՂՀ վերաբերյալ Ադրբեջանի ներկայացրած բանաձևը։ ՄԱԿ-ի 65-րդ նստաշրջանի շրջանակներում քննարկվելու են նաև ՎՈՒԱՄ-ի տարածաշրջանում ձգձգվող հակամարտությունների հարցերը։ Այս մասին տեղեկացնում է «APA» գործակալությունը։ Հիշեցնենք, որ Սեպտեմբերի 9-ին ՄԱԿ-ի Գլխավոր ասամբլեայում Ադրբեջանն իր ներկայացրած թիվ A/64/L.57 բանաձևի նախագիծը հանեց քննարկումից և քվեարկությունից։