Կարեն Հակոբջանյան. «Սերժ Սարգսյանի գլխավորած թիմի քաղաքական հայեցակարգն ամբողջովին փլուզվել է։ Նրանք ուզում էին «անընդունելի և անհանդուրժելի» երևույթների դեմ պայքարի քողի տակ կյանքի կոչել «մեկ ազգ, մեկ օլիգարխ, մեկ տիրացու, մեկ փեսա» ծրագիրը, սակայն չի ստացվում»։

Դավիթ Մկրտչյան. «Իշխանության ձախողումների շարքից անցած շաբաթվա միակ անմեղ միջոցառումը եղավ Տարոն Մարգարյանի Երևանի քաղաքապետ դառնալու արարողությունը: Սակայն, այստեղ էլ Միշիկի ուշադրությունը չափազանց զգոն վիճակում էր»։

Կարեն Հակոբջանյան. «Այն, որ այդ ծերունի պեդոֆիլն արժանի է խիստ պատժի՝ քննարկման թեմա չէ, սակայն հասարակական վտանգավորության տեսակետից շատ ավելի դատապարտելի գործունեությամբ է զբաղված պեդոֆիլի նախկին ղեկավարը»։

Արեգնազ Մանուկյան. «Գիտեք, եթե անգամ ընդունեք, որ Տիգրան Սարգսյանն իրոք սթափ էր, ապա տվյալ պարագայում ես շատ ավելի ուրախ կլինեի, եթե խմած լիներ։ Հակառակ պարագայում ստացվում է, որ երկիրը ղեկավարող այս հավաքականում «ֆուտբոլիստները» սեփական շահի համար միտումնավոր իրար ոտք են կոտրում։ Իսկ նման անփառունակ հավաքականներին սովորաբար պատմության գիրկն են ուղարկում, այլապես ա՛յս ֆուտբոլում կպարտվենք մենք բոլորս»։

Կարեն Հակոբջանյան. «Եթե հիշում եք, անցած տարի Արդարադատության նախարարին աշխատանքից հեռացրեցին այն բանի համար, որ նախարարության կառուցվածքի մեջ մտնող ԴԱՀԿ ծառայության պետ Միհրան Պողոսյանն, ըստ մամուլի հրապարակումների, իր աշխատասենյակում ծեծել էր ենթականերից մեկին»։

Կարեն Հակոբջանյան. «Տիգրան Սարգսյանի գլխավորած թիմը շարունակ պնդում է, թե լրացուցիչ գումարները հավաքվելու են խոշորի բիզնեսի և ստվերի կրճատման հաշվին։ Սակայն բյուջեի նախագծին կից ներկայացված հարկային փաթեթից պարզ է դառնում, որ գործադիրը հերթական բլեֆն ու դեմագոգիան է անում»։

Արեգնազ Մանուկյան. «Այսօրվանից հետո այս իշխանության առանձին դեմքերին բնութագրող «հարբած», «վայրենի» բառերի կողքին կավելանա ևս մեկը՝ «շարիկ գլորող»»։

Կարեն Հակոբջանյան. «Իջևանցիները, կարելի է ասել, որ իրենց ընտրությամբ ու քաղաքացիական դիրքորոշմամբ պատռեցին կոալիցիոն հուշագիրը՝ ցույց տալով, որ իշխանության միակ ու անփոխարինելի աղբյուրը ժողովուրդն է»։

Կարեն Հակոբջանյան. «Տ. Մարգարյանին այս պահին քաղաքապետ դարձնելը նաև քաղաքական ենթատեքստ ունի։ Ս. Սարգսյանի թիմն ուզում է առաջիկա համապետական ընտրությունների ժամանակ օգտագործել Անդրանիկ Մարգարյանի դրական բրենդի ժառանգորդ որդուն, որից հետո նրան, թերևս, կդարձնեն անընդունելի և անհանդուրժելի, քանզի նախագահական նստավայրի համար Երևանի քաղաքապետի ցանկալի մեկ թեկնածու կա...»։

Կարեն Հակոբջանյան. «Եթե «Լիսկան» շարունակի պաշտոնավարել, ապա մենք գործ կունենանք երկակի ստանդարտների հետ, այն է՝ Սերժ Սարգսյանի համար անընդունելի և անհանդուրժելի է ծեծը միայն այն դեպքում, երբ իրեն ձեռնտու է հանրությանն այդպես ներկայանալը»։

Կարեն Հակոբջանյանին. «Ընտրությունների արդյունքները ցույց տվեցին, որ Գագիկ Ծառուկյանի գլխավորած թիմի հավակնություններն առաջիկա համապետական ընտրությունների մասով անհիմն չեն և որ ԲՀԿ–ն կարող է մյուս քաղաքական ուժերի հետ համագործակցության արդյունավետ մոդել ստեղծել ու թույլ չտալ ընտրակեղծիքների մեքենայի գործարկումը»։

Կարեն Հակոբջանյան. «Փաստորեն ստացվում է, որ «ազատ, բայց սերժատու» հեռուստատեսությունը «քաշե՞լ» է Տիգրան Սարգսյանին։ Եթե դա այդպես է, ապա չի բացառվում, որ Թաթայի երգարվեստի սիրահարն էլ շուտով կհայտնվի ՀՀԿ–ի չեղած շտաբի պետի մյուս տեղակալի կարգավիճակում՝ նախապատրաստվելով «որակական հեղափոխությանը»»։

Կարեն Հակոբջանյան. «Սերժ Սարգսյանի հաշվարկով հիմա ամենահարմար պահն է արտահերթի միջոցով «քցել» բոլորին ու կյանքի կոչել «մեկ ազգ, մեկ օլիգարխ, մեկ տիրացու, մեկ փեսա» նեոբոլշևիկյան ծրագիրը»։

Կարեն Հակոբջանյան. «Ժողովու՛րդ, էն «գյոզալական» «Արմենիկումի» միջազգային հաղթարշավից խաբար–մաբար չկա՞։ Համայն մարդկությունը դեռ շարունակո՞ւմ է կոտորվել «սպիդից», թե՞ բոլորն արդեն տեղյակ են Սերժ Սարգսյանի հովանավորած հայտնագործությունից ու արխային «լևի» են գնում»։

Կարեն Հակոբջանյան. «Հայաստանում Ճապոնիայի արտակարգ և լիազոր դեսպանը օրերս իր հավատարմագրերը հանձնեց Սերժ Սարգսյանին։ Հետաքրքիր է՝ նա հավատարմագրերի համար նախատեսված «պապկայի» մեջ «դաբրո–մաբրո» դրե՞լ էր, թե՞ ձեռնունայն էր եկել նախագահական նստավայր»։

Արեգնազ Մանուկյան. «Տիգրան Սարգսյանը հայտարարում է, որ գիտի ստվերի տեղը։ Նրան խորհուրդ ենք տալիս ստվերը փնտրելիս շատ հեռու չգնալ, այլ փնտրել այն Բաղրամյան 26–ի և Հանրապետության հրապարակի Կառավարական շենքի հատվածներում։ Հաստատ՝ այդ շենքերի մութ անկյուններից ահագին բան լույս աշխարհ կարելի է բերել»։

Արտակ Հակոբյան. «Ինֆորմացիոն մոնոպոլիայի ստեղծման համար Սերժ Սարգսյանը օգտագործում է իր փեսային` Միքայել Մինասյանին: Պետք է ասել, որ վերջինիս դա համարյա հաջողվել է»։

Կարեն Հակոբջանյան. «Այլ պետությունների ղեկավարների հետ նկարվելուց հետո «դաբրոների» մտացածին պատմություններ շրջանառության մեջ դնողների սիրահարներին հիշեցնենք, որ, օրինակ, Ֆրանսիայի նախագահ Սարկոզիի հետ ջերմ ձեռքսեղմումներ էին ունեցել Բեն Ալին, Մուբարաքը, Քադաֆին և ինչպես հոդվածին կից նկարից է երևում՝ Սերժ Սարգսյանը»։