«Իշխանություններն իրենց «բուրմունքներով» թող զբաղվեն, իսկ մեր պայքարը զուգարանների համար չէ։ Սերժ Սարգսյանի այդ արարքն ապացուցեց իշխանությունների ճղճիմության բարձրակետը»։

«Եթե ՀՀԿ–ն պետք է գնա վարչապետ Տիգրան Սարգսյանով, ապա դա ամենակարճ ինքնասպանության ճանապարհն է, որովհետև, ըստ էության, ոչ մի ծրագիր չի կատարվել, և երեք կուսակցություն փոխած մարդը չի կարող առաջնորդել վերջին կուսակցությանը»։

«Սերժ Սարգսյանը երբևէ նման հայտարարություն չի արել, մի՛ կպցրեք հորինված հայտարարություններ։ Ես նախագահի ցանկացած ելույթի ցանկացած բառ բառացի հիշում եմ՝ բառ չավելացնեք և բառ չպակասեցնեք, որովհետև դրանից իմաստը կորչում է»։

«Ոչ թե նա՛ է հայտարարել, այլ ե՛ս եմ հորդորել նախագահին հուլիսի 16–ի ասուլիսի ժամանակ, որ գնան ավելի լայն կոալիցիայի (ինչպես Պուտինը ժողովրդական ճակատ ստեղծեց) և Հանրապետական ոհմակի 50%–ը բարեփոխել նոր, ժողովրդականությո՛ւն ունեցող մարդկանցով։ Ե՛ս եմ առաջինը առաջարկել գնալ, այսպես կոչված, կուսակցություն–ժողովուրդ դաշինքի»։

«Սիրո՛վ (Հրավերի դեպքում կմիանա ավելի լայն կոալիցիոն հուշագրին-խմբ.)։ Դա իմ տարերքն է։ Ես դա համարում եմ քաղաքական ուժերի ծառայելու միակ ձևը, նրանք այլ կերպ չեն կարող ծառայել։ Պարտադիր էլ չէ, որ խորհրդարան մտնենք»։

«Եթե Լևոն Տեր–Պետրոսյանը որոշել է զուգարանների հարցով դիմել Սերժ Սարգսյանին, ես ցավում եմ։ Ցավում եմ, որ ընդհանրապես զուգարանի խնդիրը կարող է դառնալ քաղաքական հարց։ Հիմա ամբողջ քաղաքական համակարգի խորհրդանիշը դարձել է բաց զուգարանը, և դա շատ վատ է»։

«...ինչ վերաբերում է ՀԱԿ–ի վերջին հանրահավաքին, ապա շատ տխուր և միաժամանակ ծիծաղելի բան էր, որովհետև քաղաքական կյանքի պայքարը վերջիվերջո իր բարձրակետին հասավ, երբ որ արտաքնոցային սուր գաղափարական պայքարի վերածվեց ամեն ինչ»։

«ՀԱԿ հանրահավաքների մասնակիցների քանակը պակասում է, իհարկե պակասում է, և դրա պատասխանը շատ ճիշտ տվեց հարգելի պարոն վարչապետը, որին, իմիջիայլոց, ես հարգում եմ։ Արտագաղթը խրախուսվում է, որովհետև կմնան, հեղափոխություն կանեն»։

«Լևոն Տեր–Պետրոսյանը հիշողությունն իսկապես կորցրել է և ՀՀՇ–ի անցած ճանապարհը, ՀՀՇ–ի վարկանիշը, իրեն ուղղված ժողովրդի վանկարկումները՝ «Լևո՛ն, հեռացի՛ր», մոռացել է...Զավեշտը պատկերացնո՞ւմ եք՝ ուր է հասել։ Լևոն Տեր–Պետրոսյանը խոսելու որևէ թեմա չունի, խոսում է արտաքնոցներից»:

«Տեր–Պետրոսյանի վերադարձը բավականին դրական գործընթացներ է իր հետ բերել։ Վստա՛հ եմ, որ Ռոբերտ Քոչարյանի վերադարձն էլ որոշ դրական գործընթացներ կբերի»։

«Իսկ ինչ վերաբերում է 2-րդ նախագահի հնարավոր վերադարձին, ապա նա դրա բարոյական եւ քաղաքական իրավունքն ամբողջովին ունի»։

«Դե եթե մի երիտասարդի պատճառով (որը մեկ անգամ չէ զանցանք կատարել և մեկ անգամ չէ գործ ունեցել ոստիկանության հետ, ու չեմ կարծում՝ օրինակելի քաղաքացիների շարքին է դասված) ընդդիմությունն իշխանության հետ դադարեցնում է երկխոսությունը, ապա զավեշտ է»։

«Եթե կոալիցիայի անդամ կուսակցություններից որևէ մեկը Ռոբերտ Քոչարյանի թեկնածությունն առաջադրի, կնշանակի, որ կոալիցիան քայքայվում է, որովհետև ունենալու են տարբեր թեկնածուներ։ Այդ դեպքում կոալիցիան չի գործի այն կազմով, որն այսօր կա»։

«Մեր հավաքականի մեջ նոր հավատ կա, որ մենք կարող ենք յուրաքանչյուր թիմի, յուրաքանչյուր երկրի յուրաքանչյուր ֆուտբոլիստի հետ հավասար խաղալ։ Իսկ խաղալուց էլ մշտապես հավատում ենք, որ մենք այդ խաղը պետք է հաղթենք»

«ՀԱԿ անդամներ Հարություն Կարապետյանն ու Վլադիմիր Հարությունյանն ինձ ասացին, որ իրենք դաշնակցական են եղել, այս հանձնաժողով մտնելու համար ուրիշ նպատակներ են ունեցել և կյանքում չեն մտնի ՀԱԿ, Լևոն Տեր–Պետրոսյանն իրենց անձնական թշնամին է, քանի որ սպանել է իրենց մտերիմ ընկերոջը՝ Արթուր Մկրտչյանին»։

«Ես շատ կուզենայի, որ մեր երկրի նախագահը նախ սփյուռքահայերից շքանշանը ստանար, ինչը նշանակում է՝ մեջքդ ամուր, հետո նոր Նյու Յորքում արժանանար «Էլիս այլընդ» պատվո շքանշանին։ Տակավին սփյուռքահայության վերքը չի բուժվել, և այժմ այդ տրամադրությունները մնում են ու միշտ կմնան»։

«Մենք ունեցել ենք լավ հավաքական, և վստահ եմ, որ ունենալու ենք։ Վստահ եմ նաև, որ հոկտեմբերի 7–ին կայանալիք Մակեդոնիայի հետ խաղում հաղթանակ ենք տանելու 3։0 կամ 4։0 հաշվով»։

«Մենք ասում ենք, որ Լեռնային Ղարաբաղը երբեք Ադրբեջանի կազմում չի լինելու, Լևոն Տեր–Պետրոսյանի մոտ լրիվ հակառակն է։ Առաջին նախագահին կարելի է հարգանքով մոտենալ՝ որպես առաջին նախագահի, բայց արտահայտություններն ընդհանրապես իմաստազուրկ են»։