ՀՀ կրթության և գիտության նախարար Արմեն Աշոտյանի հրամանով «Երևանի Վ. Բրյուսովի անվան պետական լեզվաբանական համալսարան» պետական ոչ առևտրային կազմակերպության ռեկտորի ժամանակավոր պաշտոնակատար է նշանակվել Գայանե Գասպարյանը՝ մինչև սահմանված կարգով ռեկտորի ընտրությունն ու նշանակումը:

Ապրիլի 24-ին, ժամը 02.00-ի սահմաններում, «ՎԱԶ-2106» մակնիշի ավտոմեքենան Դիլիջան-Իջևան ճանապարհին բախվել է «ԶԻԼ-130» մակնիշի ավտոմեքենայի:

ՀՀԿ-ն ՕԵԿ-ին արդեն հստակ բացատրել է, որ ընտրությունների ժամանակ՝ վերջին պահին, ՕԵԿ-ի համար ոչինչ անել չի պատրաստվում: Այն, որ ՀՀԿ-ն ձեռքերը լվացել է ՕԵԿ-ից, կուսակցությունում շատ ծանր են տարել: ՕԵԿ-ում գիտակցում են, որ առանց իշխանության, առանց ՀՀԿ-ի՝ առ ոչինչ են: Նույնիսկ ՕԵԿ նախագահ Արթուր Բաղդասարյանի եղբայրը՝ Արմեն Բաղդասարյանը, ով մի շարք խոշոր ձեռնարկությունների սեփականատեր է, որոշել է վաճառել դրանք և հեռանալ երկրից:

Մաշտոցի պուրակում բացվում են Թեղուտի օրեր: Միջոցառումը կմեկնարկի այսօր, կշարունակվի մինչև ապրիլի 27-ը:

Բրազիլական լրատվամիջոցները տեղեկություն էին տարածել, թե երկրում գտնվող ամերիկացի զինծառայողները ծեծի են ենթարկել մի մարմնավաճառուհու՝ նրան դուրս հրելով ընթացող մեքենայից։

Ուկրաինայի նախկին վարչապետ Յուլիա Տիմոշենկոն, ով այժմ պատիժ է կրում բանտում, հացադուլ է հայտարարել։ Տիմոշենկոյի կողմնակից պատգամավորների պնդմամբ հացադուլի պատճառը ծեծն է, որին ենթարկվել է Յուլիա Տիմոշենկոն ապրիլի 20–ին։

«Այն բանից հետո, երբ Իրանը կանգնեցնի ուրանի հարստացման աշխատանքները, նրանք վառելիքային հումք կստանան այլ երկրից, ինչը թույլ կտա Թեհրանին միջուկային էներգիան օգտագործել խաղաղ նպատակների համար»,–CNN–ին տված հարցազրույցում ասել է Իսրայելի վարչապետը։

«Օրինաց երկիր» կուսակցության համամասնական ցուցակի 18-րդ հորիզոնականում գտնվող, Մասիսի շրջանի Դաշտավան գյուղից «Բույսերի աշխարհ» արտադրական կոոպերատիվի հիմնադիր Մհեր Համբարձումյանը (Թույների Մհեր) ինքնաբացարկ է ներկայացրել։

Այսօր՝ ապրիլի 25-ին, ժ.19:00-ին ՀՅԴ-ն հրավիրում է բոլորին նախընտրական հանրահավաքի Արտաշատ քաղաքում։

ՀՀ ԱԻ նախարարությունը տեղեկացնում է, որ ապրիլի 25-ի, ժամը 09.00-ի դրությամբ ՀՀ տարածքում միջպետական ավտոճանապարհներն ու լեռնանցքներն անցանելի են:

Սիրիայի իշխանությունները զրահատեխնիկան դուրս չեն բերել բնակավայրերից, դրանով իսկ խախտելով ՄԱԿ–ի և ԱՊԼ–ի հատուկ ներկայացուցիչ Քոֆի Աննանի առաջարկած խաղաղ կարգավորման ծրագրի դրույթները։ Այս մասին հայտնում է «Ռոյթերս» գործակալությունը հղում անելով Աննանի ներկայացուցչին։

Հանդիպման ընթացքում, որին ներկա էին նաև Հայաստանի Հանրապետությունում Ռուսաստանի Դաշնության արտակարգ և լիազոր դեսպան Վյաչեսլավ Կովալենկոն և դեսպանության խորհրդական Վիկտոր Կրիվոպուսկովը, քննարկվել են տիեզերքի բնագավառում երկու երկրների միջև համագործակցության հեռանկարները:

Ռուսաստանի Լիբերալ–դեմոկրատական կուսակցության նախագահ Վլադիմիր Ժիրինովսկին Մոսկվայում մասնակցել է Հայոց ցեղասպանության զոհերի հիշատակին նվիրված արարողությանը և հայտարարել, որ Թուրքիան պետք է ստանձնի Հայոց ցեղասպանության պատասխանատվությունը և ճանաչի այն։

Քանի որ գազալցակայանների զգալի մասը պատկանում են ոչ պատահական մարդկանց, Տիգրան Սարգսյանին հորդորել են, սպասել մինչև ընտրությունների ավարտը, հետո նոր գործի անցնել, իսկ նոր դիսպենսորների ներկրման գործում ներգրավված է և շահագրգռվածություն ունի վարչապետի հարազատ եղբայրը` Չինաստանում ՀՀ արտակարգ և լիազոր դեսպան Արմեն Սարգսյանը:

Ֆրանսիայի նախագահ Նիկոլա Սարկոզին մասնակցել է Փարիզում գտնվող Կոմիտասի արձանի մոտ կազմակերպված Հայոց ցեղասպանության զոհերի հիշատակին նվիրված արարողությանը։ Նա հայտարարել է, որ Հայոց ցեղասպանության հիշողությունը երբեք չի վերանա, այդ տառապանքն ու ցավը փոխանցվում է սերնդեսերունդ:

Լոնդոնի «Չելսին» Չեմպիոնների լիգայի կիսաեզրափակիչում «Բարսելոնայի» հետ անցկացրած երկու խաղերի արդյունքով դուրս է եկել առաջնության եզրափակիչ։ Մեկ շաբաթ առաջ տեղի ունեցած խաղի ընթացքում «Չելսին» նվազագույն 1։0 հաշվով հաղթանակ էր տարել կատալոնացիների նկատմամբ։ Պատասխան խաղն ավարտվեց 2։2 հաշվով, արդյունքում՝ 3։2՝ «Չելսին» եզրափակիչում է։

Երևանի քաղաքապետարանի «Հայ-Արտ» մշակութային կենտրոնը ապրիլի 27-ին կազմակերպելու է Մեծ Տոնահանդես` գրքի, կերպարվեստի, քանդակի, դասական երաժշտության և թատրոնի ներդաշնակ երեկո` նվիրված Հայ Գրատպության 500- ամյակին:

Ողջույն, սիրով ձեզ տեղեկացնում ենք, որ սույն թվականի ապրիլի 25-ին ժամը 14:30-ին Երևանի պետական համալսարանի պատմության ֆակուլտետում տեղի է ունենալու ցեղասպանության վերաբերյալ ԱՌԱՋԻՆ Ֆիլմի ցուցադրությունը («Հոշոտված Հայաստան»), որում անձամբ նկարահանվել է