Կորյուն Մանուկյան. «Այսօր հանդես գալով կայարանամեձ հրապարակում՝ ՀՀԿ համամասնական ցուցակի 1–ին համար Սերժ Սարգսյանը կոչ է արել քվեարկել մայրաքաղաքի Էրեբունի համայնքում ՀՀԿ–ի կողմից մեծամասնականով պատգամավորության թեկնածու առաջադրված Մհեր Սեդրակյանի՝ Թոխմախի Մհերի օգտին»։

Կարեն Հակոբջանյան. «ԱԺ ընտրությունների քարոզչական փուլն արդեն մեկնարկել է։ Շատերի մոտ «ռոլիկները» պատրաստված են «Էստի՛ համեցեք» տրամաբանությամբ, և դա ինչ–որ տեղ բնական կարելի է համարել»։

Գևորգ Դավթյան. «Եթե Սովռանոյի Արմանը սկզբունքային հակաքիրվայական է ու դեմ է ադրբեջանական ֆիլմերի ցուցադրմանը, ապա ինչու՞ հայ–թուրքական «ֆուտբոլային» դիվանագիտության փուլում կոչ չէր անում «Ո՛չ» ասել զույգ արձանագրություններին, այլ ճիշտ հակառակը՝ իրեն պատկանող լրատվամիջոցներով քարոզում էր Սերժ Սարգսյանի «նախաձեռնողականությունը»»։

Կորյուն Մանուկյան. ««Վերարտադրություն» օպերացիան իրականացնելու համար Սերժին այժմ հարկավոր է Արտաշես Գեղամյանի մարմնավորած քաղաքական, մարդկային ու էթիկական որակների եւ ուղենիշների հանգույն մի գործիչ, ով կկարողանա թուլացնել ՀՀԿ–ի դեմ ընտրողների հուժկու հարվածի թափը, ինչպես նաև հանրային ուշադրությունը շեղել արհեստական թիրախների ուղղությամբ»։

Կորյուն Մանուկյան. «Ճիշտ է, Րաֆֆի Հովհաննիսյանը դեռ հետ չի կանչել իր տեղակալի ստորագրությունը «չորսի համաձայնագրի» տակից, բայց եթե հանկարծ «Իսկ ինչու արևը արևելքից է դուրս գալիս, այլ ոչ թե մեր սիրառատ հայրենիքի հուզախռով լեռների ճաճանչափայլ գագաթի հետևից» տիպի պատճառաբանությամբ «Ժառանգությունը» լքի քառյակը, ապա վերջնականապես պարզ կդառնա, թե ով է այս ընտրություններում իրականացնելու «Ազգային միաբանության» ֆունկցիան»։

Կորյուն Մանուկյան. «Այսօր ապրիլի 7–ն է՝ Մայրության ու գեղեցկության տոնը՝ ֆոլկլորային լեզվով ասած՝ «կնանիքի տոնը»։ ՕԵԿ–ը հանրահավաք էր կազմակերպել Ազատության հրապարակում»։

Կորյուն Մանուկյան. ««Տասնոցին» խփելն է պատճառը, որ «վեցնոցները» ֆեյսբուքի, թերթերի ու կայքերի էջերից չեն իջնում և Օսկանյանի ասածներին հակափաստարկներ չունենալը «կոմպենսացնում» են անձնական վիրավորանքներով»։

Կորյուն Մանուկյան. «Չեմ կասկածում, որ եթե վաղը իրավիճակ փոխվի, ապա այն մարդիկ, ովքեր այսօր Վարդան Օսկանյանի դեմ են խոսում ու Սերժ Սարգսյանին պաշտպանում, անմիջապես փոխելու են քննադատության վեկտորը։ «Պոռնիկներ են, սը՛ր»,– նման դեպքերում ասում են անգլիացիները»։

Կորյուն Մանուկյան. «Եթե Սարգսյանը տեղյակ չէր մինչև իր նախագահ դառնալը Հայաստանի կուտակած փորձից և Թուրքիայի պահվածքից, ապա նա կարող էր գոնե խորհրդակցել իր նախկին ղեկավար Ռոբերտ Քոչարյանի կամ ՀՀ արտաքին գերատեսչությունը 10 տարի ղեկավարած Վարդան Օսկանյանի հետ և նոր միայն Գյուլի հետ սկսեր իր «ֆուտբոլը»»։

Արտակ Հակոբյան. «Անկասկած, Օսկանյանի «դրիբլինգները» երբեմն կարող են անհաջողության մատնվել, սակայն նրան «պահելը» անհրաժեշտ պայմաններից է ԲՀԿ-ի հաջողության համար, քանզի ԲՀԿ-ի հարձակվողը Օսկանյանն է, իսկ ինչպես հայտնի է, ֆուտբոլում գոլ խփում են հիմնականում հարձակվողները` կիսապաշտպանների և պաշտպանների աջակցությամբ»:

Կորյուն Մանուկյան. «Ի՞նչ ասեց ԲՀԿ համամասնական ցուցակի 2–րդ համարը և ինչո՞ւ այդպես հունից հանեց «հավատափոխության» («հավատանք, որ փոխենք»–ի կրճատ տարբերակն է) կարգախոսով առաջնորդվող ՀՀԿ–ին։ Վարդան Օսկանյանի քաղաքական «մեսիջները» հետևյալն էին...»։

«Խորհրդանշական է, որ այն ցնցող հարցազրույցը, որտեղ Սերժ Սարգսյանը հպանցիկ ակնարկում է, որ Արտաշես Գեղամյանը 300 հազար ամերիկյան դոլարի դիմաց հրաժարվել է 2003 թվականի նախագահական ընտրությունների երկրորդ փուլում պաշտպանել իր զոհված բարեգործ ղեկավար Կարեն Դեմիճյանի որդի` Ստեփան Դեմիրճյանին, հրապարակվել է Մարգարիտ Եսայանի ստորագրությամբ»։

Արման Սահակյան. «Ծիծաղելի է, երբ փոխնախարարներին ուղարկում են արձակուրդ՝ ընտրության օբյեկտիվությունը ապահովելու համար, իսկ երկրի գլխավոր դատախազը մի տեղ եղբորն է աջակցում, այլ տեղ` խնամուն, երրորդ տեղում` մոտ ընկերոջը»։

Արեգնազ Մանուկյան. «ՀՀԿ–ի համամասնական ցուցակում հայտնվելով՝ ի՞նչ «մեսիջ» է քաղծառայողներին հաղորդել Մանվել Բադալյանը։ Հաշվի առնելով Քաղծառայության խորհրդի նախագահի նախկինում տված ձևակերպումները՝ կարող ենք ասել, որ նրա հայտնվելը ՀՀԿ–ի ցուցակում փաստացի նշանակում է՝ քո տեղը պահելու համար անպայման պետք է դառնաս կուսակցական կամ տեղ ունենաս իշխող ուժի ցուցակում, լինես կաշկանդված, հաշվի առնես միայն կուսակցական ու հատվածական շահը, լինես անսկզբունքային, զուրկ լինես արժեքային համակարգից և այլն»

Գևորգ Դավթյան. «Ինչպես հայտնի է, ՀՀԿ ցուցակում բազում գործարարներ կան, իսկ մեծամասնական կարգով Հանրապետականն առավելապես գործարարների է առաջադրել։ Առաջադրել է, լավ է արել. գործարարին սահմանադրորեն արգելված չէ պատգամավորության թեկնածու լինել և գործարար լինելը դատապարտելի չէ, բայց դատապարտելի է այն, որ բոլոր գործարարների համար հավասար մրցակցություն ապահովելու համար հարկատուների հաշվին աշխատավարձ ստացող պաշտոնյան քաղաքական համակրանքներով է առաջնորդվում»։

Կորյուն Մանուկյան. «Շուտով սկսվելու է ընտրարշավը և մասնակից կուսակցությունները, բնականաբար, հանդես են գալու նախընտրական կարգախոսներով։ Եթե քաղաքական ուժերը մի փոքր շեղվեն ընդունված չափանիշներից, ապա ընտրողներին պետք է ներկայանան հետևյալ կերպ»։

Կորյուն Մանուկյան. «Հիմա ճիշտ պահն է անդրադառնալ այն «մեսիջներին», որոնք ցուցակների միջոցով քաղաքական դաշտի հիմնական խաղացողներն ուղարկեցին հանրությանը»։

Արման Սահակյան. «Հայաստանի նման երկրներում սոցհարցումները չեն կարող արտահայտել ժողովրդի իրական տրամադրությունները: Այնպես որ, որեւէ սոցհարցման չի կարելի լուրջ վերաբերվել, եթե նույնիսկ սոցհարցումներն իրականացնում են եվրոպացու դեմքով երիտասարդները, որոնք, մեծ հաշվով, թքած ունեն Հայաստանի եւ հայ ժողովրդի ապագայի վրա»։