Նախագահ Սերժ Սարգսյանն այսօր ընդունել է Եվրոպական խորհրդի նախագահ Հերման վան Ռոմպոյին: Բանակցությունների արդյունքները Հայաստանի նախագահը և Եվրոպական խորհրդի նախագահն ամփոփել են զանգվածային լրատվամիջոցների ներկայացուցիչների հետ հանդիպման ժամանակ:

Նշենք, որ Դեմիրբաշի դեմ օրեր առաջ էլ հետաքննություն էր սկսել Դիարբեքիրի նահանգապետարանը՝ կապված Սուրի քաղաքապետի կողմից հայերենի եռամսյա դասընթացներ կազմակերպելու հետ:Ավելացնենք, որ Աբդուլլահ Դեմիրբաշը թուրքերենով և հայերենով հրատարակել է հայկական մի շարք հեքիաթներ, այդ թվում Թումանյանի «Մի կաթիլ մեղրը»։ Դեմիրբաշի նախաձեռնությամբ Դիարբեքիրը ներկայացնող զբոսաշրջիկների ուղեցույցը տպագրվել է նաև հայերենով։

Հուլիսի 3-ին, ժամը 10.30-ին, Աղավնաձոր գյուղի Առողջության կենտրոնից ոստիկանության Եղեգնաձորի բաժնում ահազանգ է ստացվել, որ Աղավնաձոր գյուղում սպանություն է կատարվել:

Այս կապակցությամբ Սոցիալական Արդարության կուսակցությունը դիմում է ընտրության իրավունք ունեցող բոլոր քաղաքացիներին՝ հորդորելով առավելագույնս ակտիվ մասնակցություն ցուցաբերել ԼՂՀ նախագահի թեկնածուների նախըտրական արշավներին՝ արցախցի ընտրողի բարձր գիտակցությունը և նրա անկոտրում կամքը ցուցադրելու նպատակով:

Հարգելի նախագահ, խնդրում ենք, մի թողեք այս ամենն ինքնահոսի եւ թույլ մի տվեք որ քաղաքը դատարկվի:

Ռուբեն Մելքոնյան. «Այս ամենն ունի դավանանքային բնույթ։ Այստեղ ոչ թե թուրքերն ու արաբներն են պայքարում, այլ սունիներն ու շիաները, և Թուրքիան բացահայտ պաշտպանում է սիրիական ապստամբներին, ովքեր սունիներ են և պայքարում են շիական, այսինքն ալևիական դավանանքի կրող Ասադի վարչակարգի դեմ»։

ՀՀ կենտրոնական ընտրական հանձնաժողովի վարչական շենքում այսօր՝ ժամը 15:00-ին, կգումարվի հանձնաժողովի հերթական նիստ:

ՀՀ ոստիկանությունից պարզաբանում են, որ հուլիսի 3-ին «Ժողովուրդ» օրաթերթի թիվ 115 համարում տպագրված «Հայրապետյանի տղաները էլի ծեծել են» վերտառությամբ հոդվածի վերաբերյալ ոստիկանության Նոր Նորքի բաժնի ծառայողների ձեռնարկած միջոցառումների շնորհիվ պարզվել է հրապարակման մեջ նշված անձանց ինքնությունը

Այսօր ԱԺ-ի դարպասների մոտ բողոքի գործողություն էր կազմակերպվել, որի մասնակիցները պահանջում էին «Հարսնաքար» ռեստորանում տեղի ունեցած միջադեպի համար պատասխանատվության կանչել պատգամավորական մանդատից հրաժարված Ռուբեն Հայրապետյանին։

Կառավարության այսօրվա նիստում գործադիրը ուժը կորցրած ճանաչեց իր նախկին որոշումներից մեկը, որով ՀՀ ոստիկանության ծառայողների համազգեստի գույնը սահմանված էր մուգ կապույտը, իսկ ոստիկանության պետական պահպանության գլխավոր վարչության ծառայողները այլ համազգեստ էին կրում:

ՀՀ էկոնոմիկայի նախարարության զբոսաշրջության և տնտեսական զարգացման վարչության պետ Մեխակ Ապրեսյանն այսօրվա ասուլիսին հայտնել է, որ դինամիկան ցույց է տալիս, թե ներքին զբոսաշրջությունը միջինը տարեկան 20 տոկոսով աճում է:

Ջավախքահայության իրավունքների պաշտպանության համակարգող խորհուրդը դատապարտում է վրաց իշխանությունների կողմից Ջավախքում նախաձեռնած քաղաքական հալածանքների նոր ալիքը և, մասնավորապես, Վրաստանի խորհրդարանի նախկին անդամ Մելիք Ռաիսյանի և նրա կողմնակիցների նկատմամբ ակնհայտ քաղաքական դրդապատճառներով իրականացվող քրեական հետապնդումը։

Ամերիկայի Միացյալ Նահանգների Անկախության օրվա առթիվ Նախագահ Սերժ Սարգսյանն այսօր այցելել է Հայաստանում ԱՄՆ դեսպանատուն և շնորհավորել դեսպան Ջոն Հեֆերնին, դեսպանատան աշխատակիցներին և ի դեմս նրանց Միացյալ Նահանգների ժողովրդին՝ ԱՄՆ պետականության հռչակման և Անկախության հռչակագրի ընդունման 236-րդ տարեդարձի կապակցությամբ:

Լրագրողներին տեղափոխող ավտոբուսը կմեկնի հուլիսի 6-ին`ժամը 15.00-ին, Ալ. Թամանյանի արձանի մոտից:

ՀՅԴ, «Ժառանգություն», ՀԱԿ, ԲՀԿ ղեկավարների ստորագրությամբ պաշտոնապես հետևյալ դիմումն է փոխանցվել ԱԺ նախագահ Հ. Աբրահամյանին. «... օգտվելով Ազգային ժողովի պատգամավորների օրենքով նախատեսված լիազորություններից` առաջարկում ենք սեղմ ժամկետներում ՀՀ ԱԺ-ում կազմակերպել հանդիպում գործի քննության համար պատասխանատու իրավապահ մարմինների ղեկավարների հետ»։

–Հայաստանի քաղաքացիական հասարակությունը պետք է ակտիվություն դրսևորի երեք գործառույթներում՝ պետք է մշտադիտարկի բարեփոխումները, պահանջի հաշվետվողականություն և մասնագիտանա: Նման գործունեությունը պետք է իրականացվի երկրի կենսագործունեության բոլոր ոլորտներում։

Համաձայն «ԱԺ կանոնակարգ օրենքի»՝ Երևանի թիվ 1 ընտրատարածքից մեծամասնական ընտրակարգով Ազգային ժողովի պատագամավոր ընտրված Ռուբեն Հայրապետյանի մանդատից հրաժարվելու մասին հայտարարությունից հետո, հրաժարականի իր դիմումը պետք է գրավոր ներկայացնի ԱԺ նախագահին, որն էլ այն հրապարակում է ԱԺ առաջիկա նիստում: Քանի որ Ազգային ժողովն այժմ արձակուրդում է՝ խորհրդարանի խոսնակին Հայրապետյանի դիմումը կներկայացվի սեպտեմբերին մեկնարկելիք խորհրդարանի նստաշրջանում։

Այցի ընթացքում ՀՀ պաշտպանության նախարարը երկկողմ հանդիպումներ կունենա Ռուսաստանի Դաշնության և Բելառուսի Հանրապետության պաշտպանության նախարարների հետ: