«Սա ավելի շուտ ֆարս էր, քան թե հանձնաժողով։ Ոչ մի իրեղեն ապացույց, ոչ մի իրավական ճիշտ մոտեցում չեղավ։ Իմ բոլոր հարցերի պատասխանը չտրվեց։ Ես ասացի՝ բերեք մեկ օրինակ, բայց ընդհանրապես չբերվեց»։

«Կարևոր է մեկ հանգամանք` որ նույնիսկ արդեն Արմավիրի նման փոքր համայնքում ընտրախախտումների նկատմամբ ընտրողները ցույց են տալիս իրենց բուռն ընդվզումը և անհամաձայնությունը, որը դրսևորվում է նաև հրապարակային ակցիաներով...»։

«Ինչպե՞ս կարող էր մրցանակաբաշխությունը լինել ազգային, երբ որ երգերի 70%–ն այլ լեզուներով էր ներկայացվում։ Այդտեղ որևէ ազգային բան չկար, որ անունը դրել են ազգային մրցանակաբաշխություն»։

«...եթե ժողովուրդը մտավ, ինչ–որ այլ քայլ, դինամիկա պետք է նա տեսներ։ Այսինքն՝ ինչի՞ մտավ ինքը Ազատության հրապարակ։ Շարունակություն պետք է լիներ»։

«Գյուղատնտեսական արտադրության վրա շատ գործոններ են ազդում, այդ թվում՝ բնակալիմայական պայմանները, բայց ամեն ինչ բարդել բնակլիմայական պայմանների վրա, կարծում եմ, ճիշտ չէ»։

«Կարող եմ միայն ասել, որ նրանք, ովքեր ուզում են իմ ներկայությունը Ազատության հրապարակում վերափոխել քրիստոնեական, կրոնական արարքի, կարծում եմ, որ չեն ծանոթացել մարտի 15–ի իմ հիմնավոր խոսքին, որը դարձավ այս Ազատության ծոմի հենքը։ Ես բոլորին, նաև առաջին նախագահին, անկեղծաբար և սիրով մաղթում եմ Աստծո օրհնություն և երկարատև կյանք։ Եթե որևէ մեկը կա, որ ինձ ցանկանում է սատանայի կործանում, ապա դա յուրաքանչյուր մարդու իրավունքն է»։

«Ավելի քան համոզված եմ, որ դա քաղաքական պայմանավորվածությունների արդյունք էր։ Ես ինքս ներկա եմ եղել և մտել եմ Ազատության հրապարակ։ Դա միանշանակ է։ Բայց գնահատականները տարբեր են»։

«Եթե նրանք(ՀԱԿ–ը) գնում են ընտրությունների, ուստի նրանց պիտի հետաքրքրի իրենց շուրջը մշտապես պահել ժողովրդական մեծ բազմություն՝ նախընտրական տրամադրությունների համատեքստում նայելով այդ ամենը»։

«Րաֆֆի Հովհաննիսյանի նպատակները շատ չեն տարբերվում մեր նպատակներից։ Ինքն էլ է ընդունում, որ այս իշխանությունների վերարտադրման համակարգը պետք է վերացվի, պետք է ազատության շունչ մտնի երկրում...»։

«Ես որքան նկատում եմ, վերջին ժամանակներում Րաֆֆի Հովհաննիսյանը ինչ–որ, թե՞ առողջությամբ, թե՞ արտաքին տեսքով է սկսել հետաքրքրվել, որովհետև ես իրեն բավականին նիհարած եմ տեսնում վերջերս։ Այսինքն, մարդը երևի որոշել է, կենսակերպի առողջ լինելու, իրեն ավելի թեթև զգալու համար, արդեն որոշ ժամանակ առաջ սկսել է մտածել այդ մասին»։

««Ժառանգությունը» երբևիցե անիմաստ քայլեր չի արել։ Եթե ինչ–որ մեկը գտնում է, որ դա անիմաստ է, դա իր ճաշակի հարցն է»։

«Կոալիցիոն հուշագիրն իրավական ուժ, բարոյական ուժ, քաղաքական ուժ չի՛ կարող ունենալ, և ցանկացած պահի կողմերից յուրաքանչյուրը կարող է հենց ա՛յս պատճառաբանությամբ հրաժարվել այդ հուշագրով իրեն պարտադրված պայմանների կամ խաղի կանոնների կատարումից»։

«Մենք այդպես էլ չտեսանք, թե ումից էին նրանք այդ կադրերը վերցրել։ Իրենք գիտեն՝ մենք ում ենք այդ ժեստերը փոխանցել։ Այդ ժեստերը փոխանցվել են ա՛յդ տեսախցիկին»։

«Մեզ համար վրդովեցուցիչ է յուրաքանչյուր անպատշաճ վերաբերմունք պատգամավորների նկատմամբ: Սա՝ ընդհանուր առմամբ, մասնավորապես՝ հիմնականում նաև քաղաքացիների նկատմամբ։ Կարծում եմ, որ ծառայողական քննությունն ինչ–որ բաներ կպարզի, և կլինեն ավելի դիպուկ գնահատականներ այդ առումով»։

«Կառավարությունն ապացուցել է, որ քննադատությունը, առողջ կամ որևէ այլ տեսակի քննադատությունը, տեղ չի հասնում: Ես համարում եմ, որ, այո՛, մենք պետք է այս կառավարությանը հրաժեշտ տանք»։

«Միայն մեկ տարվա ընթացքում Ադրբեջանի իշխանությունները կրկնապատկել են իրենց ռազմական բյուջեն եւ մերժում են միջազգային հանրության կողմից արված առաջարկները՝ համաձայնության գալու ուժի չկիրառման, հրադադարի ամրապնդման, շփման գծից դիպուկահարների դուրս բերման շուրջ»։

«Մարտի 1–ը շատ դեպքերում ազգային խնդրի լուծման գաղափարի համար չէր, որովհետև կողմերից ոչ մեկը ազգային խնդիր չէր լուծում։ Ո՛չ դիմություն (իշխանություն) կոչվածը, ո՛չ ընդդիմություն կոչվածը պետության ապագան չէր կերտում»։

«Այսօր չեմ կարող ժխտել, որ երբեմն տեղի են ունենում, անգամ մամուլի հրապարակումներում արտահայտվում են նման պատկերներ, երբ որ հոգևորականը մտնում է շուկայական հարաբերության մեջ»։