Գևորգ Դավթյան. «Ֆուտբոլը Հայաստանում ոչ միայն քաղաքականացվել է, այլ պարզապես դարձել է քաղաքականության, իսկ ավելի ճիշտ, ՀՀԿ-ի գերին: Սկզբում ֆուտբոլը զոհաբերվեց «նախաձեռնողական» դիվանագիտությանն ու մեր հավաքականի մարզաշապիկի վրայից մեկ գիշերվա ընթացքում անհետացավ Արարատը։ Հիմա ներքին «նախաձեռնողականություն» է»։

Կարեն Հակոբջանյան. «Րաֆֆի Հովհաննիսյանի կարծիքով իրենց վարկանիշը 25 % է: Ուշագրավն այն է, որ «Ժառանգության» և Րաֆֆի վարկանիշի մասին լրիվ այլ կարծիք ունի այդ կուսակցության համամասնական ցուցակի 6–րդ հորիզոնականում հայտնված, նախագահական նստավայրի հետ սերտորեն համագործակցող «Մարդկային զարգացման միջազգային կենտրոն» ՀԿ տնօրեն Թևան Պողոսյանը։»

Րաֆֆի Հովհաննիսյանն անարժանահավատ և պատվիրովի է գնահատել «Հայաստանի եվրոպացի բարեկամներ» կազմակերպության վերջերս ներկայացրած սոցհարցման արդյունքները: Հիշեցնենք, որ ըստ այդ կազմակերպության տվյալների՝ «Ժառանգություն» կուսակցությունն վարկանիշը մոտ 4% է, իսկ Րաֆիինը՝ 2%։ Ուշագրավ է, որ «Հայաստանի եվրոպացի բարեկամներ» կազմակերպությունը սերտորեն առնչվում է «ժառանգության» համամասնական ցուցակի 6–րդ համարը զբաղեցնող Թևան Պողոսյանի հետ։

Կարեն Հակոբջանյան. «Մի կողմում «Կոնսենսուս մինուս ՀՀԿ» պլատֆորմի մեջ մտնող ԲՀԿ–ն, ՀՅԴ–ն ու ՀԱԿ–ն են, իսկ մյուս կողմում՝ «Կոնսենսուս հանուն ՀՀԿ մենաշնորհի պահպանման» ջատագովներ ՀՀԿ–ն, ՕԵԿ–ը և «Ժառանգությունը»»։

Կարեն Հակոբջանյան. «Հավատալու և փոխելու մեծ ջատագովի հետ գործարքի գնալով՝ Րաֆֆին, հավանաբար, կարծում է, թե կարևորը ԱԺ անցնելն է, իսկ դրանից հետո արդեն կարելի է խախտել Սերժի հետ ունեցած ցանկացած պայմանավորվածություն և ինքնուրույն խաղալ, բայց դա սատանի մայլում քյանդրբազություն անելու պես մի բան է»։

Գևորգ Դավթյան. «Գյումրիի քաղաքապետն իր տեղում չէ, դա աներկբա է, բայց նրա փոխարեն մեկ այլ օլիգարխի բերելու նախագահականի ծրագրերը ոչ պակաս անընդունելի են։ Հետևաբար, պետք է ամեն ինչ անել, որպեսզի ԱԺ ընտրությունների արդյունքում ՀՀԿ–ն չվերարտադրվի, իսկ Գյումրին էլ ունենա արժանի քաղաքապետ ու այդ քաղաքը ներկայացնող ոչ դրածո պատգամավոր»։

Արման Սահակյան. «Հիմա, երկրորդ սերնդի բարեփոխումների արդյունքում ի հայտ են գալիս նոր սերնդի գործիչներ, որոնք ստացել եւ ստանում են ժամանակին բնորոշ մականուններ: Գալիս են եւ այդ մասին բարձրաձայն հայտարարում Ֆրեզնոյի Րաֆֆին, Տուֆի Խչոն, Արիկի Իզաբելլան, Միշիկի Թեւանը, Միլպետ Մասիսը եւ այլոք»։

Կորյուն Մանուկյան. «Պետական մարմիններում գրեթե բոլորն էլ հասկացել են, որ չարժե թաթախվել մի գործի մեջ (ՀՀԿ–ին ձայն բերել), որն ակնհայտորեն անհաջողության է մատնված։ Է. Բարսեղյանը հին մարդ է և եթե փողերն «ըստ արժանվույն» ու այլ նպատակով է օգտագործում, ուրեմն մի բան գիտի»։

Կորյուն Մանուկյան. «Փաստորեն, ՀՀԿ–ն այսպես է պատկերացնում հավատալու և փոխելու գործընթացը։ Մնում է, որ ընտրողներն էլ իրենց վերաբերմունքը ցույց տան «հավատավոր փոփոխականներին» և ՀՀԿ–ի քաղաքական մենաշնորհին վերջ տրվի»։

Գևորգ Դավթյան. «ՀԱԿ-ի ներսում իբր դժգոհության փոթորիկ բարձարցրած այդ գործիչը Սերժ Սարգսյանի համար լուծում է եւս մեկ կարեւոր խնդիր՝ ամեն կերպ տապալել 4 քաղաքական ուժերի նախաձեռնությունը՝ ընտրությունների վերահսկաման ուղությամբ (Զավենինչին այդ հարցում այժմ օգնում է նաև նախագահականի «կոնտռոլի» տակ գտնվող մեկ այլ գործիչ՝ Րաֆֆի Հովհաննիսյանը)»։

Արման Սահակյան. «Փոխված ՀՀԿ-ի փոխված նախագահը կոչ է արել և անելու քվեարկել իր փոխված ախպերության օգտին` Մհեր Սեդրակյանի, Ռուբեն Հայրապետյանի, Սամվել Ալեքսանյանի, Սեյրան Սարոյանի և այլոց: Սա, իհարկե, տխուր է, բայց ոչ զավեշտալի»։

Գևորգ Դավթյան. «Հավաստի աղբյուրների համաձայն, այս դեպքում Արմեն Աշոտյանը գործում է վարչապետ Տիգրան Սարգսյանի հետ համատեղ, իսկ ավելի ճիշտ` հենց նրա հանձնարարությամբ: Բանն այն է, որ կառավարությունը մտադիր է լուծարել Հայաստանի լավագույն բարձրագույն հաստատություններից մեկը եւ այն միացնել Հայկական մանկավարժական համալսարանին, իսկ Բրյուսովի անվան լեզվաբանական համալսարանի շենքն էլ վաճառել»։

Կորյուն Մանուկյան. «Սերժի համար մի ժամանակ ականություն էր անում Արտաշես Գեղամյանը («Ազգային միաբանության» առաջնորդն այժմ ՀՀԿ–ի ցուցակում է), հետո՝ Արթուր Բաղդասարյանը (ՕԵԿ առաջնորդն այժմ Սերժին կից ԱԽՔ է աշխատում)։ Հիմա էլ էստաֆետն ընդունել է Րաֆֆին, բայց իր դերն այնքան կոպիտ է խաղում, այնքան «ֆալշ» կա նրա գործողություններում, որ ժամանակից շուտ պայթեց»։

Կորյուն Մանուկյան. «Այսօր հանդես գալով կայարանամեձ հրապարակում՝ ՀՀԿ համամասնական ցուցակի 1–ին համար Սերժ Սարգսյանը կոչ է արել քվեարկել մայրաքաղաքի Էրեբունի համայնքում ՀՀԿ–ի կողմից մեծամասնականով պատգամավորության թեկնածու առաջադրված Մհեր Սեդրակյանի՝ Թոխմախի Մհերի օգտին»։

Կարեն Հակոբջանյան. «ԱԺ ընտրությունների քարոզչական փուլն արդեն մեկնարկել է։ Շատերի մոտ «ռոլիկները» պատրաստված են «Էստի՛ համեցեք» տրամաբանությամբ, և դա ինչ–որ տեղ բնական կարելի է համարել»։

Գևորգ Դավթյան. «Եթե Սովռանոյի Արմանը սկզբունքային հակաքիրվայական է ու դեմ է ադրբեջանական ֆիլմերի ցուցադրմանը, ապա ինչու՞ հայ–թուրքական «ֆուտբոլային» դիվանագիտության փուլում կոչ չէր անում «Ո՛չ» ասել զույգ արձանագրություններին, այլ ճիշտ հակառակը՝ իրեն պատկանող լրատվամիջոցներով քարոզում էր Սերժ Սարգսյանի «նախաձեռնողականությունը»»։

Կորյուն Մանուկյան. ««Վերարտադրություն» օպերացիան իրականացնելու համար Սերժին այժմ հարկավոր է Արտաշես Գեղամյանի մարմնավորած քաղաքական, մարդկային ու էթիկական որակների եւ ուղենիշների հանգույն մի գործիչ, ով կկարողանա թուլացնել ՀՀԿ–ի դեմ ընտրողների հուժկու հարվածի թափը, ինչպես նաև հանրային ուշադրությունը շեղել արհեստական թիրախների ուղղությամբ»։

Կորյուն Մանուկյան. «Ճիշտ է, Րաֆֆի Հովհաննիսյանը դեռ հետ չի կանչել իր տեղակալի ստորագրությունը «չորսի համաձայնագրի» տակից, բայց եթե հանկարծ «Իսկ ինչու արևը արևելքից է դուրս գալիս, այլ ոչ թե մեր սիրառատ հայրենիքի հուզախռով լեռների ճաճանչափայլ գագաթի հետևից» տիպի պատճառաբանությամբ «Ժառանգությունը» լքի քառյակը, ապա վերջնականապես պարզ կդառնա, թե ով է այս ընտրություններում իրականացնելու «Ազգային միաբանության» ֆունկցիան»։