Կարեն Հակոբջանյան. «Եթե Տիգրան Սարգսյանն այդքան բարձր է գնահատում Վազգեն Սարգսյանին, ապա ինչու իր դժգոհությունը չի հայտնում այն ժամանակ, երբ իր շեֆ Սերժ Սարգսյանին սատարող օդիոզ լրատվամիջոցներից մեկը պարբերաբար պախարակում և մեզանում տիրող բոլոր բացասական երևույթների արմատավորումը վերագրում է Վազգեն Սարգսյանին»։

Կարեն Հակոբջանյան. «Սերժ Սարգսյանի թիմը հետևողականորեն ապականելու և ականապատելու է քաղաքական դաշտը, իսկ մենք էլ ոչ պակաս հետևողականությամբ «փչացնելու» ենք բոլոր նրանց, ում հանգիստ չեն տալիս Գեղամյանի դափնիները»։

Արման Սահակյան. ««Ազատ, բայց սերժատու» որոշ լրատվամիջոցներ օրեր առաջ ներկայացրել են «Լրագրողներ առանց սահմանի» կազմակերպության 2011թ. զեկույցը: Իրականում սերժատուների ներկայացրածը շատ փոքր աղերս ունի իրական զեկույցի հետ: Մասնավորապես այս տարվա զեկույցին ավելացվել են նախորդ տարիներից հատվածներ, և արվել են սեփական «ճշգրտումները»»։

Արման Սահակյան. «Խուրշուդյանի մեկնաբանություններից ելնելով՝ ակնհայտ է, որ Կարինե Հակոբյանն իր անձնական տեսակետն է հայտնել ԲՀԿ–ի մասով, իսկ թե ինչու է այդպես ստացվել և ինչու են այդքան կոնտրաստի մեջ հայտնվել կուսակցության քարտուղարի ու կուսակցության պաշտոնական մոտեցումները, արդեն «Ժառանգության» պարզելիք հարցն է»։

Կարեն Հակոբջանյան. «Կառավարության գործունեության հավաքական խորհրդանիշը բիոզուգարաններն են, որոնց վրա 100 միլիոնի փող է դուրս գրվելու։ Բիոզուգարաններն, ըստ այդմ, ամենացայտուն կերպով են բնութագրում «բարեշրջիչների» կառավարման տարիները, որոնք այլ կերպ, քան զուգարանային չես անվանի»։

Արման Սահակյան. «Եթե Սերժ Սարգսյանն ու իր Վովան մինի ոստիկանապետեր սարքելու գնով են ուզում ԲՀԿ–ից մարդ պոկել, ապա դա հուսահատ քայլ է։ Հայաստանում այդքան պաշտոն չկա. վերջում հո չե՞ն կարող մարդկանց նախագահի կամ ՀՀ ոստիկանապետի աթոռն առաջարկել՝ ԲՀԿ–ից դուրս գալու դիմաց»։

Կարեն Հակոբջանյան. «Անկեղծ ասած՝ ծիծաղս գալիս է, երբ Սերժ Սարգսյանի սազանդարները փորձում են Ֆրանսիայի ներկայացուցչական մարմնի վերին պալատի ընդունած որոշումը ներկայացնել որպես ՀՀԿ «ճկուն» ղեկավարի նախաձեռնողական քաղաքականության արդյունք»։

Կարեն Հակոբջանյան.«Կարծում եմ, որ անգամ Սերժ Սարգսյանի թիմակից համարվողներն են հասկացել, թե ինչ տեսակի մարդ է հայտնվել երկրի կառավարման ղեկին։ Այդ տեսակի մարդու համար իր նեղ շրջապատից դուրս գտնվողներն ընդամենը օգտագործման և գիշերային որոշմամբ դեն նետման ենթակա կատարածուներ են»։

Կարեն Հակոբջանյան. «Բանգլադեշցի Համոն մի բան գիտեր, երբ ձվեր էր նետում Գեղամյանի ուղղությամբ։ Դա, փաստորեն, քաղաքական ակցիա է եղել ընդդեմ Սերժի հաճախորդների ու կեղծ ընդդիմադիրների, և նպատակ է հետապնդել բացել ժողովրդի աչքերը։ Նա, ամենայն հավանականությամբ, դեռ այն ժամանակվանից ուզում էր ընտրողներին ազատել Սերժ Սարգսյանի լայնախոհությունը, աջակցությունն ու «զրոները» ճաշակած գործչից, սակայն, ավա՜ղ, չկարողացավ ու հիմա տառապանքների մեջ է»։

Կարեն Հակոբջանյան. «Համապետական ընտրություններում հնարավորինս լայն համախմբում ապահովելու համար՝ գործող ռեժիմին ընդդիմացող ուժերը պետք է տարանջատեն ՀՀԿ–ի առողջ թևը Սերժ Սարգսյանի գլխավորած օլիգարխիայից և, գաղափարական տարաձայնություններով հանդերձ, տակտիկապես գործեն «բոլորն ընդդեմ մեկի» սկզբունքով, և որպես միասնական թիրախ ընտրեն երկրի թիվ մեկ և միակ օլիգարխին՝ Սերժ Սարգսյանին»։

Արման Սահակյան. «Տեր-Պետրոսյանը, Քոչարյանը, Ծառուկյանը ժամանակն է, որ վերջ դնեն կիսաքայլերին: Հասարակական հիմնական պահանջը դա է: Ձեր առաջ անպարտելի ուժ չէ, այլ թուլացած, բայց դեռևս ավերածությունների ունակ ռեժիմ»։

Արման Սահակյան. «Կարծում ենք, որ Ծառուկյանը պետք է շնորհակալ լինի «հուշագրերի» մեծ սիրահար Սարգսյանից, քանզի վերջինս կատարում է սևագործ աշխատանք և ակամայից կարգի բերում ԲՀԿ–ի շարքերը»։

Կարեն Հակոբջանյան. «Փաստորեն, Գեղամյանը բառացի խոստովանում է, որ ինքը Սերժ Սարգսյանի լայնախոհության շնորհիվ է իր բարձր վարկանիշը զոհել ու 2003–ին նպաստել Քոչարյանի վերարտադրմանը։ Մինչև վերջ անկեղծ լինելու դեպքում Գեղամյանը լավ կաներ, եթե նշեր, թե, այնուամենայնիվ, քանի զրոյով է համալրվել իր ընտանեկան բյուջեն Ս. Սարգսյանի լայնախոհության շնորհիվ»։

Արտակ Հակոբյան. «Ամփոփելով Բաղրամյան 26 – ԲՀԿ հակամարտության այս ողջ ժամանակահատվածը` կարելի է հաստատորեն պնդել, որ Սերժ Սարգսյանին ոչ միայն չհաջողվեց հնազանդեցնել ԲՀԿ-ին, այլև փաստացի իր այս քայլով գործող նախագահը ակամայից «կոփեց, ամրապնդեց» ԲՀԿ-ին և վերջինս դարձավ համակարգային ինքնաբավ լրջագույն բևեռ»։

Արեգնազ Մանուկյան. «Երկու օր է ինչ որոշ լրատվամիջոցների հավաստի աղբյուրը ընթերցողներիս ահագին երկար, երբեմն նույնիսկ քահ–քահ ծիծաղելու բազմաթիվ առիթներ տվեց։ Այդ հավաստի աղբյուրը երևի ողջ գիշեր չէր քնել և, օ՜, էվրիկա՜, որոշել էր հասարակությանն առավոտ կանուխ մի լավ զվարճացնել՝ հայտարարելով, թե ... ՀՀԿ–ի վարկանիշը շարունակաբար աճում է»։

Արման Սահակյան. «Ամիսներ առաջ հերթական հիստերիայի փուլում Բաղրամյան 26-ը հրապարակեց մի անանուն սոցհարցման տվյալներ, որով մատնեց իր խորքային խնդիրները: Միևնույն ժամանակ «փուռը» տվեց անկախ լրատվամիջոցի համբավ ունեցող լրատվական կայքին»։

Կարեն Հակոբջանյան. «Ռոբերտ Քոչարյանի նախագահության օրոք Սերժ Սարգսյանին ոչ ֆորմալ լիազորություններ էին տրված, ինչի հետևանքով վերջինս ձեռք էր բերել «հարց լուծողի» համբավ։ Սերժի «դաբրոյի» մասին առասպելներ էին պտտվում»։

Կարեն Հակոբջանյան. «Եթե հիշում եք, նախորդ տարվա կեսերին Տիգրան Սարգսյանի թիմը և «սերժատու» լրատվամիջոցները թմբկահարում էին, թե նոր կարգ են մտցրել ու բարեշրջել ոլորտը (կամ՝ ոլոլորտը), այնպես բարեշրջել, որ «հոպլա» և դու այլևս «տեխզննված» ես՝ մեկ պատուհանի սկզբունքով։ Բնականաբար չէի հավատում, որովհետև այս կառավարությունը բացի դեմագոգիայից ու փող պոկելուց, այլ բանի ընդունակ չէ»։