«Առանց ծայրահեղականության' ծայրահեղ միջոցներ է պետք ձեռնարկել և փոխել կառավարման ու տնտեսական ողջ համակարգը, այլ ոչ թե կամ ոչ միայն համակարգի մասնիկներին կամ դեմքերին»։

«Ես ամեն ինչ կասեմ ամսի 28-ին, և Դուք էլ ներկա կլինեք։ Այժմ միայն ձեզ կարող եմ վճռականապես ասել, որ մենք պահանջելու ենք արտահերթ ընտրություններ՝ սկզբում նախագահական, հետո խորհրդարանական»։

«Հիմա մեր նման հազարավոր մարդիկ կան, որ կրպակներ ունեն, բայց կրպակները քանդում են։ Կրպակները որ քանդում են, մարդիկ ո՞նց ապրեն։ Այլընտրանք ստեղծե՞լ են, աշխատատեղ ստեղծե՞լ են, արդյունաբերությունը զարգացե՞լ է, աշխատանքի տե՞ղ է բացվել, որ դրած քանդում են կրպակները»։

«Մարդիկ ոնց ուզում՝ նստում են իրենց պաշտոններին, հասնում են դրան ու սկսում են անել այն, ինչ ուզում են։ Իրենք են ամեն ինչ որոշում։ Ո՞վ է մեզ բանի տեղ դնում, ո՞վ է մեզ հարցնում։ Ցավում եմ, որ այդպես է, բայց դա է փաստը»։

«Եթե երկու քոլեջ կա, նույնպես չպետք է միավորել, դարձնել մի հատ։ Պետք է առանձին-առանձին լինի, թող զարգանա, թող շատ լինի։ Չէ՞ որ եթե միավորվում են, ինչ-որ կրճատումներ են լինում։ Սխալ են այդ որոշումները»։

«Եթե հնարավորություն ունենայի՝ կշտկեի համահայկական լացուկոծային վիճակները և սեփական երկիրն արհամարելու ու փնովելու՝ շատերի սիրած զբաղմունքը: Եվ, իհարկե, փորձել մարդկանց սովորեցնել, որ պետական բյուջեն մասնավոր անձանց սեփականությունը չէ»։

«Այն, ինչ-որ ես եմ առնում, ես գիտեմ՝ որտեղից եմ առնում ու ինչ եմ առնում։ Ես հայկական արտադրության բան չեմ առնում, այնպես որ հաջողվել է Ամանորին հավկիթ գնել։ Ես, օրինակ, եթե հայկական կոֆե խմեմ, կմեռնեմ։ Մի անգամ էդպիսի դեպք եղել է՝ մեռել եմ»:

«Հայաստանի զարգացման համար այլ համակարգ է պետք, հակառակ դեպքում, եթե հերթական ընտրություններ են, ես շատ մեծ մտավախություն ունեմ, որ հերթական ընտրությունները չեն տարբերվի վերջին տարիներին անցկացվող ընտրություններից, և արդյունքն էլ կլինի այն, ինչ կա»։

«Գաղափարական և այլ տեսակետի առումով թե՛ Կոնգրեսը, թե՛ Դաշնակցությունը, թե՛ «Ժառանգությունը» որոշ չափով այլընտրանք են, բայց ես բացարձակապես վստահ չեմ, որ նրանք իշխանության գալու կամ իշխանության մաս կազմելու դեպքում ընդունակ են համակարգային փոփոխությունների»։

«Տարատեսակ մեծ ու փոքր քաղաքացիական պոռթկումները վերջին ամիսներին արագորեն վերածվում են պայքարի ընդհանուր ճակատի ու ժողովրդական դիմադրության շարժման: Դա մեր ազգի գոյության ու ինքնապաշտպանության բնազդն է, քանզի երկիրը մոտեցել է այն շեմին, որը սպառնալիք է պարունակում պետության բուն գոյությանը»։

«Նկատի ունեմ՝ քաղաքապետի շատ կարևոր և պատասխանատու այդ պաշտոնը պետք է կարողանա արդարացնել մեր բոլորի հույսերը և՛ մարդկային որակներով, և՛ մասնագիտական հմտություններով։ Այդ առումով, իհարկե, տխրում եմ, որ այդպիսի բացասական երևույթներ են տեղի ունենում, բայց նաև փոփոխությունը, կարծում եմ, անհրաժեշտ էր»։

«Հայաստանում ապրող բոլոր քաղաքացիների համար տարին դժվար էր, առավել ևս, որ գյուղատնտեսության համար ոչ բարենպաստ տարի էր։ Դրա արդյունքում մենք բավական թանկացումներ ունեցանք, և այստեղ ոչնինչ չէր կարող օգնել...»։

«Ինձ մոտ միշտ հարց է ծագել, թե Ղարաբաղի չլուծված լինելու հա՞րցն է խանգարում Հայաստանի զարգացմանը, թե Հայաստանի այս ոչ զարգացած, ոչ ժողովրդական, թույլ տնտեսական վիճակն է խանգարում ԼՂ հարցի դրական լուծմանը»։

«Չգիտեմ՝ իրենք իրենց անձնական, ընտանեկան, նյութական ճգնաժա՞մը նկատի ունեին, թե՞ պետական, տնտեսական կառավարման։ Եթե պետական, տնտեսական կառավարման ճգնաժամը նկատի ունեին, ապա ես կարծում եմ, որ ոչ թե հաղթահարել ենք, այլ նո՛ր է սկսվում ճգնաժամը Հայաստանում»։

«Գիտեք, ազգանունը մենք չենք որոշողը, դա մեր պապերն են որոշել, թե մեր ազգանունն ինչ է լինելու: Օրինակ, ես և եղբայրս միասին ենք աշխատում, բայց մեր ընկերության անունը չենք դրել «Ախոյան եղբայրներ»: Մենք ընդամենն ունենք մի քանի կազմակերպություն, որ աշխատում են: Բայց ազգանունը կապ չունի»:

«Արտահերթ նախագահական ընտրությունները բոլորի ցնակությունն է, բայց կլինի՞, թե՞ ոչ՝ դժվար է ասել։ Ես կարող եմ ասել, որ բոլոր օբյեկտիվ պայմանները, որպեսզի լինեն արտահերթ ընտրություններ՝ կան։ Դրան պետք է գումարվեն սուբյեկտիվ պայմանները»։

«Որպես գործընկեր, որպես նաև կուսակից ընկեր ասեմ, որ Բեգլարյանը ճիշտ քաղաքական որոշում է կայացրել»։

«Ընդհանուր առմամբ, չի կարելի այդպես ասել, որ կառավարությունը ամեն ինչ անում է, որ չխրախուսի տեղական արտադրողին։ Իմ կարծիքով՝ կառավարության համար պետք է նույնը լինի՝ տեղական արտադրող, ներմուծող...Իհարկե, ակցիզային հարկով տարբերություն դրվեց ներմուծողի և արտադրողի միջև»։