Եթե ընտրությունները կայանային այս կիրակի, ապա խորհրդարան, ամենայն հավանականությամբ, կանցնեին ՀՀԿ-ը, ԲՀԿ-ը, ՀԱԿ-ը, ՀՅԴ-ը, «Ժառանգություն-Ազատ դեմոկրատներ դաշինքը» և ՕԵԿ-ը:

Այսօր ԿԸՀ նախկին անդամ Համլետ Աբրահամյանը Հայաստանի Կենտրոնական ընտրական հանձնաժողով է ներկայացրել Հայ հեղափոխական դաշնակցության(ՀՅԴ) համամասնական կարգով պատգամավորների թեկնածուների ցուցակը: Այն ԿԸՀ է ներկայացրել:

Բանախոսը նշել է, թե քաղաքական ուժերին առաջարկել է իրենց ցուցակներում ընդգրկել բնապահպան ակտիվիստներին, սակայն ստացել է «Բա ոնց կլինի, բա մեր փայը» պատասխանը։

Այն հարցին, թե ում կտայիք Ձեր ձայնը, եթե ԱԺ ընտրությունները կայանային այս կիրակի՝ 27%-ը նշել է ԲՀԿ-ին, ևս 15%-ը պատրաստակամություն է հայտնել ԲՀԿ-ին ձայն տալ այն դեպքում, եթե իր նախընտրած կուսակցությունը չմասնակցի ընտրություններին (երկրորդե քվե): Երկրորդ տեղում ՀՀԿ-ն է՝ 25%: Հանրապետականին իրենց երկրորդ քվեն պատրաստ են տալ հարցման մասնակիցների 11%-ը: ՀՅԴ-ն, ՕԵԿ-ը, ՀԱԿ-ը և «Ժառանգությունը» ստացել են հարցման մասնակիցների 3%-ի հավանությունը։

Սույն թվականի մարտի 19-ին, «Թռչկան» քաղաքացիական նախաձեռնության մի քանի ակտիվիստներ իրենց էլեկտրոնային փոստերի վրա ստացել են «Թեղուտում լեռնահարստացուցիչ կոմբինատի կառուցման եւ պղինձ-մոլիբդենային հանքավայրի շահագործման ծրագրի» վերաբերյալ հանրային քննարկման մասնակցելու հրավեր, որը կազմակերպվում է ՀՀ վարչապետ Տիգրան Սարգսյանի հանձնարարությամբ:

Շիրակի մարզն ընդգրկող ընտրատարածքներում մեծամասնական կարգով առաջադրված պատգամավորության թեկանծուների կազմը այսօր արդեն վերջնականապես պարզ դարձավ: Մարզն ընդգրկող 4 ընտրատարածքներից 3-ում ՀԱԿ-ն առաջադրել է իր թեկնածուներին, որոնք կմրցակցեն հիմնականում ՀՀԿ-ի և ԲՀԿ-ի կողմից առաջադրված թեկանծուների հետ: Ընդդիմությունը ներկայացնող մյուս կուսակցություններից մեծամասնական կարգով ոչ ոք չի առաջադրվել:

Երևանի թիվ 1 ընտրատարածքային ընտրական հանձնաժողովից տեղեկացնում են, որ այսօր մեծամասնական ընտրակարգով առաջադրվել են «Ա1+»-ի լրագրող Գայանե Առուստամյանը և ԱԺ պատգամավոր Ռուբեն Հայրապետյանը:

«Ժողովրդավարական ուղի» կուսակցության վարչության որոշմամբ՝ ԺՈՒԿ նախագահ Մանուել Մանուկի Գասպարյանը մեծամասնական ընտրակարգով առաջադրվել է մասնակցելու ս/թ մայիսի 6-ին կայանալիք ՀՀ ԱԺ ընտրություններին՝ թիվ 3 ընտրատարածքում, որպես պատգամավորության թեկնածու:

Այսօրվա ասուլիսին Դեմոկրատական կուսակցության նախագահ Արամ Սարգսյանը հայտնել է, որ իրենք ձգտելու են ամրագրել Սահմանդրության մեջ մի դրույթ, ըստ որի ՀՀ-ն պետք է սոցիալական պատասխատավություն կրի իր քաղաքացու առջև:

Հայտարարում եմ, որ վերանայել եմ ՀՀ 5-րդ գումարման Ազգային ժողովի առաջիկա ընտրություններում մեծամասնական ընտրակարգով որպես պատգամավորության թեկնածու առաջադրվելու մասին իմ նախնական որոշումը: Չառաջադրվելուս որոշումը պայմանավորված է հետևյալ գործոններով:

Ներկայացուցիչների պալատի 30–ից ավելի կոնգրեսականներ պահանջել են ավելացնել Հայաստանին, Արցախին ու Ջավախքին հատկացվող ֆինանսական օգնության չափը: Նամակի հեղինակները պահանջում են Լեռնային Ղարաբաղին հատկացնել նվազագույնը 5 միլիոն դոլար, իսկ Վրաստանին հատկացվող ֆինանսական օգնության 10 տոկոսն ուղղել Ջավախքում նոր աշխատատեղերի բացմանը։ Բացի այդ, նրանք առաջարկում են նվազագույնը 50 միլիոն դոլարի տնտեսական օգնություն ցուցաբերել Հայաստանին:

ՀՀ Արտակարգ իրավիճակների նախարարության Հայպետհիդրոմետ ծառայության օդևութաբանության կենտրոնի պետ Զարուհի Պետրոսյանն այսօրվա ասուլիսին հայտնել է, որ հանրապետությունում ջերմաստիճանը կսկսի բարձրանալ մարտի 24-ից հետո՝ Արարատյան դաշտում և Սյունիքի լեռներում հասնելով 18 աստիճանի:

Ըստ ոստիկանության տարածած հաղորդագրության՝ մարտի 21-ին, ժամը 19.55-ին, 24-ամյա Սոսե Պ.-ն ոստիկանության Կենտրոնականի բաժնում հաղորդում է տվել, որ ս/թ մարտի 16-ին, ժամը 22.30-ին, Կորյունի փողոցում գտնվող ակումբներից մեկի անվտանգության աշխատակիցները կենցաղային հարցերի շուրջ ծագած տարաձայնության ժամանակ քաշել են իր թևերից ու մազերից և դուրս հանել ակումբից` պատճառելով վնասվածքներ:

«Որքանո՞վ է անասնաբուժական նպատակներով ներկրված դեղորայքը որակյալ: Մասնավորապես, Արմավիրի մարզի գյուղացիները դժգոհում են դեղորայքի արդյունավետությունից»,–կառավարության այսօրվա նիստում վարչապետ Տիգրան Սարգսյանը հետաքրքրվեց գյուղատնտեսության նախարար Սերգո Կարապետյանից։

«Իշխող կուսակցությունները շարունակում են նույն տեխնոլոգիաները, ինչ նախորդ ընտրությունների ժամանակ։ Նորից խոստումներ են տալիս ու առաջարկում գումարներ, որոնք այլասերում են մարդկանց»,–այսօրվա ասուլիսին ասել է Դեմոկրատական կուսակցության նախագահ Արամ Սարգսյանը։

Մարտի 21-ին, ժամը 13.12-ին ահազանգ է ստացվել, որ Երևանի Սարալանջի փողոցում (նախկին «Երիտասարդական պալատի» մոտ) տեղի է ունեցել ավտոպատահար, կան տուժածներ և անհրաժեշտ է փրկարարների օգնությունը:

ՀՖՖ նախագահ Ռուբեն Հայրապետյանն ու ՀՖՖ առաջին փոխնախագահ, գործադիր տնօրեն Արմեն Մինասյանը մեկնել են Ստամբուլ` մասնակցելու մարտի 22-ին Ստամբուլում բացվող ՈՒԵՖԱ-ի 36-րդ հերթական Կոնգրեսի աշխատանքներին:

Բրիտանական «Ռադիոհեդ» ռոք խմբի կիթառահար Ջոնի Գրինվուդի և հայտնի լեհ երգահան Քշիշտոֆ Պենդերեցկիի համատեղ աշխատանքը հայտնվել է դասական երաժշտության չարթում: