ՀՀ նախագահ Սերժ Սարգսյանը «Euronews»-ին տված հարցազրույցում մասնավորապես ասել է. «Օգտվելով առիթից՝ ես հեռուստաեթերից կոչ եմ անում Ադրբեջանին ստորագրել ուժ չկիրառելու վերաբերյալ համաձայնագիր։ Դրանից հետո կարելի է աշխատել առանձին կետերի վրա...»։

Առաջիկա գիշերը ջերմաստիճանը դեռ կլինի 0-ին մոտ, Երևանում 0-2 աստիճան ցուրտ: «Այնուհետև սպասվում է ջերմաստիճանի աստիճանական բարձրացում մոտավորապես 6-ից 8 աստիճանով»,–այս մասին «7օր»-ին տեղեկացրել են Հայաստանի հիդրոօդերևութաբանության և մոնիտորինգի պետական ծառայության Օդերևութաբանական կանխատեսումների բաժնից։

Ըստ ֆինանսական չարաշահումների դեմ պայքարի միջազգային կազմակերպության(FATF) տարածած հաղորդագրության, Բաքուն պարտավորվել է «պատշաճ կերպով օրենքից դուրս համարել» հանցագործ ճանապարհով ձեռք բերված եկամուտների լվացումն ու ահաբեկչության ֆինանսավորումը, լրացնել այն բացերը, որոնք խանգարում են մաքսային վերահսկողությանը։