«Արթուր Բաղդասարյանն իր ընտրողներին հուսախաբ արեց պաշտոնի դիմաց, իսկ Լևոն Տեր–Պետրոսյանն այս պահին հարկադրված է իշխանությունների հետ բանակցել բացառապես պատանդի կարգավիճակում պահվող և տարիներ շարունակ հալածանքների ենթարկվող, ազատազրկման վայրում բազմիցս վիրահատության ենթարկված Սասուն Միքայելյանի, Նիկոլ Փաշինյանի և այլոց համար»։

«Այսօր «արտահերթ ընտրություններ» բառը միայն օգտագործելով՝ լեգիտիմացվում է ու հենց այդ արտահայտությամբ Լևոն Տեր–Պետրոսյանի կողմից վաղուց է լեգիտիմացվել Սերժ Սարգսյանը։ Այդ արտահերթ ընտրությունների իրավական հիմքը ես չեմ տեսնում։ Ի՞նչ պետք է անի նա, ո՞վ պետք է ցրի ԱԺ–ն»։

«Արտահերթ ընտրությունների վերաբերյալ խոսելն ընդհանրապես ավելորդ ենք համարում ոչ միայն ես, այլ նաև իշխանությունը։ Ընդդիմությունն էլ խոսում է, բայց ինքն էլ հավատացած չէ, թե որևէ հիմք կա արտահերթ ընտրությունների համար»։

«Մենք խոսում ենք շատ արագ զարգացող գործընթացների մասին, մենք սպասում ենք ամսի 28–ին»։

«Եթե այսպես շարունակի ՀԱԿ–ի ղեկավարությունն իր մարտավարությունը, այս սխալ ընթացքը, և մեր հորդորները չլսի, ապա այն ջրբաժանը, որի մասին իրենք խոսում են, տեղի՛ է ունենալու, սակայն այս դեպքում՝ ոչ թե իշխանության և ժողովրդի միջև (դա 2008թ. մարտի 1–ից է տեղի ունեցել), այլ ՀԱԿ–ժողովուրդ ջրբաժանն է անխուսափելի լինելու»։

«Շատերը «թունիսիլ տենք» ձևակերպման իմաստը չեն հասկացել։ Ոչ ոք չի ցանկանա, որ մեր մոտ լինի Աֆղանստան, Իրաք, Լիբիա կամ Եգիպտոս»։

«Իհարկե՝ «Տաշիր-2011»–ը մասնավոր միջոցառում էր, բայց ես հստակ հասկացա, որ այն, ինչ ստանում են «մտավորականները և արտիստները», ընդամենը կանխավճար է. սպասվող ընտրությունների ժամանակ դուք կտեսնեք հենց նույն դեմքերը՝ ավելի մեծ ակնկալիքով, արդեն՝ նոր հարթակների վրա»։

Կարեն Անտաշյան. «Ես բնավ չեմ կարծում, թե գրողները կամ որևէ այլ գործունակ քաղաքացի պետք է հեռու մնա երկրի հասարակական-քաղաքական կյանքից։ Ուղղակի ինձ մտահոգում է քաղաքական թերզարգացած ու տոտալիտար մեքենայի կողմից մարդկանց օգտագործված լինելու հեռանկարը»։

«նախագահին հայտնի է, որ սեփական նպատակին հասնելու համար Տեր-Պետրոսյանը առանց աչքը թարթելու կարող է հանգիստ խղճով յուրայիններին զոհաբերել քաղաքական խաղատախտակի վրա, ուր մնաց, թե իշխանությունների թուլությունից ու զգոնության բթացումից չօտգվի»։

«Ձախողման մասին խոսք լինել չի կարող...Ես՝ որպես կուսակցության խոսնակ, փաստերն եմ արձանագրում, իսկ փաստն այն է, որ ՀՀԿ օրակարգում վարչապետ Տիգրան Սարգսյանի պաշտոնանկության հարց չկա ու չի քննարկվել»։

«Ես դեռևս մեկ տարի առաջ եմ ասել, որ հերթական են լինելու ընտրությունները, և Լևոն Տեր–Պետրոսյանն իր թիմով պետք է պատասխան տա, թե ինչո՞ւ էր երեք տարի խաբում ժողովրդին՝ ասելով, թե շուտով լինելու են արտահերթ ընտրություններ՝ շատ քիչ է մնացել»։

«Այնքան ժամանակ, որքան հայությունը դեգերելու է ժամանակավրեպ և համակողմանիորեն սպառված քաղաքական դիակ անձանց և ուժերի արատավոր շրջանակում ոչինչ չի փոխվելու: Էլ ի՞նչ ջրբաժան: Ջրբաժանը խոստացվում էր հազար անգամ…»:

«Արտահերթ ընտրությունների մասին, կարծում եմ, հիմա լուրջ մարդիկ այլևս չեն խոսում։ Եթե որևէ մեկը օգտագործում է «արտահերթ ընտրություն» բառը, կարծում եմ՝ ինքը դրա տակ հասկանում է հերթական ընտրություն, և արտահերթ ընտրության մասին խոսելով՝ պատրաստվում է հերթական ընտրությունների»։

«Կարծում եմ, որ վատ բան չէ, երբ նվիրատվություններ են լինում, արտիստներին, երգիչներին պարգևատրում են»։

«Ինչպե՞ս կարելի է ինձ՝ նվեր ստացողիս, մեղադրել կամ ի՞նչ է նշանակում ինձ ցուցումներ տալ, թե ես ի՞նչ անեմ իմ նվերի հետ։ Դրա համար ես չեմ հասկանում, երբ ինչ–որ մի «չուշկա» կարող է իրեն թույլ տալ ամբողջ կայքով գրել՝ ողորմություն խնդրելու համար ձեռքերը պարզած մեր ողորմելի երգիչ երգչուհիներ։ Դա ո՞վ է, ամո՛թ իրեն»։

«Մինչև տարեվերջ գազի սակագները չեն փոխվի, մինչև հաջորդ ապրիլի 1–ը»։

«Աստված մի արասցե, եթե անգամ հասնենք հերթական ընտրություններին (ես դա համարյա բացառում եմ և վստահություն ունեմ իմ մեջ, որ մենք շատ մեծ հավանականությմաբ կհասնենք արտահերթ ընտրությունների), ապա պետք է շարունակենք պայքարը»։

«Հայաստանում ռոք նվագողները հիմնականում մի քիչ ուրիշ տեսակի մարդիկ են, չեմ նկատել, որ քաղաքականության հետ կապ ունենան։ Հիմնականում հանդես են գալիս ակումբներում, քիչ են երևում հեռուստատեսությամբ, ռադիոյով։ Իհարկե, հնարավոր է, որ մի քանի հոգի շեղվեն դեպի քաղաքականություն, բայց չեմ կարծում»