Ապրիլի 8-ին տեղի է ունեցել 52 շաբաթ մարման ժամկետով պետական (գանձապետական) կարճաժամկետ AMGT52074141 թողարկման պարտատոմսերի տեղաբաշխման աճուրդ:

Հայաստանի պետական երիտասարդական նվագախումբն ապրիլի 5-ին ամփոփել է փողային և հարվածային գործիքների երաժիշտների թափուր աշխատատեղերի համալրման նպատակով հայտարարված մրցույթի արդյունքները։

Ապրիլի 8-ին ժամը 16.05-ին տեղեկատվություն է ստացվել, որ Շիրակի մարզի Գյումրի քաղաքի Օզանյան փողոցում հայտնաբերվել է զինամթերք:

Ատոմային էներգիայի միջազգային գործակալությունը (ԱԷՄԳ), Հայաստանի ատոմային էլեկտրակայանի (ՀԱԷԿ) սեյսմիկ անվտանգության բարձրացման նպատակով, տեխնիկական համագործակցության ազգային ծրագրի շրջանակներում տրամադրել է 6 նորագույն GURALP 6TD լայնատիրույթ սեյսմիկ կայաններ` ՀԱԷԿ-ի շուրջ տեղադրված և գործող հեռաչափական սեյսմիկ ցանցը արդիականացնելու համար:

Ապրիլի 7-ին, ժամը 18.30-ին, անհայտ մակնիշի ավտոմեքենայի վարորդը Նոր Խարբերդից դեպի Այնթապ գյուղի տանող ճանապարհին վրաերթի է ենթարկել 15-ամյա աղջկա, պատճառել մարմնական վնասվածքներ և դիմել փախուստի:

Իսկ այս պահին տեղեկացնում ենք, որ նախկին պատգամավորի առողջական վիճակը կայուն է: Գիտակցության է եկել և այժմ գտնվում է դեղորայքային կոմայի մեջ:

Նախագահ Սերժ Սարգսյանն այսօր ընդունել է Հանրային դիվանագիտության հարցերով ՆԱՏՕ-ի գլխավոր քարտուղարի տեղակալ, դեսպան Կոլինդա Գրաբար-Կիտարովիչին, ով Հայաստան է ժամանել ՀՀ նախագահի պաշտոնն ստանձնելու հանդիսավոր արարողությանը մասնակցելու առիթով, այս մասին տեղեկացնում է նախագահական գրասենյակի մամուլի ծառայությունը:

Հայաստան-Կանզաս նահանգային գործընկերության ծրագրի 10-ամյակին նվիրված` 2013թ. ապրիլի 3-ին ԱՄՆ-ի Կանզաս նահանգի Սենատի կողմից միաձայն ընդունվել է բանաձև: Բանաձևում բարձր գնահատանքի է արժանացել վերջին տասը տարիների ընթացքում Հայաստանի զինված ուժերի և Կանզասի ազգային գվարդիայի միջև համագործակցությունը, ինչպես նաև այդ համագործակցության զարգացմանն ուղղված ՀՀ քաղաքական և զինվորական ղեկավարության ջանքերը:

Ապրիլի 8-ին արտգործնախարար Էդվարդ Նալբանդյանն ընդունեց Լեհաստանի փոխարտգործնախարար Կատարժինա Պելչինսկա-Նալեչին։

Սիվիլիթաս հիմնադրամի հիմնադիր Վարդան Օսկանյանը Սիվիլիթաս հիմնադրամին առչնվող ՀՀ ԿԱ ԱԱԾ քննչական վարույթում քննվող քրեական գործի շրջանակում հրավիրվել է ԱԱԾ (իր համար նախընտրելի օրն ու ժամը նախապես քննիչների հետ համաձայնեցնելու առաջարկությամբ):

ՀՀ ֆինանսների նախարարության «Թանկարժեք մետաղների և թանկարժեք քարերի պետական գանձարան» գործակալության կողմից 08.04.13թ.-14.04.13թ.-ի համար սահմանվել են թանկարժեք մետաղների մեկ գրամ քիմիապես մաքուր մետաղի (պետական ստանդարտ ձուլակտորի համար) պետական գնման և բացթողնման հետևյալ գները` արտահայտված ՀՀ դրամով...

«Բարգավաճ Հայաստան» կուսակցության առաջնորդ Գագիկ Ծառուկյանը չի մասնակցի Հայաստանի նախագահ Սերժ Սարգսյանի երդմնակալության արարողությանը: Այդ մասին «zham.am»-ին փոխանցել է նրա խոսնակ Իվետա Տոնոյանը։

Աշխատանքային այցով Թուրքիայում գտնվող Վրաստանի նախագահ Միխայիլ Սահակաշվիլին հեծանիվից ընկնելու պատճառով կոտրել է ձեռքը: Տեղի լրատվամիջոցների փոխանցմամբ՝ դեպքը տեղի է ունեցել Անթալիայում հեծանիվով զբոսնելու ժամանակ։ Սահակաշվիլին տեղափոխվել է Ստամբուլի հիվանդանոց:

Միջազգային լրատվամիջոցները հայտնում են, որ 87 տարեկան հասակում մահացել է Մեծ Բրիտանիայի նախկին վարչապետ Մարգարետ Թեթչերը։ Նրան նաև «Երկաթե լեդի» էին անվանում:

Կահիրեի սուրբ Մարկոսի տաճարի դիմաց բախումներ են տեղի ունեցել քրիստոնյաների և մահմեդականների միջև, որոնց հետևանքով շուրջ մեկ տասնյակից ավելի մարդ զոհվել և վիրավորվել է:

«Երկրում արդարության հաստատմանը, քաղաքացու ազատ ապրելուն, աշխատելուն և արարելուն ուղղված խոչընդոտները, ահագնացող աղքատությունն ու սոցիալական բևեռացումը, սպառնալի ծավալների հասնող արտագաղթը, բավարար վստահություն չներշնչող ընտրական և միահեծան նախագահական համակարգերը խարխլում են ապագայի նկատմամբ հավատն ու վստահությունը, ջլատում ազգային միասնությունը և թուլացնում հայոց պետականությունը»։

Հանձնաժողովի նախագահ Արտակ Շաբոյանին իր հարցով «Կարֆուրի» թեմայից խոսելու հնարավորություն է տվել ՀՀԿ պատգամավոր, Սերժ Սարգսյանի մամուլի նախկին խոսնակ Սամվել Ֆարմանյանը։ Վերջինը հարցրել է, թե ՀՀ–ի շուկա «Կարֆուր» խանութների ցանցի մուտքի համար ինչո՞ւ են խոչընդոտներ եղել։ Շաբոյանն էլ պատասխանել է, թե «Կարֆուր»–ի ներկայացուցիչներին բոլոր հնարավոր միջոցներով բազմիցս հրավիրել են քննարկման, բայց ոչ մի արձագանք չեն ստացել:

«Ժառանգություն» կուսակցության նախագահ Րաֆֆի Հովհաննիսյանը ապրիլի 9–ին չի կարող գնալ Սերժ Սարգսյանի երդմնակալության արարողությանը, որովհետև նրան հրավեր չի ուղարկվել։ Այսօր խորհրդարանում լրագրողների հետ ճեպազրույցի ժամանակ ՀՀ ԱԺ նախագահ Հովիկ Աբրահամյանը տեղեկացրել է, որ ՀՀԿ–ն Րաֆֆի Հովհաննիսյանին չի հրավիրել ԱԺ հատուկ նիստին, որովհետև նա հայտարարում է, թե հենց ինքն է ընտրվել նախագահ: