Սիրիայում կա՞ արդյոք ժողովրդական կամք վաղաժամկետ նախագահական ընտրություններ անցկացնելու համար։ Եթե նման կամք կա, ապա ինձ համար դա խնդիր չէ. բնականորեն կարձագանքեմ ժողովրդի կամքին։

Քանի որ Ղրիմը ՌԴ կազմում է, Ռուսաստանը մտադիր չէ որևէ մեկի հետ քննարկել իր գործողությունները սեփական տարածքում, որոնք խստորեն համապատասխանում են միջազգային իրավունքի նորմերին ու սկզբունքներին։

Ընտրատեղամասերում տեսախցիկների տեղադրումը դժվար թե որևէ հարց լուծի։ Ինձ թվում է՝ դա անիմաստ զբաղմունք է ու գումարների վատնում:

Հանցավոր խումբը քննարկել է Սերժ Սարգսյանի ինքնաթիռը դեկտեմբերի 1-ին Ադրբեջանի նախագահի հետ հանդիպման մեկնելու ժամանակ պայթեցնելը: Նույնիսկ իրականացվել են որոշակի գործողություններ:

Թուրքիային դեպի Եվրոպա անվիզա ռեժիմ տրամադրելը, 3 մլրդ դոլար լրացուցիչ ֆինանսական օգնությունը բավական են, որպեսզի 1915-ի հայերի զանգվածային ջարդերի թեման փակ պահվի։

Անհասկանալի է իշխող կուսակցության դպրոց ստեղծելը, քանի որ ՀՀԿ-ում ամեն մի հանդիպում, մարզային շտաբի բացում, շփում կուսակցության ղեկավարների հետ պետք է դպրոց լիներ:

Այն, ինչ դրվում է Օսկանյանի կուսակցության հիմքում, ինձ հոգեհարազատ է... շատ դեպքերում մենք համախոհներ ենք, և կարծում եմ, որ միասին ճանապարհ կանցնենք:

Մենք բերում ենք օտարերկրյա ինչ–որ բարեփոխիչների, նավթալինից հանում ինչ–որ արևելաեվրոպական նախկին վարչապետի ու նախարարի։ Բայց ի՞նչ կապ ունեն նրանք Ուկրաինայի հետ։

ԱՄՆ-ը Մերձավոր Արեւելքում իր հարցերն է լուծում, անհասկանալի դեմոկրատիա է կառուցում, երկրներն ու ազգերն իրար խառնում, բայց Մերձավոր Արեւելքի ահաբեկիչներն իրենց պայթեցնում են Եվրոպայի սրտում...

Աշխարհն արդեն այլ է, ոչ այնպիսին, երբ մենք մտահղացանք ՆԱՏՕ–ի գաղափարը։ Մենք պետք է վերանայենք մեր դիրքորոշումները։ Հարկավոր է պահպանել ՆԱՏՕ–ն, բայց ավելի քիչ վճարել դաշինքին։

Վարդան Օսկանյանի նախաձեռնությամբ ստեղծվելիք քաղաքական ուժը հավակնություն ունի դառնալու քաղաքական ծանրակշիռ բևեռ, որը նոր խոսք կասի քաղաքական դաշտում:

Ցանկացած մարդ, որը հարգում է ժողովրդավարությունն ու մարդու իրավունքները, կատի Եվրամիություն–Թուրքիա գործարքը։

Թուրքիան տեղ չունի ԵՄ–ում։ Երբ մենք սկսենք ասել, որ Թուրքիան Եվրոպա է, դպրոցականներին ստիպված պիտի պարզաբանենք, որ եվրոպական սահմանն անցնում է Սիրիայով։ Իսկ դա ողջամիտ չէ։

Նովրուզ բայրամի և Զատկի տոների կապակցությամբ հայկական և ադրբեջանական կողմերին կոչ եմ անում խստորեն պահպանել հրադադարի ռեժիմը։

Նիկոլ Փաշինյանը մեր հետ ա, բայց ուզում ա ցույց տա, թե մեր հետ չի: Թող իզուր իրան չճղի։ Ես կարամ ասեմ, որ ինքը մեր ախպերն ա։

Ոչ ոքի համար էլ գաղտնիք չէ, որ Ռուսաստանի դիվայնացումը և ՌԴ հետ կապված ամեն ինչ, ցավոք, պարտադիր ատրիբուտ է ամերիկյան ընտրարշավում։

Ահաբեկչության դեմ տարած հաղթանակի մասին խոսելը դեռ վաղ է։ Ռուսական ավիախմբին հանձնարարված է շարունակել ահաբեկիչների օբյեկտներին հարվածներ հասցնելը։

Ակնհայտ է, որ պարոն Օսկանյանի նման պատրաստված քաղաքական գործիչների Հայաստանում ամեն տեղ չէ, որ հանդիպում ես: Ուստի, նաև իր այդ փորձը Օսկանյանը կօգտագործի կառավարման համակարգի համար: