Ամենալավ լուծումը երկրի ղեկավարության հրաժարական տալը կլինի, և կազմակերպվի արտահերթ ընտրություններ։

Նման էր համակենտրոնացման ճամբարի. զորամասում բերման ենթարկվածների թիվը չափազանց շատ էր։

Փոխանցե՛ք իմ ժողովրդին, որ ես նույն հոգեվիճակում եմ, կպայքարեմ և կմեռնեմ ժողովրդիս ոտքերի տակ։

Ոստիկանությունը նախ պետք է կարողանա հերքել, որ բախումների հրահրողներն իրենց հետ որևէ կապ չեն ունեցել։

Եթե իշխանությունները որոշեն ուժային լուծում պարտադրել, ապա մենք կունենանք ցավալի հետևաքներ և զոհեր, ինչը որևէ պարագայում չի կարելի թույլ տալ։

Քաղաքական ուժերն ապացուցեցին, որ իրենք ադեկվատ չեն իրականությանը, և որ հայաստանյան քաղաքական վերնախավը ծայրից ծայր սպառվել է:

Կարելի՞ է բանակցել 1,5 մլն հայ սպանած թուրքերի, պատերազմ սանձազերծած, հայի գլուխներ, ականջներ կտրած ադրբեջանցիների հետ, իսկ այս տղաների հետ, որոնք Ղարաբաղ են ազատագրել, ո՞չ։

Իսկ Սերժ Սարգսյանը ե՞րբ չի լռում, հատկապես դավադրությունների ժամանակ։

Ե՛վ Հայաստանի, և՛ արտերկրի հայությունը պիտի համախմբվի երկիրն այս արհավիրքից ազատելու համար: Համախմբում և պայքար մեր երկրի փրկության համար։

Հանգուցալուծման ձևը կախված է ժողովրդի կամքից, ինքնադրսևորման ակտիվությունից, պայքարից:

Մեղավորները կան, և նրանք հայտնի են. նրանք զբաղեցնում են իշխանական աթոռները։

Կոչ եմ անում, որ, որքան էլ դժվար լինի ձևակերպել ասելիքը, երկրի ղեկավարությունը տեսակետ հայտնի։ Հանդես եկե՛ք ուղերձով, խոսե՛ք ժողովրդի հետ։

Եթե խնդիրները չեն լուծվում, դրանք կուտակվում ու պայթում են: Այս անգամ այս ձևով պայթեց: Եթե այսպես շարունակվի, հետագայում ավելի մեծ պայթյուններ կարող են լինել:

Երկրում առաջացած մթնոլորտը՝ որոշակի ամենաթողություն, հարցերի կուտակում և չլուծում, դա՝ որպես քաղաքական մենաշնորհի հետևանք, որոշ մարդկանց կարող էր անելանելի թվալ։

Առաջին քայլը, որ պետք է արվի, երկիրը կարգավորելն է, սահմաններն ամրապնդելն ու ոչ մի թիզ հող չզիջելը։

Ժիրայր Սեֆիլյանի կողմից առաջարկություն կա երրորդ տարբերակով հարցը լուծել: Երկուստեք առնվազն ընդունելի է տարբերակը քննարկելու մակարդակով, և քննարկվում է։

Պատանդներից մեկի բացթողնման համար Ժիրայր Սեֆիլյանի հետ չենք խորհրդակցել, մե՛նք ենք որոշել։

Սա արդյունք է երկրում հաստատված միանձնյա կառավարման բռնապետական կարգի, տարիներ շարունակ սոցիալ-տնտեսական անհաղթահարելի ճգնաժամի, պետականությունը հեղինակազրկելու: