Այս պահին Ազատության հրապարակում հրավիրված հանրահավաքում «Ժառանգություն» կուսակցության նախագահ Րաֆֆի Հովհաննիսյանը հայտարարել է, որ ով այսօր՝ մինչև ժամը 6–ը չգնա այնտեղ և ներողություն չխնդրի, նա պատասխան է տալու ժողովրդի առաջ։

«Հանրապետության Նախագահը միշտ էլ պատրաստակամ է եղել հանդիպելու բոլոր քաղաքական ուժերի և նրանց առաջնորդների հետ յուրաքանչյուր անհրաժեշտության դեպքում: Այստեղ բացառություն լինել չի կարող, հատկապես երբ խոսքը ընտրություններում երկրորդ տեղը զբաղեցրած քաղաքական գործչին է վերաբերում: Այժմ էլ Նախագահը պատրաստակամ է ընդունելու պարոն Հովհաննիսյանին իրեն հարմար ցանկացած ժամի, առավել ևս, որ կարիք կա պարզություն մտցնելու հանդիպման նպատակի մասին պարոն Հովհաննիսյանի հնչեցրած բավականին անհասկանալի ձևակերպումների մեջ»:

«Ժողովրդի ընդվզումը երկրում առկա քաղաքական, սոցիալական, տնտեսական իրական վիճակի և բարոյական մթնոլորտի պատասխանն էր: Պատասխանն էր իշխանության և նրա` վերևից ներքև ներկայացուցիչների ինքնագոհ այն պահվածքի, թե իրենք հասարակության բացարձակ մեծամասնության վստահությունն ու աջակցությունն ունեն: Ակնհայտ դարձավ, որ ժողովրդի գերակշիռ մասը գործող համակարգը չի ընդունում»

Ի դեպ, այս բացահայտումից հետո պարզ է դառնում նաև, թե ինչպես է պատահել, որ մյուս ինը մարզերում Սերժ Սարգսյանը հաղթել է: Աշոտ Գիզիրյանը, փաստորեն, մեղադրում է մյուս մարզպետներին:

Փետրվարի 18-ին Հայաստանում կայացան հերթական խայտառակ ընտրությունները։ Հայ Ազգային Կոնգրեսը՝ ավելի քան 1500 ընտրատեղամասերում իր նշանակած հանձնաժողովների անդամների, Կոնգրեսի կողմից հատուկ մոնիտորինգի ենթարկված 20 ընտրատեղամասերի, ինչպես նաեւ լրագրողական եւ այլ խողովակներով հավաքած փաստական նյութի վրա արձանագրում է հետեւյալը։

Հովհաննիսյանն ակնկալում է հանդիպում Սերժ Սարգսյանի հետ և հույս ունի, նա մինչև վաղը ժամը հինգը կընդունի ժողովրդի հաղթանակը։ «ժառանգության» առաջնորդը չբացառեց, որ կարող է որպես փոխզիջում դիտարկել արտահերթ խորհրդարանական ընտրությունների տարբերակը։

«Ես պատկերացնում եմ, որ այսօրվա կոալիցիայի շատ անդամներ կարող են լինել Րաֆֆի Հովհաննիսյանի կողմից ձևավորվող կառավարության մեջ, ոչ թե՝ «Ժառանգությունն» այս իշխող իշխանության կոալիցիայի մաս լինի: Րաֆֆի Հովհաննիսյանը խորհրդարանական ընտրություններից հետո կձևավորի նոր կոալիցիա, և այդ նոր կոալիցիան Րաֆֆի Հովհաննիսյանի գլխավորությամբ աշխատանքներ կիրականացնի»։

Սերժ Սարգսյանը նախընտրական հիմնադրամ կատարել է 99 մլն 399 հազար 600 դրամ ֆինանսական մուտք, Րաֆֆի Հովհաննիսյանը՝ 72 մլն դրամ, Հրանտ Բագրատյանը՝ 11 մլն 300 հազար դրամ։Պարույր Հայրիկյանը հիմնադրամ մուտք է կատարել 1 մլն 24 հազար դրամ, Անդրիաս Ղուկասյանը՝ 4 մլն 591 հազար 240 դրամ, Վարդան Սեդրակյանը՝ 700 հազար դրամ։ Իսկ ՀՀ նախագահի թեկնածու Արման Մելիքյանը նախընտրական հիմնադրամ չի բացել, հետևաբար և ոչ մի ծախս չի արել։

Փետրվարի 18–ին արդեն ներկայացրել էինք համացանցում տարածված մի շարք լուսանկարներ, որոնք անվավեր դարձնելու միջոցով քաղաքացիներն իրենց վերաբերմունքն էին արտահայտել նախագահական այս ընտրությունների նկատմամբ։ Այժմ ներկայացնում ենք դրանց հերթական շարքը։

Ուշագրավ է, որ անվավեր քվեաթերթիկների թիվը 50988 է, որը կազմում է քվեարկության մասնակիցների 3.35 տոկոսը, ինչը «երրորդ» արդյունքն է։

«Ի սկզբանե իշխանությունները պայքարում էին ոչ միայն իրենց թեկնածուին անցկացնելու, այլև երկրորդ և կամ նույնիսկ երրորդ տեղերը կանխորոշելու համար։ Րաֆֆին դրանից հրաշալի օգտվեց։ Բռավո։ Իշխանությունները վերջում բացահայտորեն փոշմանեցին և փորձեցին կասեցնել նրա հաղթարշավը։ Բայց արդեն ուշ էր։ Հիմա իրադարձությունների հետագա ընթացքը նրանից է կախված։ Եթե Պարույրը իրեն ճիշտ պահեր, վստահ եմ, երրորդ տեղը նրանն էր լինելու»։

«Այս ընտրությունները մեկ անգամ ևս ապացուցեցին, որ մեր ժողովուրդն ամենապատասխանատու պահերին կարողանում է համախմբվել և ճիշտ որոշումներ կայացնել: Այս ընտրությունները ճանապարհի ընտրություններ էին, և հայաստանցիներն ընտրեցին դեպի ապահով Հայաստան ճանապարհը»:

Հայաստանի կենտրոնական ընտրական հանձնաժողովն ավարտել է նախագահական ընտրությունների նախնական արդյունքների հաշվարկը: Ըստ ԿԸՀ-ի տվյալների՝ ձայները բաշխվել են հետեւյալ կերպ. 1. ՀՀԿ նախագահ Սերժ Սարգսյան-58,64% (861160 ձայն, 2. «Ժառանգություն» կուսակցության նախագահ Րաֆֆի Հովհաննիսյան-36,75% (539672 ձայն), «Ազատություն» կուսակցության ղեկավար, նախկին վարչապետ Հրանտ Բագրատյան-2,15 % (31643 ձայն)...

ՀՀ նախագահի ընտրությունների քվեարկությանը չի մասնակցել ԲՀԿ առաջնորդ Գագիկ Ծառուկյանը, իսկ Աբովյան քաղաքում, որտեղ քաղաքապետ է Ծառուկյանի փեսան՝ Կարապետ Գուլոյանը, արձանագրվել է ընտրողների ամենապասիվ մասնակցություն։

Տեր-Պետրոսյանն ասել է, որ քվեարկել է հանուն Հայաստանի Հանրապետության՝ ավելացնելով նաև, որ քաղաքացիների իրավունքն է քվեաթերթիկն անվավեր դարձնելու տարբերակն ընտրելը։ Տեր–Պետրոսյանը նաև կատակել է, որ եթե օրենքը թույլ տար, 7 թեկնածուների օգտին էլ մեծ սիրով կքվեարկեր:

Երեւանի 2/8 ընտրատեղամասում արտառոց միջադեպ է տեղի ունեցել: Քաղաքացին (ՀԱԿ համակիր Արթուր Մինասյան) ստացել է իր քվեաթերթիկը, կատարել իր ընտրությունը, հետո ծրարը կնքվել է, որից հետո քաղաքացին գոռացել է «Ո՛չ ռեժիմին», «Ազատությո՛ւն Տիգրան Առաքելյանին», հանել է քվեաթերթիկը, պատռել է և որպես բողոքի նշան՝ կերել այն:

Պարզվում է «Եկել ես ստեղ, որ ինչ անես» կարգի բառակապակցությունը Սերժ Սարգսյանի մշտական բառապաշարի մասն է, որը նա օգտագործում է ոչ միայն վրդովվելու, այլ նաև կատակելու ժամանակ։ Հետադարձ հայացքով հիշենք, որ նմանօրինակ արտահայտություն Սերժ Սարգսյանն արել է նաև 2012թ. մայիս 17–ին՝ ՀՀԿ ԳՄ նիստից առաջ։ Երբ լրագրողները նրան ցանկացել են հարց ուղղել՝ Սերժ Սարգսյանը կատակել է. «Հիմա հարցեր տալիս եք, որ ի՞նչ անեք»։

Քվեաթերթիկում ՀՀ նախագահի թեկնածուները ներկայացված են այբբենական հերթականությամբ՝ ազգանունները, անունները, հայրանունները և առաջադրող կուսակցությունների անվանումները. «Ազատություն» կուսակցության նախագահ Հրանտ Բագրատյան, «Ազգային ինքնորոշում միավորում» կուսակցության նախագահ Պարույր Հայրիկյան, «Ժառանգություն» կուսակցության նախագահ Րաֆֆի Հովհաննիսյան, անկուսակցականներ` Անդրիաս Ղուկասյան և Արման Մելիքյան, ՀՀԿ նախագահ Սերժ Սարգսյան, անկուսակցական Վարդան Սեդրակյան: