Կորյուն Մանուկյան. «www.top-news.am կայքը, հիմնվելով լավատեղյակ աղբյուրենրի վրա, ներկայացրել է այն փաթեթը, որի շուրջը այդպես էլ համաձայնության չեկան Ծառուկյանն ու Սարգսյանը։ Ըստ կայքի՝ ԲՀԿ–ի 8 կետից բաղկացած հակաճգնաժամային փաթեթը հետևյալ հարցերն է շոշափել.»։

Արման Սահակյան. «Դատելով ԲՀԿ ցուցակում ընդգրկված մի շարք գործիչներից՝ ինտելեկտուալ ռեսուրսներով ԲՀԿ-ն ի վիճակի է կարճ ժամանակում դառնալ հանրային շահերը ներկայացնող ակտիվ ուժ: Մյուս կողմից գաղտնիք չէ, որ ԲՀԿ-ում դեռ քիչ չեն հարմարվողականները, նրանք, ովքեր պատրաստ են քվեարկել ցանկացած որոշման օգտին, միայն թե ավելորդ խնդիրների մեջ չհայտնվեն: ԲՀԿ-ում որքան քիչ լինեն նրանք, ովքեր սեփական կարծիք չունեն, այնքան կշահի այդ կուսակցությունը, այնքան կբարձրանա Ծառուկյանի թիմի վարկանիշը»։

Կարեն Հակոբջանյան. «Պետք է դնել ոչ թե «Կճնշի՞ արդյոք Ս. Սարգսյանը ԲՀԿ–ին», այլ «Կարո՞ղ է արդյոք Ս. Սարգսյանը ճնշել ԲՀԿ–ին» հարցադրումը։ Պատասխանն ակնհայտ է՝ ո՛չ. Սերժ Սարգսյանը չի կարող ճնշել ԲՀԿ–ին, քանի որ լեգիտիմության լուրջ պրոբլեմ ունի և եթե հանկարծ դիմի նման քայլերի, ապա կստանա առնվազն կես միլիոնանոց հանրահավաք Երևանի կենտրոնում՝ դրանից բխող բոլոր հետևանքներով»։

Կարեն Հակոբջանյան. «Երբ խոսվում է քաղաքական դաշտը մարգինալներից, սուլթաններից, կեղծ բարեպաշտներից, «միջազգայնագետներից» ու հաճախորդներից մաքրելու մասին, այս շարքում չպետք է մոռանալ նաև այն լրատվամիջոցներին, որոնք սպասարկում են իշխանությանը և ոչ պակաս թունավորում հանրային մթնոլորտը, քան, ասենք, ինքնալուծարված ՕԵԿ–ը և դրա կոալիցիան գործընկեր ՀՀԿ–ն։»

Կարեն Հակոբջանյան. «Դատելով ամենից՝ ԲՀԿ–ն, ՀՅԴ–ն ու ՀԱԿ–ն առաջիկայում «հետամուտ» են լինելու Տիգրան Սարգսյանի ու նրա թիմի աշխատանքներին և «կառուցողական» մոտեցում են ցուցաբերելու։ Այնպես որ վարչապետը ԲՀԿ–ի «կառուցողականության» մոմենտով իզուր է շտապել ցույց տալ իր ուրախությունը, թեև ո՞վ գիտե, միգուցե սպասվող «կառուցողական» («շինիչ») գործողություննե՞րն են վարչապետին գցել երանության գիրկը»։

Կորյուն Մանուկյան. «Չնայած այն հանգամանքին, որ ՀՀԿ+ՕԵԿ «հզոր» կոալիցիան ունի 75 պատգամավոր, իսկ միասնական շտաբի անդամները համատեղ տիրապետում են խորհրդարանի 50 աթոռներին, այդուհանդերձ իշխանությունը մշտապես դժվարություններ է ունենալու իր ուզած օրենքներն անցկացնելիս, քանի որ նախորդ փորձը հաշվի առնելով՝ կարող ենք ասել, որ առնվազն 30 պատգամավոր, ովքեր կրում են ՀՀԿ–ի կրծքանշանը, «խասիաթ» չունեն ԱԺ նիստերին ներկայանալու»։

Կորյուն Մանուկյան. «Ուշագրավ է, որ ԲՀԿ–ի կոալիցիա չմտնելու պահով նյարդայնացած են ՀՀԿ–ում, «Ժառանգությունում» և «Հանրապետությունում»։ Զարմանալի զուգադիպությամբ՝ նշյալ ուժերի, իշխանամետ լրատվամիջոցների և պալատական «վերլուծաբանների» տեսակետներն ու քննադատական շեշտադրումներն իրարից չեն տարբերվում։ Տեսնես ինչու՞ է այդպես»։

Արման Սահակյան. «Երբ Հրանտ Բագրատյանը երեկ համոզվեց, որ դարձել է հեռուստաալիքների լուրերի թողարկման սիրելին, պետք է որ հասկանար, որ կոպիտ վրիպում է թույլ տվել: Եթե հասկացել է, ապա պետք է անմիջապես բացեր փակագծերը եւ ասեր այն, ինչ իսկապես ցանկացել է ասել»:

Կարեն Հակոբջանյան. «Գագիկ Ծառուկյանի հայտնի հայտարարությունից հետո բավական ծանր դրության մեջ հայտնվեցին տասնյակ իշխանամետ կայքերն ու թերթերը, ինչպես նաև վարչապետին կից գործող «աստծվածավախները», որոնք օրեր շարունակ, հղում անելով իրենց «հավաստի աղբյուրներին», գրում ու գրում էին, թե ԲՀԿ–ն ՀՀԿ–ի հետ անպայման կոալիցիա է կազմելու կամ արդեն իսկ կազմել է, պարզապես դեռ չի հայտարարվում, քանի որ նախարարական աթոռների սակարկություն է գնում»։

Արեգնազ Մանուկյան. «Հիմա էլ, ինչպես Վիկտորի ընտրվելու տարիներին, փորձ է արվում հանրությանը ներկայացնել, թե առանձին վերցրած մեկ ընտրատարածքում ժողովրդավարությունը հաղթանակ է տարել։ Անկեղծ ասած՝ տպավորությունն այնպիսին է, որ իշխանությունը հայտնի տեսանյութի համար պատժեց Դալլաքյանին ու միաժամանակ նրան փոխարինող գտավ՝ ի դեմս Մարուքյանի, որպեսզի «ժողովրդի հաղթանակի» հեքիաթը շարունակելի լինի»։

Կորյուն Մանուկյան. «ԲՀԿ–ի որոշումը և Գագիկ Ծառուկյանի հայտարարությունը լրիվ նոր իրավիճակ է ստեղծել Հայաստանի քաղաքական ու հասարակական կյանքում։ ԲՀԿ–ի առաջնորդն այդպիսով ՀՀԿ–ին մեկուսացրեց հասարակությունից՝ վերջինիս թողնելով վարկաբեկված ՕԵԿ–ի հույսին»։

Արման Սահակյան. ««Ընդդիմադիր» դաշտի այն սազանդարները, որոնք գեղամյանաբարո ձևով պաշտպանում էին Սերժ Սարգսյանի շահերը, կարող են փոխհատուցում պահանջել պատվիրատուից, քանզի վերջնականապես «փչացան» և խուրդվեցին ԲՀԿ–ի մասով իրենց «կանխատեսումներում» և «վերլուծականներում»»։

Կարեն Հակոբջանյան. «Մեր ունեցած հավաստի տեղեկություններով՝ երեկ ուշ երեկոյան Սերժ Սարգսյանի նախաձեռնությամբ տեղի է ունեցել հանդիպում Գագիկ Ծառուկյանի հետ։ Քննարկման թեման եղել է նոր կոալիցիա կազմելը։ Գագիկ Ծառուկյանը հերթական անգամ մերժել է ՀՀԿ–ի հետ կոալիցիա կազմելու նախագահի առաջարկը և անիմաստ համարել տարատեսակ պաշտոնների շուրջ սակարկություն սկսելը»։

Խոսրով Գրիգորյան. «Պետք է միշտ կասկածանքով վերաբերել այն մարդկանց, ովքեր տեղի–անտեղի, գիշեր-ցերեկ Աստծու անունն են տալիս։ Արամ Սարգսյանի չափ Աստծու անունը արտասանել եւ արտասանում են միայն Արտաշես Գեղամյանը եւ «Լեննագանի» Վարդանիկը, ինչպես նաև Արամի ընտանիքի բարեկամ Տիգրան Սարգսյանը»։

Կարեն Հակոբջանյան. «Եթե Հայաստանը նորմալ երկիր լիներ, ապա հաշվի առնելով վերջին 5 տարիների ընթացքում տնտեսության մեջ արձանագրված ցուցանիշները՝ մենք առնվազն 5 վարչապետ պետք է փոխած լինեինք, այնինչ ձախողումների քայլող խորհրդանիշի վերածված Տիգրան Սարգսյանը ընդմիշտ է, ինչպես, ասենք, կոկա–կոլան»։

Րաֆֆի. «Ընտրությունների վերահսկման միասնական շտաբից առաջինը դժգոհեց ու քննարկումների դահլիճը լքեց ՀՀԿ–ն ներկայացնող Գալուստ Սահակյանը։ Հետո Գալուստի հետևից գնաց «Ազատ դեմոկրատներով» ու նախագահական սեկտորի ներկայացուցիչներով համալրված «Ժառանգությունը», իսկ հիմա էլ ՀԱԿ–ից դուրս եկողներն են անգիր արած տեքստով կրկնում, թե դժգոհ են Տեր–Պետրոսյանից, քանզի նա ԲՀԿ–ին մոռացած քննադատել է միայն ՀՀԿ–ին և ՕԵԿ–ին»։

Կորյուն Մանուկյան. «Արթուր Բաղդասարյանը հանուն ԱԽՔ պաշտոնի և իշխանական կերակրատաշտին մոտ գտնվելու դավաճանեց իր ընտրողներին և դաշնակցեց Սերժ Սարգսյանի հետ։ Վերջինս էլ այժմ հանուն նախագահի երկրորդ ժամկետի ուզում է դաշնակցել Գագիկ Ծառուկյանի հետ, այնինչ նման քայլի գնալու «դաբրո» չի ստացել իր ընտրողներից, եթե, իհարկե, ընդունենք, որ հարյուր հազարավոր մարդիկ, իրոք, գլխապատառ նետվել են ընտրատեղամասեր և քվեարկել վատ կառավարում իրականացրած Սերժ Սարգսյան–Տիգրան Սարգսյան զույգի օգտին»։

Կարեն Հակոբջանյան. «ԲՀԿ առաջնորդը, ըստ մեր ունեցած տեղեկությունների, կոալիցիա կազմելու քննարկումների սեղանին դրել է ԲՀԿ–ի ծրագրով երկիրը կառավարելու և, հետևաբար, գործող վարչապետին «պասլատ» անելու պայմանները։ Գնդակն այժմ, ինչպես «ֆուտբոլասերներն» էին սիրում ասել, ՀՀԿ–ի դաշտում է։ Կոալիցիա կազմելու խնդրանք–աղաչանքը ՀՀԿ–ինն է, և «նախաձեռնողականություն» ցուցաբերողները պետք է զիջեն, այլ ոչ թե հակառակ կողմը»։