Արեգնազ Մանուկյան. «Նախագահականում երևի մտածում են, որ իրենց սիրելի խորհրդանիշ ջայլամի նման եթե նրանց ուղղված «անհարմար» հարցերն անտեսեն, ապա կստացվի, որ ոչ մի հարց էլ իրենց չի տվել։ Ուռաաա՜, պարոնա՛յք, առա՛ջ դեպի ջայլամային Հայաստան»։

Կարեն Հակոբջանյան. «Սերժի հույսն իր փեսայի վերահսկողության տակ գտնվող լրատվամիջոցները և ուժայիններն են. առաջինները պետք է խեղաթյուրեն իրականությունը և ֆոն ստեղծեն ընտրակեղծիքների համար, իսկ երկրորդները պետք է ուժով պահեն կեղծիքներով ամրագրված արդյունքները»։

Արտակ Հակոբյան. «Քանի դեռ Սերժ Սարգսյանը չի հասցրել իր ամբողջական ռեժիմը հաստատել, նրան, դեռ ժամանակավորապես, լրագրողները «պետք են», որովհետև միմիայն նրանց միջոցով կարելի է «սևը սպիտակի տեղ անցկացնել»: Իսկ երկիրը փլած նախագահի համար այդ մարդիկ դառնում են նույնիսկ անփոխարինելի»։

Արման Սահակյան. «Եթե Նիկոյանի նպատակը կրկին պատգամավոր դառնալն է, ապա նրան խորհուրդ կտայինք շատ չմտահոգվել Տիգրան Սարգսյանի անձնական շահերին առնչվող օրինագծի չընդունման պատճառով ու անիմաստ «վիպենդրիոշ» չլինել, քանզի իր նմանները միշտ պետք կգան Սերժ Սարգսյանին։ Այլ հարց է, որ Սերժ Սարգսյա՛նը կարող է պետք չգալ ընտրողներին։»

Արման Սահակյան. «Տիգրան Սարգսյանի ներքինիի և կոճակ սեղմողի դերում հանդես եկող խորհրդարանական մեծամասնության ներկայացուցիչները դժգոհում էին կոալիցիոն ոխերիմ գործընկերոջից և մտածում, թե ինչպես են դուրս գալու տեղի ունեցածի տակից»։

Կարեն Հակոբջանյան. «Դե թող հիմա լավ մտածեն «սերժատուները», երբ փեսայական «զակազներ» են անում ու փորձում «պեպելնիցայից» «կանֆետկա» սարքել՝ գրելով, թե շոումեն Վովան ոստիկանությանը ձեռառնոցիի առարկա է սարքել, հետևաբար լավն է։ Լավն է՝ կերեք»։

Կարեն Հակոբջանյան. ««Լավ ընտրություններին» ընդառաջ Սերժ Սարգսյանն ու Տիգրան Սարգսյանը չեն մոռացել նաև ընտրակաշառքի մասին, բայց այս անգամ այն բաժանվելու է ոչ թե մասնավոր, այլ պետական խողովակներով։ «Բարեշրջիչների» թիմը որոշել է հաճելին համատեղել օգտակարի հետ»։ Հաճելին այն է, որ «էժան վառելիք ենք տալիս գյուղացուն» ծրագրի շրջանակներում իրականում «մին լյավ» փող են աշխատելու՝ մտնելով թե՛ հարկատուների, թե՛ պետբյուջեի գրպանը, ինչպես նաև զուգահեռաբար նպաստելու են յուրային գործարարի է՛լ ավելի հարստացմանը»։

Կարեն Հակոբջանյան. «Ինչ վերաբերում է Սերժ Սարգսյանի ու Վազգենենց ընտանիքի փոխհարաբերություններին, ապա այստեղ գործարքն ակնհայտ է. Արմենն ազատության մեջ է, իսկ Արամն էլ գեղամյանական ոճով պահանջում է Սերժի հրաժարականը։ Ահա և Վ. Սարգսյանի ու Տ. Նաղդալյանի սպանությունների պատմության վերջաբանը»։

Արման Սահակյան. «Քաղաքական դաշտի երեք հիմնական ուժերը սկսել են համամասնական ընտրացուցակների կազմումը: Ներքին խմորումները առայժմ փակ են պահվում: Բայց, անկասկած, բախվում են լուրջ շահեր և առաջիկայում լինելու են անակնկալներ»։

Կարեն Հակոբջանյան. «Թե որտեղ կլինի և ինչպիսի ճակատագրի կարժանանա Վովա Գասպարյանն առաջիկա ԱԺ ընտրություններից հետո, կարելի է միայն ենթադրել, բայց դատելով տեղի ունեցող զարգացումներից՝ Վովայի ընդմիշտությանը վերջ կտրվի»։

Կարեն Հակոբջանյան. «Հայտնի խոսք կա. ձուկը հոտում է գլխից, բայց մաքրվում՝ պոչից։ Հիմա իշխանությունը փոքր բիզնեսից է սկսել, որպեսզի հետագայում տնտեսությունն ամբողջությամբ վերցնի իր ձեռքը։ Ժողովուրդն էլ իր հերթին պետք է հիշի մեկ այլ խոսք, այն է՝ գյուղ կանգնի՝ գերան կկոտրի»։

Արեգնազ Մանուկյան. «Փորձեցի պատկերացնել այսօրվա իշխանության հավաքական կերպարը։ Պատկերը, մեղմ ասած, հուսադրող չէր. ես կասեի՝ նույնիսկ սարսափեցնող էր»։

Արման Սահակյան. «Իշխանության նեղ խումբը «մոռացել» է իր տապալումները: «Բացը» լրացնելու համար՝ մենք սիրով սկսում ենք նոր խորագրի գործարկումը՝ «Մեր խոսքը` զրո է», և այդ ձևակերպումն առաջարկում ենք կիրառել որպես Սերժ Սարգսյանի նախընտրական կարգախոս։»

Կարեն Հակոբջանյան. «Եթե Տիգրան Սարգսյանն այդքան բարձր է գնահատում Վազգեն Սարգսյանին, ապա ինչու իր դժգոհությունը չի հայտնում այն ժամանակ, երբ իր շեֆ Սերժ Սարգսյանին սատարող օդիոզ լրատվամիջոցներից մեկը պարբերաբար պախարակում և մեզանում տիրող բոլոր բացասական երևույթների արմատավորումը վերագրում է Վազգեն Սարգսյանին»։

Կարեն Հակոբջանյան. «Սերժ Սարգսյանի թիմը հետևողականորեն ապականելու և ականապատելու է քաղաքական դաշտը, իսկ մենք էլ ոչ պակաս հետևողականությամբ «փչացնելու» ենք բոլոր նրանց, ում հանգիստ չեն տալիս Գեղամյանի դափնիները»։

Արման Սահակյան. ««Ազատ, բայց սերժատու» որոշ լրատվամիջոցներ օրեր առաջ ներկայացրել են «Լրագրողներ առանց սահմանի» կազմակերպության 2011թ. զեկույցը: Իրականում սերժատուների ներկայացրածը շատ փոքր աղերս ունի իրական զեկույցի հետ: Մասնավորապես այս տարվա զեկույցին ավելացվել են նախորդ տարիներից հատվածներ, և արվել են սեփական «ճշգրտումները»»։

Արման Սահակյան. «Խուրշուդյանի մեկնաբանություններից ելնելով՝ ակնհայտ է, որ Կարինե Հակոբյանն իր անձնական տեսակետն է հայտնել ԲՀԿ–ի մասով, իսկ թե ինչու է այդպես ստացվել և ինչու են այդքան կոնտրաստի մեջ հայտնվել կուսակցության քարտուղարի ու կուսակցության պաշտոնական մոտեցումները, արդեն «Ժառանգության» պարզելիք հարցն է»։

Կարեն Հակոբջանյան. «Կառավարության գործունեության հավաքական խորհրդանիշը բիոզուգարաններն են, որոնց վրա 100 միլիոնի փող է դուրս գրվելու։ Բիոզուգարաններն, ըստ այդմ, ամենացայտուն կերպով են բնութագրում «բարեշրջիչների» կառավարման տարիները, որոնք այլ կերպ, քան զուգարանային չես անվանի»։