Հանդես գալով իշխող «Արդարություն և զարգացում» կուսակցության ժողովից հետո` Թուրքիայի վարչապետ Ռ. Թ. Էրդողանը հայտարարել է, որ իրենք չեն վավերացնի Ցյուրիխում ստորագրված հայ-թուրքական արձանագրությունները, քանի դեռ հայկական զորքերը դուրս չեն բերվել Ադրբեջանի «գրավյալ» տարածքներից։

Քիչ առաջ Ցյուրիխում ստորագրվեցին հայ–թուրքական նախաստորագրված արձանագրությունները։ Ըստ դեռևս չճշտված տեղեկությունների՝ ստորագրման հետաձգումը տեղի էր ունեցել այն բանից հետո, երբ թուրքական կողմը պահանջել էր արձանագրություններում ներառել նաև ղարաբաղյան հակամարտության խնդրի արագ կարգավորման կետը։

Արձանագրությունների տակ իրենց ստորագրությունն են դնելու ՀՀ ԱԳ նախարար Էդվարդ Նալբանդյանը և Թուրքիայի ԱԳ նախարար Ահմեդ Դավութօղլուն։ Ստորագրման արարաղությանը մասնակցելու են Շվեյցարիայի Դաշնային խորհրդական Միշլին Կալմի-Ռեյը, ԱՄՆ պետքարտուղար Հիլարի Քլինթոնը, Ռուսաստանի Դաշնության ԱԳ նախարար Սերգեյ Լավրովը, Ֆրանսիայի ԱԳ նախարար Բերնար Քուշները, Եվրոպայի խորհրդի նախարարների հանձնաժողովի նախագահ Սամուել Զբոգարը և այլոք։